'ಕುರುಕ್ಷೇತ್ರ' ಚಿತ್ರದ 5 ಲೇಟೆಸ್ಟ್ ಸುದ್ದಿಗಳು

ಶೂಟಿಂಗ್ ಮುಗಿಸಿದ ಭಾನುಮತಿ

'ಕುರುಕ್ಷೇತ್ರ' ಚಿತ್ರದಲ್ಲಿ ಭಾನುಮತಿ ಪಾತ್ರ ನಿರ್ವಹಿಸಿರುವ ನಟಿ ಮೇಘನಾ ರಾಜ್ ತಮ್ಮ ಶೂಟಿಂಗ್ ಮುಗಿಸಿ ಬೆಂಗಳೂರಿಗೆ ವಾಪಸ್ ಆಗಿದ್ದಾರೆ. ಪೌರಾಣಿಕ ಚಿತ್ರದಲ್ಲಿ ದುರ್ಯೋಧನ ದರ್ಶನ್ ಗೆ ಪತ್ನಿಯಾಗಿ ಮೇಘನಾ ಬಣ್ಣ ಹಚ್ಚಿದ್ದರು.

ಕರ್ಣನ ಹೊಸ ಫೋಟೋ

ಆಕ್ಷನ್ ಕಿಂಗ್ ಅರ್ಜುನ್ ಸರ್ಜಾ 'ಕುರುಕ್ಷೇತ್ರ' ಚಿತ್ರದಲ್ಲಿ ಕರ್ಣನ ಪಾತ್ರ ನಿರ್ವಹಿಸಿದ್ದಾರೆ. ಇದುವರೆಗೂ ಕರ್ಣನ ಪೂರ್ತಿ ಲುಕ್ ಎಲ್ಲೂ ಬಹಿರಂಗವಾಗಿರಲಿಲ್ಲ. ಇದೀಗ, ಯುದ್ಧದ ಸನ್ನಿವೇಶದಲ್ಲಿ ಕರ್ಣನ ಗೆಟಪ್ ರಿವಿಲ್ ಆಗಿದೆ.

ದುರ್ಯೋಧನನ ವಿಡಿಯೋ

ಕುರುಕ್ಷೇತ್ರ ಸೆಟ್ ನಲ್ಲಿ ದುರ್ಯೋಧನ ದರ್ಶನ್ ಮತ್ತು ಭಾನುಮತಿ ಮೇಘನಾ ರಾಜ್ 'Boomerang' ವಿಡಿಯೋ ಮಾಡಿದ್ದಾರೆ. ದರ್ಶನ್ ಇದೇ ಮೊದಲ ಭಾರಿಗೆ ಇಂತಹ ವಿಡಿಯೋ ಮಾಡಿರುವುದು ವಿಶೇಷ.

ಅಭಿಮನ್ಯು ಹೊಸ ಪೋಸ್ಟರ್

ಜನವರಿ 22 ರಂದು ನಿಖಿಲ್ ಕುಮಾರ್ ಅವರ 28ನೇ ಹುಟ್ಟುಹಬ್ಬ ಸಂಭ್ರಮ. ಈ ವಿಶೇಷವಾಗಿ 'ಕುರುಕ್ಷೇತ್ರ' ಚಿತ್ರತಂಡ ಅಭಿಮನ್ಯವಿನ ಹೊಸ ಪೋಸ್ಟರ್ ರಿಲೀಸ್ ಮಾಡಿದೆ. ಇದಕ್ಕು ಮುಂಚೆ ಅಭಿಮನ್ಯವಿನ ಸಾಹಸ ದೃಶ್ಯಗಳ ಟೀಸರ್ ಮತ್ತು ಪೋಸ್ಟರ್ ಬಿಡುಗಡೆ ಮಾಡಿದ್ದ ಚಿತ್ರತಂಡ, ಈಗೊಂದು ರೊಮ್ಯಾಂಟಿಕ್ ಪೋಸ್ಟರ್ ಅನಾವರಣಗೊಳಿಸಿದೆ.

20 ಲಕ್ಷ ದಾಟಿದ 'ಕುರುಕ್ಷೇತ್ರ' ಟೀಸರ್

'ಕುರುಕ್ಷೇತ್ರ' ಚಿತ್ರದ ಮೊದಲ ಟ್ರೈಲರ್ ಯೂಟ್ಯೂಬ್ ನಲ್ಲಿ 20 ಲಕ್ಷ ವೀಕ್ಷಕರನ್ನ ಹೊಂದಿದೆ. ಅಭಿಮನ್ಯು ಟೀಸರ್ 32 ಲಕ್ಷ ವೀಕ್ಷಕರನ್ನ ಹೊಂದಿದೆ.