ಕೋಮಲ್ ಕುಮಾರ್ ಮುಂದಿನ ಚಿತ್ರದ ಹೆಸರು ಬಹಿರಂಗ

ಕೋಮಲ್ ಮುಂದಿನ ಸಿನಿಮಾದ ಹೆಸರು '2020'

'ಅಯೋಗ್ಯ' ಸಿನಿಮಾದ ನಿರ್ಮಾಪಕ ಟಿಆರ್ ಚಂದ್ರಶೇಖರ್ ಮತ್ತು ನಟ ಕೋಮಲ್ ಕುಮಾರ್ ಕಾಂಬಿನೇಷನ್‌ನಲ್ಲಿ ಹೊಸ ಸಿನಿಮಾವೊಂದು ಮೂಡಿಬರುತ್ತಿದೆ ಎಂದು ಈ ಹಿಂದೆಯೇ ಘೋಷಣೆಯಾಗಿತ್ತು. ಇದೀಗ, ಈ ಚಿತ್ರಕ್ಕೆ '2020' ಎಂದು ಹೆಸರಿಡಲಾಗಿದೆ.

ಚೀನಾ ವೈರಸ್ ಕುರಿತು

2020 ಚಿತ್ರದ ಟೈಟಲ್ ಪೋಸ್ಟರ್ ಬಿಡುಗಡೆಯಾಗಿದೆ. ಈ ಪೋಸ್ಟರ್ ಚೀನಾ ಏರ್‌ಲೈನ್ಸ್ ಕೊರೊನಾ ಹರಡಿಸಿರುವುದನ್ನು ಹೈಲೈಟ್ ಮಾಡಲಾಗಿದೆ. ಹಾಗಾಗಿ, ಈ ಚಿತ್ರದ ಕಥೆ ಕೊರೊನಾ ವೈರಸ್ ಹಾಗೂ ಅದರ ಪರಿಣಾಮವಾಗಿ ನಡೆದ ಘಟನೆಗಳ ಕುರಿತು ಮೂಡಿ ಬರಲಿದೆ ಎಂಬ ಕುತೂಹಲ ಹುಟ್ಟಿಕೊಂಡಿದೆ.

ರಾಜಶೇಖರ್ ನಿರ್ದೇಶನ

'ಮಜಾಟಾಕೀಸ್' ಕಾರ್ಯಕ್ರಮಕ್ಕೆ ಸಂಭಾಷಣೆ ಬರೆಯುತ್ತಿದ್ದ ಹಾಗೂ ರಾಬರ್ಟ್ ಚಿತ್ರಕ್ಕೆ ಸಂಭಾಷಣೆ ಮಾಡಿರುವ ರಾಜಶೇಖರ್ ಈ ಚಿತ್ರಕ್ಕೆ ಆಕ್ಷನ್ ಕಟ್ ಹೇಳುತ್ತಿದ್ದಾರೆ. ಈ ಮೊದಲೇ ಹೇಳಿದಂತೆ ಇದು ಔಟ್ ಅಂಡ್ ಔಟ್ ಕಾಮಿಡಿ ಸಿನಿಮಾ ಎನ್ನಲಾಗಿದೆ. ಇದೀಗ, 2020 ಎಂದು ಹೆಸರಿಟ್ಟಿರುವುದು ನಿರೀಕ್ಷೆ ಹೆಚ್ಚಿಸಿದೆ.

Recommended Video

ಅಮ್ಮನಿಗೋಸ್ಕರ ಶಿವಲಿಂಗದ ಆಣೆ ಮಾಡಿದ ಜಗ್ಗೇಶ್ | Jaggesh | Filmibeat Kannada

ಜಗ್ಗೇಶ್ ಶುಭಹಾರೈಕೆ

ಸಹೋದರ ಕೋಮಲ್ ನಟಿಸುತ್ತಿರುವ 2020 ಚಿತ್ರಕ್ಕೆ ಒಳ್ಳೆಯದಾಗಲಿ ಎಂದು ನಟ ಜಗ್ಗೇಶ್ ಟ್ವಿಟ್ಟರ್ ಮೂಲಕ ಶುಭಕೋರಿದ್ದಾರೆ. ''ಸಹೋದರ #ಕೋಮಲ್ ಹೊಸ ಚಿತ್ರ 2020 ಆರಂಭ...ನಿಮ್ಮ ಶುಭ ಹಾರೈಕೆ ಇರಲಿ...'' ಎಂದು ಟೈಟಲ್ ಮೋಷನ್ ಪೋಸ್ಟರ್ ಹಂಚಿಕೊಂಡಿದ್ದಾರೆ.