'ವಿಕ್ರಾಂತ್ ರೋಣ' 2ನೇ ದಿನದ ಗಳಿಕೆ ಲೆಕ್ಕಾಚಾರ!

ವಿಶ್ವದಾದ್ಯಂತ ₹45 ಕೋಟಿ ಪ್ಲಸ್!

'ವಿಕ್ರಾಂತ್ ರೋಣ' ಸಿನಿಮಾ ಸಾಕಷ್ಟು ನಿರೀಕ್ಷೆಯೊಂದಿಗೆ ತೆರೆಗೆ ಬಂತು. ಅದರಂತೆಯೇ ಮೊದಲ ದಿನ ಉತ್ತಮ ಓಪನಿಂಗ್ ಪಡೆದುಕೊಂಡಿದೆ. ಈ ಸಿನಿಮಾ ವಿಶ್ವದಾದ್ಯಂತ ಎಷ್ಟು ಗಳಿಕೆ ಕಂಡಿದೆ ಎನ್ನುವ ಬಾಕ್ಸಾಫೀಸ್ ಲೆಕ್ಕಾಚಾರ ಹೊರ ಬಿದ್ದಿದೆ. ಎರಡನೇ ದಿನ ವಿಶ್ವದಾದ್ಯಂತ 'ವಿಕ್ರಾಂತ್ ರೋಣ' ಸರಿ ಸುಮಾರು ₹45 ಕೋಟಿ ರೂ.ಗಿಂತಲೂ ಅಧಿಕ ಮೊತ್ತ ಕಲೆ ಹಾಕಿದೆ ಎನ್ನಲಾಗಿದೆ. ಮೊದಲ ದಿನ ವಿಕ್ರಾಂತ್ ರೋಣ ₹35 ಕೋಟಿಗೂ ಅಧಿಕ ಮೊತ್ತ ಕಲೆ ಹಾಕಿದ್ದು, ಎರಡನೇ ದಿನಕ್ಕೆ ₹45 ರಿಂದ ₹47 ಕೋಟಿ ರೂ ತನಕ ಗಳಿಸಿದೆ.

2ನೇ ದಿನದ ಗಳಿಕೆ ₹12 ರಿಂದ ₹14 ಕೋಟಿ!

ಇನ್ನು ಭಾರತದಾದ್ಯಂತ ವಿಕ್ರಾಂತ್ ರೋಣ ಅಬ್ಬರ ಮೊದಲ ದಿನಕ್ಕಿಂತಕ್ಕೂ ಎರಡನೇ ದಿನ ಕೊಂಚ ಕುಂದಿದೆ. ಎರಡನೇ ದಿನ ಈ ಸಿನಿಮಾ ಒಟ್ಟಾರೆ ₹12 ರಿಂದ ₹14 ಕೋಟಿ ರೂ ತನಕ ಮಾತ್ರ ಗಳಿಕೆ ಕಂಡಿದೆ. ಹಾಗಾಗಿ ಎರಡೂ ದಿನದ ಒಟ್ಟಾರೆ ಗಳಿಕೆ ಲೆಕ್ಕಾ ₹50 ಕೋಟಿಯ ಗಡಿ ಮುಟ್ಟಲು ಸಾಧ್ಯವಾಗಿಲ್ಲಿ. ಎರಡನೇ ದಿನ ಭಾರತದಾದ್ಯಂತ 10 ಕೋಟಿ ರೂ ತನಕ ಗಳಿಕೆ ಕಂಡಿದೆ. ಇನ್ನು ಕರ್ನಾಟಕದಲ್ಲಿ ಸುಮಾರು ₹7 ಕೋಟಿ ಗಳಿಕೆ ಕಂಡಿದೆ ಎನ್ನುವ ಮಾಹಿತಿ ಇದೆ.

ಹಿಂದಿಯಲ್ಲಿ 2ನೇ ದಿನ ಗಳಿಸಿದ್ದು ₹75 ಲಕ್ಷ!

ಕರ್ನಾಟಕ ಬಿಟ್ಟರೆ ವಿಕ್ರಾಂತ್ ರೋಣ ಆಂಧ್ರ, ತೆಲಂಗಾಣದಲ್ಲಿ, ತಮಿಳುನಾಡು, ಕೇರಳ, ಮತ್ತು ಹಿಂದಿ ಬಾಕ್ಸಾಫೀಸ್‌ನಲ್ಲಿ ಕಲೆಕ್ಷನ್ ಕುಂದಿದೆ. ಮೊದಲ ದಿನ ₹1 ಕೋಟಿ ಗಳಿಕೆ ಕಂಡಿದ್ದು ಎರಡನೇ ದಿನಕ್ಕೆ ಗಳಿಕೆಯ ಲೆಕ್ಕ ಲಕ್ಷಗಳಲ್ಲಿ ಇದೆ. ಹಿಂದಿ ಬಾಕ್ಸಾಫೀಸ್‌ನಲ್ಲಿ ಎರಡನೇ ದಿನಕ್ಕೆ ವಿಕ್ರಂತ್ ರೋಣ ಸಿನಿಮಾ ಸುಮಾರು ₹75 ಲಕ್ಷದಷ್ಟು ಮಾತ್ರವೇ ಕಲೆ ಹಾಕಿದೆ. ಮೊದಲ ದಿನ ಹಿಂದಿಯಲ್ಲಿ ₹1 ಕೋಟಿ ರೂ ಗಳಿಕೆ ಕಂಡಿತ್ತು.

ವಾರಾಂತ್ಯದಲ್ಲಿ ವಿಕ್ರಾಂತ್ ರೋಣ ಜಾದು!

ವಿಕ್ರಾಂತ್ ರೋಣ ಸಿನಿಮಾ ಗುರುವಾರ ತೆರೆಗೆ ಬಂದಿದೆ. ಹಾಗಾಗಿ ಗಳಿಕೆಯಲ್ಲಿ ದೊಡ್ಡ ಮಟ್ಟದ ದಾಖಲೆ ಕಂಡುಬಂದಿಲ್ಲ. ಇದರ ಪರಿಣಾಮ ಎರಡನೇ ದಿನ ಶುಕ್ರವಾರವು ಕೂಡ ಕಲೆಕ್ಷನ್ ಕುಂದಿದೆ. ಆದರೆ ವಾರಾಂತ್ಯದಲ್ಲಿ ಚಿತ್ರದ ಗಳಿಕೆಯ ಮೊತ್ತ ಮತ್ತಷ್ಟು ಹೆಚ್ಚಾಗಲಿದೆ. ಹಾಗಾಗಿ ಸೋವಾರದ ತನಕ ಎಷ್ಟು ಗಳಿಕೆ ಆಗಲಿದೆ ಎನ್ನುವುದರ ಮೇಲೆ ಸಿನಿಮಾದ ಯಶಸ್ಸು ನಿಂತಿದೆ.

ವಿಕ್ರಾಂತ್ ರೋಣ ಗೆಲುವಿಗೆ ಇನ್ನೆಷ್ಟು ಬೇಕು?

ವಿಕ್ರಂತ್ ರೋಣ ಸಿನಿಮಾ ಬಾಕ್ಸಾಫಿಸ್ ಲೆಕ್ಕ ಬಿಟ್ಟರೆ ಈಗಗಲೇ ಹಲವು ಪ್ರೇಕ್ಷಕರ ಮನಸ್ಸನ್ನು ಗೆದ್ದಿದೆ. ಈ ಸಿನಿಮಾ ಬಾಕ್ಸಾಫೀಸ್‌ನಲ್ಲಿ ಗೆಲ್ಲಬೇಕು ಅಂದರೆ ಸುಮಾರು 75 ಕೋಟಿ ರೂ ಅಧಿಕ ಮೊತ್ತವನ್ನು ಕಲೆ ಹಾಕಬೇಕಾಗುತ್ತದೆ. ಯಾಕೆಂದರೆ ಈ ಚಿತ್ರಕ್ಕೆ ಸುಮಾರು ₹94 ಕೋಟಿ ತನಕ ಬಂಡವಾಳ ಹೂಡಲಾಗಿದೆ. ಮೊದಲ ವಾರಂತ್ಯದ ನಂತರ ಚಿತ್ರ ಬಂಡವಾಳವನ್ನು ಹಿಂದಿರುಗಿಸುವ ಸಾಧ್ಯತೆ ಇದೆ.