Boycott RRR: ಕನ್ನಡಿಗರ ಧ್ವನಿಗೆ ಬೆದರಿದ "RRR': ಕನ್ನಡ ರಿಲೀಸ್ ಆಗುತ್ತಾ? ಇಲ್ವಾ?

ಕನ್ನಡಿಗರ ಧ್ವನಿಗೆ ಮಣಿದ 'RRR'!

"ಆರ್‌ಆರ್‌ಆರ್' ಸಿನಿಮಾ ರಿಲೀಸ್ ಬೆನ್ನಲ್ಲೇ ಹಲವರು ಈ ಚಿತ್ರವನ್ನು ಕನ್ನಡ ಅವತರಣಿಕೆಯಲ್ಲಿ ನೋಡಬೇಕು ಎಂದು ಬಯಸುತ್ತಿದ್ದಾರೆ. ಆದರೆ ಹೆಚ್ಚಾಗಿ ಕನ್ನಡ ಅವತರಣಿಕೆಗೆ ಅವಕಾಶ ಇಲ್ಲ. ಚಿತ್ರಮಂದಿಗಳಲ್ಲಿ ಕನ್ನಡಕ್ಕೆ ಡಬ್ ಆಗಿರುವ "ಆರ್‌ಆರ್‌ಆರ್' ಚಿತ್ರ ಸಿಗುತ್ತಿಲ್ಲ. ಅದೇ ಕಾರಣಕ್ಕೆ ಕನ್ನಡಿಗರು ಚಿತ್ರತಂಡದ ವಿರುದ್ಧ ರೊಚ್ಚಿಗೆದ್ದಿದ್ದಾರೆ. ಈಗ ಇದಕ್ಕೆ ಬ್ರೇಕ್ ಹಾಕುವ ಪ್ರಯತ್ನ ಮಾಡುತ್ತಿದೆ "ಆರ್‌ಆರ್‌ಆರ್' ಚಿತ್ರತಂಡ. ಹಾಗಾಗಿ ಕನ್ನಡದ ಶೋಗಳನ್ನು ಮತ್ತಷ್ಟು ಹೆಚ್ಚಿಸಲು ಭರವಸೆ ನೀಡಿದೆ.

RRR ತಂಡದಿಂದ ಕನ್ನಡಿಗರಿಗೆ ಭರವಸೆ!

ಕರ್ನಾಟಕದಲ್ಲಿ ಕನ್ನಡ ಅವತರಣಿಕೆಯಲ್ಲಿ "ಆರ್‌ಆರ್‌ಆರ್' ಚಿತ್ರದ ಪ್ರದರ್ಶನಗಳನ್ನು ಹೆಚ್ಚು ಮಾಡುವುದಾಗಿ ಸಾಮಾಜಿಕ ಜಾಲತಾಣದಲ್ಲಿ ಅಧಿಕೃತವಾಗಿ ಪೋಸ್ಟ್ ಹಾಕಲಾಗಿದೆ. ""ನಿಮಗೆ ತಿಳಿದಿರುವಂತೆ "ಆರ್‌ಆರ್‌ಆರ್' ಮಾರ್ಚ್ 25ಕ್ಕೆ ತೆರೆಗೆ ಬರಲು ಸಿದ್ಧವಾಗಿದೆ. "ಆರ್‌ಆರ್‌ಆರ್' ಸಿನಿಮಾದ ನಾಯಕ ನಟರಾದ ರಾಮ್‌ ಚರಣ್ ಮತ್ತು ಜೂನಿಯರ್ ಎನ್‌ಟಿಆರ್ ಕನ್ನಡ ಕಲಿಯಲು ವಿಶೇಷ ಪ್ರಯತ್ನ ಮಾಡಿ ಡಬ್ ಮಾಡಿದ್ದಾರೆ. ನೀವು ಕನ್ನಡ ಭಾಷೆಯಲ್ಲಿ ಈ ಮಹೋನ್ನತ ದೃಶ್ಯ ಕಾವ್ಯವನ್ನು ನೋಡಲು ಇಷ್ಟ ಪಡುತ್ತೀರಿ ಎಂದು ನಾವು ಭಾವಿಸಿದ್ದೇವೆ.'' ಎಂದು ಚಿತ್ರತಂಡ ಹೇಳಿದೆ.

"RRR' ಕನ್ನಡದಲ್ಲಿ ಬೇಡ ಎನ್ನುತ್ತಿರೋ ಪ್ರದರ್ಶಕರು!

RRR ಕನ್ನಡ ಅವತರಣಿಕೆ ಬಿಡುಗಡೆಯಾಗದ ಹಿನ್ನೆಲೆ ಕೆವಿನ್ ಪ್ರೊಡಕ್ಷನ್ಸ್ ಮಾಡಿದ ಪೋಸ್ಟ್‌ನಲ್ಲಿ ಪ್ರದರ್ಶಕರು ಕನ್ನಡ ಅವತರಣಿಕೆ ಬೇಡ ಎನ್ನುತ್ತಿದ್ದಾರಂತೆ. ""ಆರ್‌ಆರ್‌ಆರ್ ಚಿತ್ರದ ಕನ್ನಡ ಅವತರಣಿಕೆಯನ್ನು ಪ್ರದರ್ಶಿಸಲು ಹಿಂದೇಟು ಹಾಕುತ್ತಿರುವ ಥಿಯೇಟರ್ ಮಾಲೀಕರ ಮನವೊಲಿಸುವ ಕಾರ್ಯ ನಡೆಯುತ್ತಿದೆ. ಕನ್ನಡ ಅವತರಣಿಕೆಯನ್ನು ಹೆಚ್ಚು ಸ್ಕ್ರೀನ್‌ಗಳಲ್ಲಿ ಬಿಡುಗಡೆ ಮಾಡಲು ನಾವು ಎಲ್ಲಾ ಪ್ರಯತ್ನಗಳನ್ನು ಸತತವಾಗಿ ಮಾಡುತ್ತಿದ್ದೇವೆ.'' ಎನ್ನುವುದನ್ನು ಪೋಸ್ಟ್‌ನಲ್ಲಿ ಬರೆಯಲಾಗಿದೆ.

ಒಂದು ನಿರ್ಧಾರಕ್ಕೆ ಬರಲಿದೆ ವಿತರಕರು

ನಾಳೆ (ಮಾರ್ಚ್ 24) ಕ್ಕೆ ಸಂಪೂರ್ಣ ಚಿತ್ರಮಂದಿರಗಳ ಪಟ್ಟಿ ರಿಲೀಸ್ ಮಾಡುವುದಾಗಿ ಹೇಳಲಾಗಿದೆ ಈ ಪೋಸ್ಟ್‌ನಲ್ಲಿ ಹೇಳಾಗಿದೆ. "ಈ ಬಗ್ಗೆ ನಾಳೆ ಒಳಗೆ ಸಂಪೂರ್ಣ ಮಾಹಿತಿ ನೀಡಲಿದ್ದೇವೆ. RRR ಕನ್ನಡ ಅವತರಣಿಕೆಯನ್ನು ವೀಕ್ಷಿಸುವ ಮೂಲಕ ಹೆಚ್ಚಿನ ಸಂಖ್ಯೆಯಲ್ಲಿ ಕನ್ನಡ ಆವೃತ್ತಿಯನ್ನೇ ಬಿಡುಗಡೆ ಮಾಡುವುದಕ್ಕೆ ನಮಗೆ ನೀವು ಸಹಾಯ ಮಾಡುತ್ತೀರಿ, ನಮ್ಮನ್ನು ಬೆಂಬಲಿಸುತ್ತೀರಿ ಎಂದು ನಾವು ಭಾವಿಸುತ್ತೇವೆ ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ.