'ರಾಕ್ ಲೈನ್ ಮಾಲ್'ನಲ್ಲಿ ಮೊದಲ ದಿನ ಪೂರ್ತಿ 'ಕುರುಕ್ಷೇತ್ರ ಜಾತ್ರೆ'

ಮೊದಲ ದಿನ ಎಷ್ಟು ಶೋಗಳು

ಜಾಲಹಳ್ಳಿ ಕ್ರಾಸ್ ನಲ್ಲಿರುವ ರಾಕ್ ಲೈನ್ ಮಾಲ್ (ಕಾರ್ನಿವಲ್ ಸಿನಿಮಾಸ್) ನಲ್ಲಿ ಕುರುಕ್ಷೇತ್ರ ಸಿನಿಮಾ ರಿಲೀಸ್ ಆಗ್ತಿದ್ದು, ಮೊದಲ ದಿನ ಒಟ್ಟು 16 ಶೋಗಳು ಪ್ರದರ್ಶನವಾಗಲಿದೆ. ಹದಿನಾಲ್ಕು ಸ್ಕ್ರೀನ್ ನಲ್ಲಿ 3ಡಿ, ಎರಡು ಸ್ಕ್ರೀನ್ ನಲ್ಲಿ 2ಡಿ ಸಿನಿಮಾ ಶೋ ಕಾಣಲಿದೆ.

ಕುರುಕ್ಷೇತ್ರ ಜಾತ್ರೆ

ಬೆಳಿಗ್ಗೆ 3.30ಕ್ಕೆ ಮೊದಲ ಶೋ 3ಡಿ ವರ್ಷನ್ ನಲ್ಲಿ ಕುರುಕ್ಷೇತ್ರ ಪ್ರದರ್ಶನವಾಗಲಿದೆ. ನಂತರ 3.40ಕ್ಕೆ, 4ಕ್ಕೆ, 7ಕ್ಕೆ (ಎರಡು ಶೋ), 7.30ಕ್ಕೆ, 10.30ಕ್ಕೆ, 11ಕ್ಕೆ, ಮಧ್ಯಾಹ್ನ 2ಕ್ಕೆ, 2.45ಕ್ಕೆ, 5.30ಕ್ಕೆ, 6.30ಕ್ಕೆ, 9.15ಕ್ಕೆ, ರಾತ್ರಿ 10 ಗಂಟೆಗೆ ಕೊನೆಯ ಶೋ ನಡೆಯಲಿದೆ. ಬೆಳಿಗ್ಗೆ 3.50ಕ್ಕೆ ಮತ್ತು 7.15ಕ್ಕೆ 2ಡಿ ವರ್ಷನ್ ನಲ್ಲಿ ಕುರುಕ್ಷೇತ್ರ ಪ್ರದರ್ಶನವಾಗಲಿದೆ.

ಟಿಕೆಟ್ ಸೋಲ್ಡ್ ಔಟ್.!

ರಾಕ್ ಲೈನ್ ಮಾಲ್ ನಲ್ಲಿ ಬಹುತೇಕ ಎಲ್ಲ ಶೋಗಳ ಟಿಕೆಟ್ ಸೋಲ್ಡ್ ಔಟ್ ಆಗಿದೆ. 3ಡಿ ವರ್ಷನ್ ಸ್ಕ್ರೀನ್ ನಲ್ಲಿ ಅಲ್ಲೊಂದು ಇಲ್ಲೊಂದು ಸೀಟ್ ಖಾಲಿ ಇದೆ. ಇನ್ನು 2ಡಿ ವರ್ಷನ್ ನಲ್ಲಿ ಟಿಕೆಟ್ ಖಾಲಿ ಇದೆ. ಬುಕ್ ಮಾಡಬಹುದು.

3ಡಿಗೆ ಹೆಚ್ಚಿದ ಬೇಡಿಕೆ

ಕುರುಕ್ಷೇತ್ರ ಅಂತಹ ಪೌರಾಣಿಕ ಚಿತ್ರವನ್ನ 3ಡಿಯಲ್ಲಿ ನೋಡುವ ಅವಕಾಶ ಸಿಕ್ಕಿರುವುದು ಅಪರೂಪ ಮತ್ತು ಅದೃಷ್ಟ. ಹಾಗಾಗಿ, ಹೆಚ್ಚಿನ ಜನ 3ಡಿ ವರ್ಷನ್ ನಲ್ಲಿ ಸಿನಿಮಾ ನೋಡಲು ಆಸಕ್ತಿ ತೋರುತ್ತಿದ್ದಾರೆ. ಈ ಹಿನ್ನಲೆಯಲ್ಲಿ 2ಡಿ ವರ್ಷನ್ ಗಿಂತ 3ಡಿಗೆ ಬೇಡಿಕೆ ಹೆಚ್ಚಿದೆ.