ಕಿಚ್ಚನ ಫಸ್ಟ್ ಫೋಟೋ ಶೂಟ್ ನೀವು ಒಮ್ಮೆ ನೋಡಿ

Recommended Video

ಕಿಚ್ಚ ಸುದೀಪ್ ನಾಯಕನಾಗಿ ಅಭಿನಯಿಸಿದ ಮೊದಲ ಸಿನಿಮಾ 'ಸ್ಪರ್ಶ'. ಆದರೆ ಸುದೀಪ್ ಹೀರೋ ಆಗುವ ಮುಂಚೆಯೇ ಫೋಟೋ ಶೂಟ್ ಮಾಡಿಸಿದ್ದರು. ಈ ವಿಚಾರವನ್ನ ಮಜಾ ಟಾಕೀಸ್ ನಲ್ಲಿ ಹೇಳಿಕೊಂಡಿದ್ದರು. ಸೃಜನ್ ಲೋಕೇಶ್ ಅವರ ಅಕ್ಕ ಪೂಜಾ ಲೋಕೇಶ್ ಜೊತೆಯಲ್ಲಿ ಕ್ಯಾಮೆರಾ ಮುಂದೆ ಪೋಸ್ ಕೊಟ್ಟಿರುವುದಾಗಿ ಹಳೆ ನೆನಪುಗಳನ್ನ ಹೊರ ಹಾಕಿದ್ದರು.

ಸದ್ಯ ಸುದೀಪ್ ಅವರ ಮೊದಲ ಫೋಟೋ ಶೂಟ್ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿವೆ. ಪೂಜಾ ಲೋಕೇಶ್ ಹಾಗೂ ಸುದೀಪ್ ಸಾಕಷ್ಟು ವರ್ಷದ ಹಿಂದೆ ತೆಗಿಸಿಕೊಂಡ ಫೋಟೋಗಳು ಇದಾಗಿದ್ದು ಸೃಜನ್ ಅವರ ಮನೆಯಲ್ಲೇ ಈ ಶೂಟ್ ನಡೆಸಲಾಗಿತ್ತು.

ನಟಿ ಪೂಜಾ ಲೋಕೇಶ್ ಆಗಿನ ಕಾಲದಲ್ಲಿ ಸ್ಟಾರ್ ಹೀರೋಯಿನ್ ಆಗಿದ್ದರು. ಸಾಕಷ್ಟು ಸಿನಿಮಾಗಳಲ್ಲಿ ಅಭಿನಯಿಸಿ ಪ್ರೇಕ್ಷಕರ ಮೆಚ್ಚುಗೆ ಗಳಿಸಿದ್ದರು. ಸುದೀಪ್ ಅವರ ಜೊತೆ ಕ್ಯಾಮೆರಾಗೆ ಪೋಸ್ ನೀಡಬೇಕಿದ್ದ ನಾಯಕಿ ಕಿಚ್ಚನ ಜೊತೆ ಅಭಿನಯಿಸಲು ಒಲ್ಲೆ ಅಂದಿದ್ದರಂತೆ. ಅದೇ ಕಾರಣಕ್ಕೆ ಪೂಜಾ ಫೋಟೋ ಶೂಟ್ ನಲ್ಲಿ ಕಾಣಿಸಿಕೊಂಡಿದ್ದರು.

ಸುಮಾರು ಇಪ್ಪತ್ತು ವರ್ಷದ ಹಿಂದಿನ ಫೋಟೋಗಳು ಇದ್ದಾಗಿದ್ದು ಸುದೀಪ್ ಮತ್ತು ಪೂಜಾ ಲೋಕೇಶ್ ಜೋಡಿ ನೋಡಿದರೆ ಇವರಿಬ್ಬರು ಒಟ್ಟಿಗೆ ಸಿನಿಮಾದಲ್ಲಿ ಅಭಿನಯಿಸಿದ್ದರೆ ಚೆನ್ನಾಗಿರುತ್ತಿತ್ತು ಎನ್ನುವ ಭಾವನೆ ಮೂಡುತ್ತದೆ.