ಮಲೇಷಿಯಾದಲ್ಲಿ ಕಿಚ್ಚನ ಫ್ಯಾಮಿಲಿ ಟ್ರಿಪ್

Recommended Video

ಬೇಸಿಗೆ ಶುರುವಾಗಿದೆ. ಶಾಲೆಗೆ ಹೋಗುವ ಮಕ್ಕಳಿಗೆ ರಜಾ ಸಿಕ್ಕಿ ಮಜಾ ಮಾಡುವ ಮೂಡ್ ನಲ್ಲಿದ್ದಾರೆ. ಮಗಳನ್ನ ತುಂಬಾ ಪ್ರೀತಿ ಮಾಡುವ ಕಿಚ್ಚ ಸುದೀಪ್ ತಮ್ಮ ಫ್ಯಾಮಿಲಿ ಜೊತೆ ರಜೆಯ ಪ್ರವಾಸಕ್ಕೆ ಹೋಗಿ ಬಂದಿದ್ದಾರೆ. ಚಿತ್ರೀಕರಣದ ಬ್ರೇಕ್ ಇದ್ದ ಕಾರಣ ಸುದೀಪ್, ಪ್ರಿಯಾ ಸುದೀಪ್ ಹಾಗೂ ಮಗಳು ಸಾನ್ವಿ ಆರು ದಿನಗಳ ಪ್ರವಾಸ ಮುಗಿಸಿ ಬಂದಿದ್ದಾರೆ.

ಮಲೇಷಿಯಾದ ಸುಂದರ ತಾಣಗಳನ್ನ ಈ ಬಾರಿಯ ಪ್ರವಾಸದಲ್ಲಿ ಕಿಚ್ಚ ಅಂಡ್ ಫ್ಯಾಮಿಲಿ ಸುತ್ತಾಡಿ ಬಂದಿದ್ದಾರೆ ಎನ್ನುವುದಕ್ಕೆ ಸಾಕ್ಷಿಯಾಗಿ ಕಿಚ್ಚನ ಪತ್ನಿ ಪ್ರಿಯಾ ಸುದೀಪ್ ಮಗಳ ಜೊತೆ ಇರುವ ಫೋಟೋವನ್ನ ಟ್ವಿಟ್ಟರ್ ನಲ್ಲಿ ಶೇರ್ ಮಾಡಿದ್ದಾರೆ.

ಸಾಲು ಸಾಲು ಸಿನಿಮಾಗಳಲ್ಲಿ ಬ್ಯುಸಿ ಆಗಿರುವ ಕಿಚ್ಚ ಮೊದಲಿಗೆ ಬಿಡುವು ಮಾಡಿಕೊಂಡು ಮಗಳನ್ನ ಜಪಾನ್ ಸುತ್ತಿಸುವ ಆಸೆಯನ್ನ ಹೊಂದಿದ್ದರಂತೆ. ಆದರೆ ಚಿತ್ರೀಕರಣದಲ್ಲಿ ಬ್ರೇಕ್ ಇಲ್ಲದ ಕಾರಣ ಕೇವಲ ಆರು ದಿನಗಳಲ್ಲಿ ಪ್ರವಾಸ ಮುಗಿಸಿಕೊಂಡು ಬಂದಿದ್ದಾರೆ. ಸದ್ಯ ಮಲೇಷಿಯಾದಲ್ಲಿ ತೆಗೆದು ಕೊಂಡಿರುವ ಸುದೀಪ್ ಫ್ಯಾಮಿಲಿ ಫೋಟೋ ಸಖತ್ ವೈರಲ್ ಆಗಿದೆ.

ಕಿಚ್ಚನಿಗೆ ಮಗಳೆಂದರೆ ತುಂಬಾ ಪ್ರೀತಿ. ಇತ್ತೀಚಿನ ದಿನಗಳಲ್ಲಿ ಮಗಳ ಫ್ರೆಂಡ್ಸ್ ಬರ್ತಡೇ ಪಾರ್ಟಿ. ಮಗಳ ಶಾಲೆಯ ಕಾರ್ಯಕ್ರಮಗಳಲ್ಲಿ ಸುದೀಪ್ ಹಾಗೂ ಪ್ರಿಯಾ ಇಬ್ಬರು ಭಾಗಿ ಆಗುತ್ತಿದ್ದಾರೆ. ಅದ್ಹಾಂಗೆ ಕಿಚ್ಚನ ಮಗಳು ಶಾಲೆಯಲ್ಲಿ ಟಾಪರ್ ಸ್ಥಾನ ಪಡೆದುಕೊಂಡಿದ್ದಾಳೆ.