ಕೋಟಿಗೊಬ್ಬ-ರಾಬರ್ಟ್ ಪೋಸ್ಟರ್ ವೀಕ್ಷಣೆಯ ಬಲಾಬಲ ಹೇಗಿದೆ?

7.6 ಲಕ್ಷ ದಾಟಿದ ಕೋಟಿಗೊಬ್ಬನ ವೀಕ್ಷಣೆ

ಜನವರಿ 14 ರಂದು ಆನಂದ್ ಆಡಿಯೋ ಯೂಟ್ಯೂಬ್ ಚಾನಲ್ ನಲ್ಲಿ ಬಿಡುಗಡೆಯಾಗಿದ್ದ ಕೋಟಿಗೊಬ್ಬ 3 ಮೋಷನ್ ಪೋಸ್ಟರ್, ಇದುವರೆಗೂ 7.6 ಲಕ್ಷ (767,801) ವೀಕ್ಷಣೆ ಕಂಡಿದೆ. ಇದರಲ್ಲಿ 66k ಲೈಕ್ಸ್, 7.8k ಡಿಸ್ ಲೈಕ್ಸ್ ಹೊಂದಿದೆ. 17,522 ಕಾಮೆಂಟ್ ಹೊಂದಿದೆ.

ಘರ್ಜಿಸಿದ 'ಕೋಟಿಗೊಬ್ಬ': ಮೋಷನ್ ಪೋಸ್ಟರ್ ಗೆ ಭರ್ಜರಿ ಪ್ರತಿಕ್ರಿಯೆ

ರಾಬರ್ಟ್ ಲುಕ್ ವೀಕ್ಷಣೆ ಎಷ್ಟು?

ಜನವರಿ 15 ರಂದು ಆನಂದ್ ಆಡಿಯೋ ಯೂಟ್ಯೂಬ್ ಚಾನಲ್ನಲ್ಲಿ ಬಿಡುಗಡೆಯಾಗಿದ್ದ ರಾಬರ್ಟ್ ಎರಡನೇ ಮೋಷನ್ ಪೋಸ್ಟರ್, ಇದುವರೆಗೂ 9.5 ಲಕ್ಷ (958,608) ವೀಕ್ಷಣೆ ಕಂಡಿದೆ. ಇದರಲ್ಲಿ 109k ಲೈಕ್ಸ್, 6k ಡಿಸ್ ಲೈಕ್ಸ್ ಹೊಂದಿದ್ದು, 24,273 ಕಾಮೆಂಟ್ ಹೊಂದಿದೆ.

'ರಾಬರ್ಟ್' ಪೋಸ್ಟರ್ ನಲ್ಲಿ ಕಣ್ಣಿಗೆ ಬಿದ್ದ ಮತ್ತೊಬ್ಬ ಸ್ಟಾರ್ ನಟ: ಯಾರು ಗುರುತಿಸಿ?

ಎರಡು ಪೋಸ್ಟರ್ ಗೂ ಅದ್ಭುತ ರೆಸ್ಪಾನ್ಸ್

ಕೋಟಿಗೊಬ್ಬ 3 ಮತ್ತು ರಾಬರ್ಟ್ ಸಿನಿಮಾದ ಎರಡೂ ಪೋಸ್ಟರ್ ಗೂ ಅತ್ಯುತ್ತಮ ಪ್ರತಿಕ್ರಿಯೆ ಸಿಕ್ಕಿದೆ. ಮೋಷನ್ ಪೋಸ್ಟರ್ ವಿಡಿಯೋ ನೋಡಿದ ಬಹುತೇಕ ಎಲ್ಲರೂ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಈ ಎರಡು ಚಿತ್ರಗಳು ಕನ್ನಡ ಚಿತ್ರರಂಗದಲ್ಲಿ ಇತಿಹಾಸ ನಿರ್ಮಿಸಲಿದೆ ಎಂಬ ನಿರೀಕ್ಷೆ ಹುಟ್ಟಿಕೊಂಡಿದೆ.

'ರಾಬರ್ಟ್' ಸಿನಿಮಾದ ಪುಟ್ಟ ರಾಮನ ಬಗ್ಗೆ ಎಕ್ಸ್ ಕ್ಲೂಸಿವ್ ಸುದ್ದಿ

ಬಿಡುಗಡೆ ಯಾವಾಗ?

ತರುಣ್ ಸುಧೀರ್ ನಿರ್ದೇಶನದ ರಾಬರ್ಟ್ ಸಿನಿಮಾ ಸಮ್ಮರ್ ನಲ್ಲಿ ತೆರೆಕಾಣಲಿದೆ. ಸದ್ಯದ ಮಾಹಿತಿ ಪ್ರಕಾರ ಏಪ್ರಿಲ್ 9 ರಂದು ಚಿತ್ರಮಂದಿರಕ್ಕೆ ಬರಲಿದೆಯಂತೆ. ಆದರೆ, ಕೋಟಿಗೊಬ್ಬ 3 ಚಿತ್ರದ ಬಿಡುಗಡೆ ಕುರಿತು ಇದುವರೆಗೂ ಯಾವುದೇ ಮಾಹಿತಿ ಹೊರಬಿದ್ದಿಲ್ಲ. ಬಹುಶಃ, ರಾಬರ್ಟ್ ಬಳಿಕ ಕೋಟಿಗೊಬ್ಬ ತೆರೆಗೆ ಬರಬಹುದು.