ಮುಖಪುಟ

ಸಿನಿ ಸಮಾಚಾರ

ಡಾರ್ಲಿಂಗ್ ಕೃಷ್ಣ ಮತ್ತು ಮಿಲನ ನಾಗರಾಜ್ ಜೋಡಿ ತಮ್ಮ ವಿವಾಹಕ್ಕೆ ಎಲ್ಲ ಸಿದ್ಧತೆ ನಡೆಸುತ್ತಿದ್ದಾರೆ. ಈಗಾಗಲೇ ಸೆಲೆಬ್ರಿಟಿಗಳಿಗೆ ಮದುವೆ ಆಮಂತ್ರಣ ನೀಡಲು ಶುರು ಮಾಡಿರುವ ಲವ್ ಮಾಕ್ಟೈಲ್ ಜೋಡಿ, ಕಿಚ್ಚ ಸುದೀಪ್, ಅಮೂಲ್ಯ, ದೀಪಕಾ ದಾಸ್ ಸೇರಿದಂತೆ ಹಲವರನ್ನು ಭೇಟಿ ಆಹ್ವಾನಿಸಿದ್ದಾರೆ.

ಈಗ ಲವ್ ಮಾಕ್ಟೈಲ್ ತೆಲುಗು ರೀಮೇಕ್ ಮಾಡುತ್ತಿರುವ ಚಿತ್ರತಂಡಕ್ಕೆ ಕೃಷ್ಣ-ಮಿಲನ ಮದುವೆಯ ಕರೆಯೋಲೆ ನೀಡಿದ್ದಾರೆ. ಖುದ್ದು ಲವ್ ಮಾಕ್ಟೈಲ್ ಚಿತ್ರೀಕರಣ ನಡೆಯುತ್ತಿರುವ ಸ್ಥಳಕ್ಕೆ ಭೇಟಿ ನೀಡಿ ಕಲಾವಿದರನ್ನು ಆಹ್ವಾನಿಸಿದ್ದಾರೆ.

ಮದುವೆಯ ಆಮಂತ್ರಣ ನೀಡಲು ಶುರು ಮಾಡಿದ ಕೃಷ್ಣ-ಮಿಲನ ಜೋಡಿ

ತೆಲುಗು ಲವ್ ಮಾಕ್ಟೈಲ್ ಚಿತ್ರದಲ್ಲಿ ತಮನ್ನಾ ಭಾಟಿಯಾ ನಾಯಕಿಯಾಗಿ ನಟಿಸುತ್ತಿದ್ದಾರೆ. ಸತ್ಯದೇವ್ ನಾಯಕರಾಗಿದ್ದಾರೆ. ಈ ಇಬ್ಬರನ್ನು ಕೃಷ್ಣ ಮತ್ತು ಮಿಲನ ಭೇಟಿ ಮಾಡಿ ಮದುವೆಗೆ ಆಹ್ವಾನಿಸಿದ್ದಾರೆ.

ತೆಲುಗಿನಲ್ಲಿ ಲವ್ ಮಾಕ್ಟೈಲ್ ಚಿತ್ರಕ್ಕೆ ನಾಗಶೇಖರ್ ಆಕ್ಷನ್ ಕಟ್ ಹೇಳಿದ್ದು, ಶೂಟಿಂಗ್ ಸಹ ನಡೆಯುತ್ತಿದೆ. ಇನ್ನು ನಾಗಶೇಖರ್ ಮೂವೀಸ್ ಬ್ಯಾನರ್‌ನಲ್ಲಿ ಚಿತ್ರ ನಿರ್ಮಾಣವಾಗಲಿದೆ. ಕಾಲ ಭೈರವ ಸಂಗೀತ ನೀಡಲಿದ್ದಾರೆ. ಸತ್ಯ ಹೆಗ್ಡೆ ಛಾಯಾಗ್ರಹಣ ಇರಲಿದೆ. ಕನ್ನಡದಲ್ಲಿ ರಘು ದೀಕ್ಷಿತ್ ಸಂಗೀತ ಒಳಗೊಂಡಿದೆ.

ಕನ್ನಡದ 'ಲವ್ ಮಾಕ್‌ಟೇಲ್'ನ ತೆಲುಗು ರೀಮೇಕ್‌ನಲ್ಲಿ ಖ್ಯಾತ ನಟಿ ನಾಯಕಿ

Recommended Video

ಅಂದ್ಹಾಗೆ, ಮಿಲನ ಮತ್ತು ಕೃಷ್ಣ ಅವರ ಮದುವೆ ಫೆಬ್ರವರಿ 14, 2021 ರಂದು ಬೆಂಗಳೂರಿನಲ್ಲಿ ನಡೆಯಲಿದೆ. ಇತ್ತೀಚಿಗಷ್ಟೆ ಕೃಷ್ಣ ಮತ್ತು ಮಿಲನ ಜೋಡಿ ಬ್ಯಾಚಿಲ್ಲೋರೆಟ್ ಪಾರ್ಟಿ ಮಾಡಿದ್ದರು. ಸ್ನೇಹಿತರು ಆಯೋಜಿಸಿದ್ದ ಪಾರ್ಟಿಯಲ್ಲಿ ಮಿಲನ ಮತ್ತು ಕೃಷ್ಣ ಮಿಂಚಿದ್ದರು. ಈ ಫೋಟೋಗಳು ಅಭಿಮಾನಿಗಳ ಕಣ್ಮನ ಸೆಳೆದಿತ್ತು.