ಕಿಚ್ಚನ ಡೈಲಾಗ್ ಅಭಿಮಾನಿಗಳ ಬಾಯಲ್ಲಿ, ನೋಡಿ ಆನಂದಿಸಿ....

ಕಿಚ್ಚನ 'ಪವರ್ ಆಫ್ ಮನಿ' ಟ್ರೆಂಡ್ ಆಯ್ತು

ಅಂದಹಾಗೆ 'ಕೋಟಿಗೊಬ್ಬ 2' ಟ್ರೈಲರ್ ನಲ್ಲಿ ಕಿಚ್ಚ ಸುದೀಪ್ ಅವರು 'ದಟ್ಸ್ ದ ಪವರ್ ಆಫ್ ಮನಿ' ಅಂತ ಒಂದು ಡೈಲಾಗ್ ಹೊಡಿತಾರೆ. ಆ ಡೈಲಾಗ್ ಇದೀಗ ಇಡೀ ಸಾಮಾಜಿಕ ಜಾಲತಾಣಗಳಲ್ಲಿ ಓಡಾಡುತ್ತಿದೆ. ಅಂತೂ ಕಿಚ್ಚನ ಪವರ್ ಆಫ್ ಮನಿ ಸಖತ್ ಟ್ರೆಂಡಿಂಗ್ ಆಗಿದೆ.[ಸುದೀಪ್ ಅಸಾಧಾರಣ ಸಾಧನೆಗೆ ನನ್ನದೊಂದು ಸೆಲ್ಯೂಟ್ ಎಂದವರಾರು.?]

ಅಭಿಮಾನಿಗಳ ಡಬ್ ಸ್ಮ್ಯಾಷ್

ಟ್ವಿಟ್ಟರ್ ತಾಣದಲ್ಲಿ ಕಿಚ್ಚನ ಕ್ರೇಜ್ ಸಖತ್ ಜೋರಾಗಿದ್ದು, ಕಟ್ಟಾ ಅಭಿಮಾನಿಗಳಂತೂ 'ದಟ್ಸ್ ದ ಪವರ್ ಆಫ್ ಮನಿ' ಡೈಲಾಗ್ ಅನ್ನು ಡಬ್ ಸ್ಮ್ಯಾಷ್ ಮಾಡಿ-ಮಾಡಿ ಟ್ವಿಟ್ಟರ್ ನಲ್ಲಿ ಹಾಕಿಕೊಂಡು ಕಿಚ್ಚ ಸುದೀಪ್ ಅವರಿಗೆ 'ನಿಮ್ಮ ಅಭಿಪ್ರಾಯ ತಿಳಿಸಿ' ಅಂತ ಒಂದೇ ಸಮನೆ ಟ್ವೀಟ್ ಮಾಡುತ್ತಿದ್ದಾರೆ.[ಅಬ್ಬಾ..ಸದ್ಯ ಪುನೀತ್-ಸುದೀಪ್ ಗೆ ಕ್ಲ್ಯಾಷ್ ಆಗ್ತಿಲ್ಲ.!]

ಕಿಚ್ಚನ ರೀ-ಟ್ವೀಟ್ ಗಳು/ಕಾಮೆಂಟ್ ಗಳು

ಅಭಿಮಾನಿಗಳ ಈ ಸಂಭ್ರಮಕ್ಕೆ ತಣ್ಣೀರೆರೆಚಲು ಇಚ್ಛಿಸದ ಕಿಚ್ಚ ಸುದೀಪ್ ಅವರು ಪ್ರತಿಯೊಬ್ಬ ಅಭಿಮಾನಿಗಳ ಟ್ವೀಟ್ ಗೂ, ರೀ-ಟ್ವೀಟ್ ಮಾಡುತ್ತಾ ವಿಭಿನ್ನ ಕಾಮೆಂಟ್ ಮಾಡುತ್ತಿದ್ದಾರೆ. ಅಲ್ಲದೇ ಇನ್ನೂ ಚೆನ್ನಾಗಿ ಮಾಡಬಹುದಿತ್ತು, ಹೀಗೆ ಮಾಡಿ, ಹಾಗೆ ಮಾಡಿ ಅಂತ ಬಿಟ್ಟಿ ಸಲಹೆ ಬೇರೆ ಕೊಡುತ್ತಿದ್ದಾರೆ.

ಅಭಿಮಾನಿಗಳ ಸಂಭ್ರಮ/ಸಡಗರ

ಖುದ್ದು ಕಿಚ್ಚ ಅವರೇ ರೀ-ಟ್ವೀಟ್ ಮಾಡಿ ಕಾಮೆಂಟ್ ಮಾಡುತ್ತಿದ್ದಾರೆ ಅಂದ್ರೆ ಅಭಿಮಾನಿಗಳ ಖುಷಿ ಕೇಳಬೇಕಾ....'ಹೋಯ್ ನನ್ನ ಡಬ್ ಸ್ಮ್ಯಾಷ್ ಟ್ವೀಟ್ ಗೆ ಕಿಚ್ಚ ಸುದೀಪ್ ರೀ-ಟ್ವೀಟ್ ಮಾಡಿದ್ರು ಅಂತ ಅಭಿಮಾನಿಗಳು ಹುರ್ರೇ...'ಅಂತ ಗೋಲ್ಡ್ ಮೆಡಲ್ ಗೆದ್ದಷ್ಟು ಖುಷಿಯಲ್ಲಿ ಬೀಗುತ್ತಿದ್ದಾರೆ.

ನಟ ಚಿರಂಜೀವಿ ಸರ್ಜಾ

ಬರೀ ಅಭಿಮಾನಿಗಳು ಮಾತ್ರವಲ್ಲದೇ ಚಿತ್ರನಟ ಚಿರಂಜೀವಿ ಸರ್ಜಾ ಅವರು ಕೂಡ ಡಬ್ ಸ್ಮ್ಯಾಷ್ ಮಾಡಿದ್ದಾರೆ. ಇದಕ್ಕೆ ಕಿಚ್ಚ ಸುದೀಪ್ ಅವರು 'ಹೋಟಗಾರ' ಅಂತ ಸಖತ್ ಫನ್ನಿ ರಿಪ್ಲೈ ಮಾಡಿದ್ದಾರೆ.

ನಟ ರಾಹುಲ್

ಸುದೀಪ್ ಅವರ 'ಜಿಗರ್ ಥಂಡ' ಚಿತ್ರದಲ್ಲಿ ಕಾಣಿಸಿಕೊಂಡಿದ್ದ ನಟ ರಾಹುಲ್ ಅವರು ಕೂಡ ಡಬ್ ಸ್ಮ್ಯಾಷ್ ಮಾಡಿ ಟ್ವೀಟ್ ಮಾಡಿದ್ದಾರೆ. ಅಂದಹಾಗೆ ಈ ಡಬ್ ಸ್ಮ್ಯಾಷ್ ಅನ್ನು ಮೊದಲು ಶುರು ಹಚ್ಚಿಕೊಂಡಿದ್ದು, ನಟ ರಾಹುಲ್ ಅವರು ತದನಂತರ ಎಲ್ಲಾ ಅಭಿಮಾನಿಗಳನ್ನು ಇದನ್ನು ಟ್ರೆಂಡ್ ಮಾಡಿದರು.

ಅಭಿಮಾನಿ ಕಿಚ್ಚ ಶರಣ್

ಕಿಚ್ಚ ಸುದೀಪ್ ಅವರ ಅಭಿಮಾನಿ ಕಿಚ್ಚ ಶರಣ್ ಎಂಬುವವರು ಮಾಡಿರುವ ಪವರ್ ಆಫ್ ಮನಿ 'ಡಬ್ ಸ್ಮ್ಯಾಷ್'ಗೆ ಕಿಚ್ಚ ಸುದೀಪ್ ಅವರು '-ಟ್ವೀಟ್ ಮಾಡಿ 'ಗುಡ್ ಟ್ರೈ' ಎಂದು ಕಾಮೆಂಟ್ ಮಾಡಿದ್ದಾರೆ.

ಅಭಿಮಾನಿ ಕಲ್ಯಾಣ್ ಕುಮಾರ್

ಕಲ್ಯಾಣ್ ಕುಮಾರ್ ಎಂಬ ಅಭಿಮಾನಿಯೊಬ್ಬರು 'ಡಬ್ ಸ್ಮ್ಯಾಷ್' ಮಾಡಿದ್ದು, ಇದಕ್ಕೆ ಕಿಚ್ಚ ಸುದೀಪ್ ಅವರು 'ಸೂಪರ್ಬ್' ಎಂದು ಕಾಮೆಂಟ್ ಮಾಡಿದ್ದಾರೆ.

ಅಭಿಮಾನಿ ಕಿಚ್ಚ ಮಹೇಶ್

ಸುದೀಪ್ ಅವರ ಕಟ್ಟಾ ಅಭಿಮಾನಿ ಮಹೇಶ್ ಮಾಡಿರುವ ಡಬ್ ಸ್ಮ್ಯಾಷ್ ಗೆ ಕಿಚ್ಚ ಸುದೀಪ್ ಅವರು 'ನಾನು ಹೇಳಲೇಬೇಕು, ಇದು ಮಲ್ಟಿ ಟ್ಯಾಲೆಂಟೆಡ್' ಎಂದು ಕಾಮೆಂಟ್ ಮಾಡಿದ್ದಾರೆ.

ಅಭಿಮಾನಿ ಸುನೀಲ್ ಲಮಾಣಿ

ಅಭಿಮಾನಿ ಸುನೀಲ್ ಅವರ ವಿಭಿನ್ನ ಸ್ಟೈಲ್ ಇರುವ ಡಬ್ ಸ್ಮ್ಯಾಷ್ ಗೆ ಸುದೀಪ್ ಅವರ 'ಮೂಗು ಒರೆಸುವ ಅನುಕರಣೆ ಮಾಡಿದ್ದು', ಅಂತ ಕಾಮೆಂಟ್ ಮಾಡಿದ್ದಾರೆ.

ಸೆನ್ಸಾರ್ ನಲ್ಲಿ ಕ್ಲೀನ್ ಚಿಟ್

ಸೆನ್ಸಾರ್ ಪರೀಕ್ಷೆಯಲ್ಲಿ ಕ್ಲೀನ್ ಚಿಟ್ ಪಡೆದುಕೊಂಡಿರುವ 'ಕೋಟಿಗೊಬ್ಬ 2' 'ಯು' ಪ್ರಮಾಣಪತ್ರವನ್ನು ಪಡೆದುಕೊಂಡಿದೆ. ಆಗಸ್ಟ್ 12, ಶುಕ್ರವಾರದಂದು ಕನ್ನಡ ಮತ್ತು ತಮಿಳು ಭಾಷೆಯಲ್ಲಿ ಏಕಕಾಲದಲ್ಲಿ ಗ್ರ್ಯಾಂಡ್ ಆಗಿ ತೆರೆಗೆ ಅಪ್ಪಳಿಸಲಿದೆ.