ರಾಬರ್ಟ್ ಬಿಡುಗಡೆ ಮುಹೂರ್ತ ಫಿಕ್ಸ್, ಕೋಟಿಗೊಬ್ಬ-3 ಬಿಡುಗಡೆ ಯಾವಾಗ?

ತಡವಾಗಿ ಬಿಡುಗಡೆ ಆಗಲಿದೆಯಾ ಕೋಟಿಗೊಬ್ಬ-3?

ನವೆಂಬರ್ ನಿಂದ ಹೊಸ ಸಿನಿಮಾಗಳ ಬಿಡುಗಡೆ ಆರಂಭವಾಗುವ ಸಾಧ್ಯತೆ ಇದ್ದು, ಒಂದಾದ ನಂತರ ಒಂದು ಸಿನಿಮಾಗಳು ತೆರೆಗೆ ಬರಲಿವೆ. ಆದರೆ ಕೋಟಿಗೊಬ್ಬ-3 ಸಿನಿಮಾವನ್ನು ತುಸು ನಿಧಾನವಾಗಿ ತೆರೆಗೆ ತರಲು ಚಿತ್ರತಂಡ ಯೋಚಿಸಿದೆ.

ವಿವಾಹ ವಾರ್ಷಿಕೋತ್ಸವದ ಸಂಭ್ರಮದಲ್ಲಿ ಪತ್ನಿ ಪ್ರಿಯಾ ಬಗ್ಗೆ ಸುದೀಪ್ ಹೇಳಿದ್ದೇನು?

ಮುಂದಿನ ವರ್ಷ ಜನವರಿಯಲ್ಲಿ ಸಿನಿಮಾ ಬಿಡುಗಡೆ?

ಎಲ್ಲಾ ಪ್ರಮುಖ ಸಿನಿಮಾಗಳ ಬಿಡುಗಡೆ ಬಳಿಕ ಅಂದರೆ ಮುಂದಿನ ವರ್ಷ ಜನವರಿ ಅಂತ್ಯದ ವೇಳೆಗೆ ಸಿನಿಮಾವನ್ನು ತೆರೆಗೆ ತರುವ ಯೋಚನೆಯಲ್ಲಿದ್ದಾರೆ ನಿರ್ಮಾಪಕ ಸೂರಪ್ಪ ಬಾಬು. ಸಿನಿಮಾಗಳ 'ರಶ್' ಸಹ ಆ ಸಮಯಕ್ಕೆ ಇರುವುದಿಲ್ಲ ಎಂಬ ಲೆಕ್ಕಾಚಾರವೂ ಇದರ ಹಿಂದಿದೆ.

ಸಿನಿಮಾಗಳ ನಡುವೆ ಸ್ಪರ್ಧೆ ಹೆಚ್ಚಲಿದೆ

ಸಾಲು-ಸಾಲು ಸಿನಿಮಾಗಳು ಸರತಿ ಸಾಲಿನಲ್ಲಿರುವ ಕಾರಣ, ಸಿನಿಮಾಗಳ ನಡುವೆ ತುಸು ಹೆಚ್ಚಿಗೆ ಸ್ಪರ್ಧೆ ಬೀಳಲಿದೆ, ಇದು ಕೆಲವು ಒಳ್ಳೆಯ ಸಿನಿಮಾಗಳಿಗೆ ಮಾರಕವೂ ಆಗಬಹುದು ಹಾಗಾಗಿ ಕೋಟಿಗೊಬ್ಬ-3 ಸಿನಿಮಾದ ಬಿಡುಗಡೆಯನ್ನು ನಿಧಾನ ಮಾಡಲಾಗಿದೆ ಎನ್ನಲಾಗುತ್ತಿದೆ.

ವಯಸ್ಸಾದ ಸುದೀಪ್ ಲುಕ್ ಗೆ ಅಭಿಮಾನಿಗಳು ಫಿದಾ: ಹೊಸ ಗೆಟಪ್ ನಲ್ಲಿ ಕಿಚ್ಚ ಕಾಣಿಸಿಕೊಂಡಿದ್ದೇಕೆ?

ಜನವರಿಯಲ್ಲಿ ಕೊರೊನಾ ಅಬ್ಬರ ತಗ್ಗುವ ಸಾಧ್ಯತೆ

ಜನವರಿ ವೇಳೆಗೆ ಕೊರೊನಾ ಅಬ್ಬರವೂ ಕಡಿಮೆ ಆಗುವ ನಿರೀಕ್ಷೆ ಇದೆ, ಪ್ರೇಕ್ಷಕರು ಮುಕ್ತವಾಗಿ ಸಿನಿಮಾ ಮಂದಿರಗಳಿಗೆ ಬರುವ ಸಾಧ್ಯತೆ ದಟ್ಟವಾಗಿದೆ, ಹಾಗಾಗಿ ಮುಂದಿನ ವರ್ಷದ ಜನವರಿ ಸಿನಿಮಾ ಬಿಡುಗಡೆಗೆ ಸೂಕ್ತ ಎಂದು ನಿರ್ಧರಿಸಿದಂತಿದೆ ಚಿತ್ರತಂಡ.