BIG NEWS: 2020 ಆಸ್ಕರ್ ರೇಸ್ ನಲ್ಲಿ ಕನ್ನಡದ ಏಕೈಕ ಚಿತ್ರ ಕುರುಕ್ಷೇತ್ರ.!

ಕನ್ನಡದಿಂದ ಕುರುಕ್ಷೇತ್ರ ಮಾತ್ರ

ತಮಿಳು, ತೆಲುಗು, ಮಲಯಾಳಂ, ಹಿಂದಿ, ಮರಾಠಿ, ಸೇರಿದಂತೆ ವಿವಿಧ ಭಾಷೆಗಳ ಒಟ್ಟು 28 ಚಿತ್ರಗಳನ್ನ 2020ನೇ ಸಾಲಿನ ಆಸ್ಕರ್ ಪ್ರಶಸ್ತಿಗೆ ಕಳುಹಿಸಲು ಶಾರ್ಟ್ ಲಿಸ್ಟ್ ಮಾಡಲಾಗಿದೆ. ವಿಶೇಷ ಅಂದ್ರೆ ಈ 28 ಚಿತ್ರಗಳ ಪೈಕಿಯಲ್ಲಿ ಕನ್ನಡದಿಂದ ಅವಕಾಶ ಪಡೆದುಕೊಂಡಿರುವುದು ಕುರುಕ್ಷೇತ್ರ ಮಾತ್ರ.

ತಮಿಳು ಮತ್ತು ತೆಲುಗಿನಲ್ಲಿ ಯಾವುದು?

ಕನ್ನಡದಿಂದ ಕುರುಕ್ಷೇತ್ರ ಆಯ್ಕೆಯಾಗಿದ್ದರೆ, ತಮಿಳಿನಲ್ಲಿ ವಡಾ ಚೆನ್ನೈ, ಸೂಪತ್ ಡಿಲೆಕ್ಸ್ ಆಯ್ಕೆಯಾಗಿದೆ. ತೆಲುಗಿನಲ್ಲಿ ಡಿಯರ್ ಕಾಮ್ರೇಡ್ ಮತ್ತು ಒತ್ತಾ ಸೆರುಪು ಸೈಜ್ 7 ಹಾಗೂ ಉಯಿರೆ ಚಿತ್ರಗಳು ಅರ್ಹತಾ ಪಟ್ಟಿಯಲ್ಲಿ ಅವಕಾಶ ಗಿಟ್ಟಿಸಿಕೊಂಡಿದೆ.

ಹಿಂದಿಯಲ್ಲಿ ಹೆಚ್ಚು ಚಿತ್ರಗಳು

ಸೌತ್ ಇಂಡಸ್ಟ್ರಿಯ ಐದಾರು ಚಿತ್ರಗಳು ಬಿಟ್ಟರೇ ಹಿಂದಿಯ ಹೆಚ್ಚು ಸಿನಿಮಾಗಳು ಈ ಪಟ್ಟಿಯಲ್ಲಿದೆ. ರಾಷ್ಟ್ರಪ್ರಶಸ್ತಿ ಪಡೆದ ಅಂಧಾದುನ್, ಕೇಸರಿ, ಗಲ್ಲಿ ಬಾಯ್, ಉರಿ, ಬದ್ಲಾ, ಬದಾಯಿ ಹೋ, ಆರ್ಟಿಕಲ್ 15 ಅಂತಹ ಚಿತ್ರಗಳು ಈ ಪಟ್ಟಿಯಲ್ಲಿದೆ.

ಇದು ಕೇವಲ ಶಾರ್ಟ್ ಲಿಸ್ಟ್ ಅಷ್ಟೇ

ಅಂದ್ಹಾಗೆ, ಇದು 2020ರ ಆಸ್ಕರ್ ಗೆ ಯಾವ ಚಿತ್ರಗಳನ್ನ ಕಳುಹಿಸಬೇಕು ಎಂಬ ಪ್ರಕ್ರಿಯೆ. ಇದರಲ್ಲಿ 28 ಚಿತ್ರಗಳನ್ನ ಕಿರುಪಟ್ಟಿ ಮಾಡಲಾಗಿದೆ. ಇಲ್ಲಿ ಆಯ್ಕೆಯಾದ ಎಲ್ಲ ಚಿತ್ರಗಳು ಆಸ್ಕರ್ ಗಾಗಿ ಆಯ್ಕೆಯಾಗಲ್ಲ. ಇದರಲ್ಲಿ ಕೆಲವೇ ಕೆಲವು ಚಿತ್ರಗಳ ಮಾತ್ರ ನಾಮಿನೇಷನ್ ಗೆ ಕಳುಹಿಸಲಾಗುತ್ತೆ. ಆದರೂ, ಈ ಪಟ್ಟಿಯಲ್ಲಿ ಒಂದು ಕನ್ನಡ ಸಿನಿಮಾ ಇದೆ ಎಂಬುದು ಖುಷಿಯ ವಿಚಾರ.