ಧನುಷ್ ಚಿತ್ರದಲ್ಲಿ ಅಭಿನಯಿಸಲು ಕಿಚ್ಚನಿಗೆ ಆಹ್ವಾನ

ಕಿಚ್ಚನಿಗೆ ಭಾರಿ ಡಿಮ್ಯಾಂಡ್

ಕಿಚ್ಚ ಸುದೀಪ್ ಸದ್ಯ ಕನ್ನಡದ ಭಾರಿ ಬೇಡಿಕೆಯ ನಟ. ಕೇವಲ ಸ್ಯಾಂಡಲ್ ವುಡ್ ನಲ್ಲಿ ಮಾತ್ರವಲ್ಲದೆ ಹಾಲಿವುಡ್, ಕಾಲಿವುಡ್ ಮತ್ತು ಟಾಲಿವುಡ್ ನಲ್ಲಿಯೋ ಕಿಚ್ಚನ ಅಭಿನಯಕ್ಕೆ ಡಿಮ್ಯಾಂಡ್ ಕ್ರಿಯೆಟ್ ಆಗಿದೆ.

ಧನುಷ್ ನಿರ್ದೇಶನದ ಚಿತ್ರದಲ್ಲಿ ಕಿಚ್ಚ

ರಜನಿಕಾಂತ್ ಅಳಿಯ ಧನುಷ್ ನಿರ್ದೇಶನದಲ್ಲಿ ಮೂಡಿ ಬರಲಿರುವ ಇನ್ನು ಹೆಸರಿಡದ ಚಿತ್ರದಲ್ಲಿ ಅಭಿನಯಿಸಲು ಕಿಚ್ಚನಿಗೆ ಆಹ್ವಾನ ಬಂದಿದೆಯಂತೆ. ಈಗಾಗಲೇ ಧನುಷ್ ಸುದೀಪ್ ಅವರನ್ನು ಭೇಟಿ ಮಾಡಿ ಕಥೆಯನ್ನ ಹೇಳಿದ್ದಾರೆ ಎನ್ನುವ ಸುದ್ದಿಗಳು ಕೇಳಿ ಬರುತ್ತಿವೆ.

ಕಥೆಯನ್ನ ಮೆಚ್ಚಿಕೊಂಡಿರುವ ಸುದೀಪ್

ಧನುಷ್ ಅವರ ಸಿನಿಮಾ ಕಥೆಯನ್ನ ಕೇಳಿರುವ ಕಿಚ್ಚ ಸುದೀಪ್ ಕಥೆಯನ್ನನ ಮೆಚ್ಚಿಕೊಂಡಿರುವುದರ ಜೊತೆಗೆ ಸಿನಿಮಾದಲ್ಲಿ ಅಭಿನಯಿಸಲು ಗ್ರೀನ್ ಸಿಗ್ನಲ್ ನೀಡಿದ್ದಾರಂತೆ.

ವರ್ಷ ಪೂರ್ತಿ ಬ್ಯುಸಿ ಆದ ನಟ

ಕಿಚ್ಚ ಸುದೀಪ್ ಕೈನಲ್ಲಿ ಸಾಕಷ್ಟು ಸಿನಿಮಾಗಳಿವೆ. ದಿ ವಿಲನ್, ಕೋಟಿಗೊಬ್ಬ3, ಹಾಲಿವುಡ್ ನ ರೈಸನ್, ಅಂಬಿ ನಿಂಗ್ ವಯಸ್ಸಾಯ್ತೋ, ಸೇರಿದಂತೆ ಚಿರಂಜೀವಿ ಜೊತೆಯಲ್ಲಿ ಉಯ್ಯಾಲವಾಡ ನರಸಿಂಹ ರೆಡ್ಡಿ ಹಾಗೂ ಧನುಷ್ ಅವರ ನಿರ್ದೇಶನದ ಹೊಸ ಚಿತ್ರದಲ್ಲಿ ಅಭಿನಯ ಚಕ್ರವರ್ತಿ ಕಾಣಿಸಿಕೊಳ್ಳಲಿದ್ದಾರಂತೆ.