'ಕುರುಕ್ಷೇತ್ರ' ಸಿನಿಮಾದ ಅವಧಿ ಕೇಳಿದ್ರೆ ಆಶ್ಚರ್ಯ ಆಗುತ್ತೆ

3 ಗಂಟೆ 5 ನಿಮಿಷ

ಹೀಗಿಗಾ.. ಎಲ್ಲ ಸಿನಿಮಾಗಳ ಅವಧಿ ಕಡಿಮೆ ಆಗಿದೆ. ಜನರಿಗೆ ಸಿನಿಮಾ ನೋಡುವ ತಾಳ್ಮೆ ಕಡಿಮೆ ಆದಂತೆ ಸಿನಿಮಾದ ಅವಧಿ ಕೂಡ ಇಳಿದಿದೆ. ಎರಡು ಗಂಟೆಗೆ ಮೇಲೆ ಸಿನಿಮಾ ಇದ್ದರೆ ಸಾಕು ನೋಡುಗರು ಆಕಳಿಸಲು ಶುರು ಮಾಡುತ್ತಾರೆ. ಇಂತಹ ದಿನದಲ್ಲಿಯೂ 'ಕುರುಕ್ಷೇತ್ರ' ಚಿತ್ರ 3 ಗಂಟೆ 5 ನಿಮಿಷ ಅವಧಿ ಹೊಂದಿದೆ.

ಪೌರಾಣಿಕ ಸಿನಿಮಾ

'ಕುರುಕ್ಷೇತ್ರ' ಪೌರಾಣಿಕ ಸಿನಿಮಾ ಆಗಿರುವ ಕಾರಣ ಸಿನಿಮಾದ ಅವಧಿ ಹೆಚ್ಚಾಗಿದೆ. ಈ ರೀತಿಯ ಸಿನಿಮಾಗಳ ಅವಧಿ ಕಮರ್ಷಿಯಲ್ ಸಿನಿಮಾಗಳಿಗೆ ಹೋಲಿಕೆ ಮಾಡಿದರೆ ಹೆಚ್ಚು ಇರುತ್ತದೆ. ಸೋ, 'ಕುರುಕ್ಷೇತ್ರ' ಸಿನಿಮಾ ನೋಡಲು ಚಿತ್ರಮಂದಿರಕ್ಕೆ ಹೋಗುವ ಮೊದಲೇ ಅದರ ಅವಧಿ ಬಗ್ಗೆ ಗಮನ ಇಟ್ಟುಕೊಳ್ಳುವುದು ಒಳ್ಳೆಯದು.

'ದಿ ವಿಲನ್' ಕೂಡ ಅಚ್ಚರಿ ಮೂಡಿಸಿತ್ತು

ನಟ ಶಿವರಾಜ್ ಕುಮಾರ್ ಹಾಗೂ ಸುದೀಪ್ ಅಭಿನಯದ 'ದಿ ವಿಲನ್' ಸಿನಿಮಾ ಕೂಡ ಅದರ ಅವಧಿಯ ಕಾರಣಕ್ಕೆ ಅಚ್ಚರಿ ಮೂಡಿಸಿತ್ತು. ಈ ಸಿನಿಮಾ ಬರೋಬ್ಬರಿ 175 ನಿಮಿಷ ಹೊಂದಿತ್ತು. ಕಮರ್ಷಿಯಲ್ ಸಿನಿಮಾ ಆಗಿದ್ದರೂ, ಇಬ್ಬರು ನಟರು ಇರುವ ಕಾರಣ ಚಿತ್ರದ ಅವಧಿ ಹೆಚ್ಚಾಗಿತ್ತು.

ಸೆನ್ಸಾರ್ ಆಗಿದೆ

'ಕುರುಕ್ಷೇತ್ರ' ಸಿನಿಮಾ ಇದೀಗ ಸೆನ್ಸಾರ್ ಆಗಿದೆ. ಚಿತ್ರಕ್ಕೆ ಯು ಎ ಪ್ರಮಾಣ ಪತ್ರವನ್ನ ನೀಡಲಾಗಿದೆ. 2D ಹಾಗೂ 3D ನಲ್ಲಿ ಸಿನಿಮಾ ಬಿಡುಗಡೆಯಾಗುತ್ತಿದೆ. ನಾಗಣ್ಣ ಸಿನಿಮಾವನ್ನು ನಿರ್ದೇಶನ ಮಾಡಿದ್ದಾರೆ. ಹರಿಕೃಷ್ಣ ಸಂಗೀತ ಹಾಗೂ ವಿ ನಾಗೇಂದ್ರ ಪ್ರಸಾದ್ ಸಾಹಿತ್ಯ ಬರೆದಿದ್ದಾರೆ.

ದೊಡ್ಡ ತಾರಾ ಬಳಗ

'ಕುರುಕ್ಷೇತ್ರ' ದೊಡ್ಡ ತಾರಾ ಬಳಗವನ್ನ ಹೊಂದಿದೆ. ದರ್ಶನ್, ಅಂಬರೀಶ್, ಭಾರತಿ ವಿಷ್ಣುವರ್ಧನ್, ರವಿಚಂದ್ರನ್, ನಿಖಿಲ್ ಕುಮಾರ್, ಅರ್ಜುನ್ ಸರ್ಜಾ, ಸ್ನೇಹ, ಮೇಘನಾ ರಾಜ್ ಹೀಗೆ ಚಿತ್ರದಲ್ಲಿ ಅನೇಕ ಕಲಾವಿದರು ನಟಿಸಿದ್ದಾರೆ. ಚಿತ್ರದ ಟ್ರೇಲರ್ ಮತ್ತು ಹಾಡುಗಳು ಸದ್ಯದಲ್ಲಿಯೇ ಬರಲಿವೆ.