ಸುದೀಪ್ ಬರ್ತಡೇ ದಿನ ನಿರೀಕ್ಷೆ ಮಾಡಬಹುದಾದ ಸರ್ಪ್ರೈಸ್‌ಗಳು!

'ಫ್ಯಾಂಟಮ್' ಪೋಸ್ಟರ್!

ಕಿಚ್ಚ ಸುದೀಪ್ ಅಭಿನಯಿಸುತ್ತಿರುವ ಫ್ಯಾಂಟಮ್ ಚಿತ್ರತಂಡದಿಂದ ಹೊಸ ಪೋಸ್ಟರ್ ಬರಬಹುದು ಎಂಬ ನಿರೀಕ್ಷೆ ಇದೆ. ಆದರೆ, ಅಧಿಕೃತವಾಗಿ ಈ ಬಗ್ಗೆ ಹೇಳಿಲ್ಲ, ಆದರೂ ಸರ್ಪ್ರೈಸ್ ಎನ್ನುವಂತೆ ಕಿಚ್ಚನ ಹೊಸ ಲುಕ್, ಗೆಟಪ್ ಅಥವಾ ಪೋಸ್ಟರ್ ಬಿಡುಗಡೆಯಾಗಬಹುದು ಎಂಬ ನಿರೀಕ್ಷೆ ಅಭಿಮಾನಿಗಳಲ್ಲಿದೆ. ಫ್ಯಾಂಟಮ್ ಚಿತ್ರದ ಫ್ಯಾನ್ ಮೇಡ್ ಪೋಸ್ಟರ್ ಸದ್ಯಕ್ಕೆ ಸದ್ದು ಮಾಡ್ತಿದೆ.

ಕೋಟಿಗೊಬ್ಬ-3 ಟೀಸರ್

ಸುದೀಪ್ ನಟಿಸಿರುವ ಕೋಟಿಗೊಬ್ಬ 3 ಚಿತ್ರದಿಂದ ಬರ್ತಡೇ ಟೀಸರ್ ಬರಲಿದೆ. ಈ ಕುರಿತು ಅಧಿಕೃತ ಪ್ರಕಟವಾಗಿದ್ದು, ಸೆಪ್ಟೆಂಬರ್ 2 ರಂದು ಬೆಳಗ್ಗೆ 11 ಗಂಟೆಗೆ ಆನಂದ್ ಆಡಿಯೋ ಚಾನಲ್‌ನಲ್ಲಿ ಹೊಸ ಟೀಸರ್ ಬಿಡುಗಡೆಯಾಗಲಿದೆ.

ಕಿಚ್ಚನ ಬಯೋಗ್ರಫಿ

ಈ ವರ್ಷ ಸುದೀಪ್ ಅಭಿಮಾನಿಗಳಿಗೆ ಅತಿ ದೊಡ್ಡ ಉಡುಗೊರೆ ಅಂದ್ರೆ ಕಿಚ್ಚನ ಬಯೋಗ್ರಫಿ ಪುಸ್ತಕ. ಪತ್ರಕರ್ತ ಶರಣು ಹುಲ್ಲೂರು ರಚಿಸಿರುವ ಸುದೀಪ್ ಅವರ ಬಯೋಗ್ರಫಿ ಪುಸ್ತಕ ಸೆಪ್ಟೆಂಬರ್ 2 ರಂದು ಅನಾವರಣಗೊಳ್ಳುತ್ತಿದ್ದು, ಪುನೀತ್ ರಾಜ್ ಕುಮಾರ್ ಬಿಡುಗಡೆ ಮಾಡಲಿದ್ದಾರೆ.

ಹೊಸ ಸಿನಿಮಾ ಘೋಷಣೆ!

ಸದ್ಯಕ್ಕೆ ಫ್ಯಾಂಟಮ್ ಮತ್ತು ಕೋಟಿಗೊಬ್ಬ 3 ಚಿತ್ರಗಳು ಕಿಚ್ಚನ ಪಾಕೇಟ್‌ನಲ್ಲಿದೆ. ಫ್ಯಾಂಟಮ್ ಚಿತ್ರೀಕರಣ ಆಗ್ತಿದೆ, ಕೋಟಿಗೊಬ್ಬ 3 ಬಿಡುಗಡೆಗೆ ಸಜ್ಜಾಗುತ್ತಿದೆ. ಈ ನಡುವೆ ಕಿಚ್ಚನ ಹುಟ್ಟುಹಬ್ಬದಂದು ಯಾವುದಾದರೂ ಹೊಸ ಸಿನಿಮಾ ಘೋಷಣೆ ಆದರೂ ಆಗಬಹುದು.

ವಿಷ್ಣು ಅಭಿಮಾನಿಗಳಿಂದ ಮೋಷನ್ ಪೋಸ್ಟರ್

ಅಭಿನಯ ಚಕ್ರವರ್ತಿಯ ಹುಟ್ಟುಹಬ್ಬದ ವಿಶೇಷವಾಗಿ 'ಡಾ ವಿಷ್ಣು ಸುದೀಪ್ ಸೇನೆ' ವಿಶೇಷವಾದ ಮೋಷನ್ ಪೋಸ್ಟರ್ ಬಿಡುಗಡೆ ಮಾಡಿದೆ. ಈ ಮೋಷನ್ ಪೋಸ್ಟರ್‌ನಲ್ಲಿ ಸಾಹಸಸಿಂಹ ವಿಷ್ಣುವರ್ಧನ್ ಮತ್ತು ಸುದೀಪ್ ಅವರ ಕಟೌಟ್ ಗಮನ ಸೆಳೆಯುತ್ತಿದೆ.