ನಟಿ ಜಾಕ್ವೆಲಿನ್‌ಗೆ ಕನ್ನಡ ಕಲಿಸಿದ ಕಿಚ್ಚ ಸುದೀಪ್!

ರಾ..ರಾ.. ರಕ್ಕಮ್ಮ ಹಾಡು ಸಿಕ್ಕಾಪಟ್ಟೆ ವೈರಲ್!

ಸದ್ಯ 'ವಿಕ್ರಾಂತ್ ರೋಣ' ಸಿನಿಮಾದ ವಿಚಾರವಾಗಿ ಸುದೀಪ್ ಮತ್ತು ಜಾಕ್ವಲಿನ್ ಸದ್ದು ಮಾಡುತ್ತಿದ್ದಾರೆ. ಇತ್ತೀಚಿಗೆ 'ವಿಕ್ರಾಂತ್ ರೋಣ' ಸಿನಿಮಾದ ಗಡಂಗ್ ರಕ್ಕಮ್ಮ ಹಾಡು ರಿಲೀಸ್ ಆಗಿದೆ. ಈ ಹಾಡು ಸಖತ್ ವೈರಲ್ ಆಗಿದ್ದು ಎಲ್ಲರೂ ಇದೇ ಹಾಡಿಗೆ ಹೆಜ್ಜೆ ಹಾಕುತ್ತಾ ಇದ್ದಾರೆ. ಕನ್ನಡ, ತೆಲುಗು ಮತ್ತು ತಮಿಳಿನಲ್ಲಿ ಈ ಹಾಡು ಹಿಟ್ ಲಿಸ್ಟ್ ಸೇರಿದೆ.

ಜಾಕ್ವೆಲಿನ್‌ಗೆ ಕನ್ನಡದ ಚಾಲೆಂಜ್ ಕೊಟ್ಟ ಸುದೀಪ್!

ಇದೆ ಹಾಡಿನ ವಿಚಾರವಾಗಿ ಸುದೀಪ್ ಜಾಕ್ವಲಿನ್ ವಿಡಿಯೋ ಕಾಲ್‌ನಲ್ಲಿ ಮಾತಾಡಿದ್ದಾರೆ. ಇವರ ಈ ವೀಡಿಯೊ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ವಿಡಿಯೋ ಕಾಲ್ ನಲ್ಲಿ ಗಡಂಗ್ ರಕಮ್ಮ ಹಾಡಿನ ಬಗ್ಗೆ ಸುದೀಪ್ ಮತ್ತು ಜಾಕ್ವೆಲಿನ್ ಮಾತನಾಡಿದ್ದಾರೆ. ಈ ವೇಳೆ ಜಾಕ್ವಲಿನ್, ಸುದೀಪ್ ಮುಂದೆ ಬೇಡಿಕೆ ಒಂದು ಇಡುತ್ತಾರೆ. ಗಡಂಗ್ ರಕ್ಕಮ್ಮ ಹಾಡಿಗೆ ರೀಲ್ಸ್ ಮಾಡಿ ನಮ್ಮ ತಂಡ ನಿಮ್ಮ ಡಾನ್ಸ್ ನೋಡಬೇಕಂತೆ ಎಂದು ಒತ್ತಾಯ ಮಾಡುತ್ತಾರೆ. ಆಗ ಸುದೀಪ್ ಜಾಕ್ವೆಲಿನ್‌ಗೆ ಕನ್ನಡ ಮಾತನಾಡುವಂತೆ ಚಾಲೆಂಜ್ ಹಾಕುತ್ತಾರೆ.

ಕನ್ನಡದ ಹೇಳಿಕೊಟ್ಟ ಸುದೀಪ್!

ಇನ್ನು ವೀಡಿಯೋ ಕಾಲ್‌ನಲ್ಲಿ "ಕರ್ನಾಟಕದ ಎಲ್ಲಾ ನನ್ನ ಸ್ನೇಹಿತರಿಗೆ ಈ ಜಾಕ್ವೆಲಿನ್ ಮಾಡುವ ನಮಸ್ಕಾರಗಳು. ರಕ್ಕಮ್ಮ ಬೇಗ ಬರ್ತಾ ಇದಿನಿ." ಎಂದು ಕನ್ನಡದಲ್ಲಿ ಹೇಳುವಂತೆ ಜಾಕ್ವೆಲಿನ್‌ಗೆ ಸುದೀಪ್ ಸವಾಲು ಹಾಕುತ್ತಾರೆ. ತೊದಲು ನುಡಿಯಲ್ಲೇ ಜಾಕ್ವೆಲಿನ್ ಸುದೀಪ್ ಹೇಳಿಕೊಟ್ಟ ಕನ್ನಡದ ನುಡಿಗಳನ್ನು ಕನ್ನಡದಲ್ಲೇ ಹೇಳುತ್ತಾರೆ. ಬಳಿಕ ಸುದೀಪ್ ಜಾಕ್ವಲಿನ್ ಹೇಳಿದ ಹಾಗೆ ರಕಮ್ಮ ಹಾಡಿಗೆ ರೀಲ್ಸ್ ಕೂಡ ಮಾಡಿದ್ದಾರೆ.

ಜುಲೈ 28ಕ್ಕೆ 'ವಿಕ್ರಾಂತ್ ರೋಣ' ವಿಶ್ವದಾದ್ಯಂತ ರಿಲೀಸ್!

ಇನ್ನು 'ವಿಕ್ರಾಂತ್ ರೋಣ' ಸಿನಿಮಾ ಜುಲೈ 28ಕ್ಕೆ ತೆರೆಗೆ ಬರಲಿದೆ. ಸಿನಿಮಾ ರಿಲೀಸ್‌ಗೆ ಇನ್ನು ಎರಡು ತಿಂಗಳು ಬಾಕಿ ಇದೆ. ಆದರೆ ಅದಾಗಲೇ ಸಿನಿಮಾದ ಪ್ರಚಾರವನ್ನು ಚಿತ್ರತಂಡ ಆರಂಭಿಸಿದೆ. 'ವಿಕ್ರಾಂತ್ ರೋಣ' ಮೊದಲ ಹಾಡು ರಕಮ್ಮ ಹಿಟ್ ಲಿಸ್ಟ್ ಸೇರಿದೆ. ಚಿತ್ರದ ಮುಂದಿನ ಅಪ್ಡೇಟ್‌ಗಾಗಿ ಸಿನಿಪ್ರೇಕ್ಷಕರು ಕಾಯುತ್ತಾ ಇದ್ದಾರೆ.