ಜೈಲು ಖೈದಿ ಉಡುಪಿನಲ್ಲಿ ಶಿವರಾಜ್ ಕುಮಾರ್: ಹೊಸ ಲುಕ್ ವೈರಲ್

ಜೈಲು ಖೈದಿ ಉಡುಪಿನಲ್ಲಿ ಶಿವಣ್ಣ

ಜೈಲು ಖೈದಿಯ ಉಡುಪಿನಲ್ಲಿರುವ ಶಿವಣ್ಣನ ಫೊಟೊ ಇದಾಗಿದ್ದು. ಗುಂಗುರು ಕೂದಲು ಬಿಟ್ಟು, ತುಸುವೇ ಗಡ್ಡಧಾರಿಯಾಗಿ, ಕತ್ತಿಗೆ ಹುಲಿ ಉಗುರು ಕಟ್ಟಿಕೊಂಡಿರುವ ಶಿವಣ್ಣ ಸಖತ್ ಮಾಸ್ ಆಗಿ ಕಾಣುತ್ತಿದ್ದಾರೆ.

ಹೊಸ ಚಿತ್ರ ಸಾಮಾಜಿಕ ಜಾಲತಾಣದಲ್ಲಿ ವೈರಲ್

ಶಿವಣ್ಣನ ಈ ಎಕ್ಸ್‌ಕ್ಲೂಸಿವ್ ಚಿತ್ರ ಕೆಲವೇ ನಿಮಿಷಗಳಲ್ಲಿ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ನೂರಾರು ಸಿನಿಮಾಗಳು ಮಾಡಿದ್ದರೂ ಸಹ ಶಿವಣ್ಣ ಭಿನ್ನತೆ ಉಳಿಸಿಕೊಂಡಿದ್ದಾರೆ ಎಂದು ಅಭಿಮಾನಿಗಳು ಹೆಮ್ಮೆಯಿಂದ ಶಿವಣ್ಣನ ಹೊಸ ಲುಕ್‌ನ ಚಿತ್ರವನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಳ್ಳುತ್ತಿದ್ದಾರೆ.

ಡಾಲಿ ಧನಂಜಯ್, ಪೃಥ್ವಿ ಅಂಬರ್ ಇದ್ದಾರೆ

ತಮಿಳಿನ ವಿಜಯ್ ಮಿಲ್ಟನ್ ಅವರು ಶಿವಪ್ಪ ಸಿನಿಮಾ ನಿರ್ದೇಶಿಸುತ್ತಿದ್ದಾರೆ. ಸಿನಿಮಾದಲ್ಲಿ ಡಾಲಿ ಧನಂಜಯ್, ಹೊಸ ನಟ ಪೃಥ್ವಿ ಅಂಬರ್ ಸಹ ನಟಿಸುತ್ತಿದ್ದಾರೆ. ನಾಯಕಿಯರಾಗಿ ತೆಲುಗಿನ ಅಂಜಲಿ ಹಾಗೂ ಯಶ ಶಿವಕುಮಾರ್ ಆಯ್ಕೆ ಆಗಿದ್ದಾರೆ.

ಹಲವು ಸಿನಿಮಾಗಳಲ್ಲಿ ಶಿವಣ್ಣ ಬ್ಯುಸಿ

ಶಿವಪ್ಪ ಸಿನಿಮಾದ ನಂತರ ಯೋಗರಾಜ್ ಭಟ್ ನಿರ್ದೇಶನದ 'ಕುಲದಲ್ಲಿ ಕೀಳ್ಯಾವುದೊ' ಸಿನಿಮಾದಲ್ಲಿ ಶಿವರಾಜ್ ಕುಮಾರ್ ನಟಿಸಲಿದ್ದಾರೆ. ಆ ಸಿನಿಮಾದಲ್ಲಿ ಪ್ರಭುದೇವಾ ಸಹ ಶಿವಣ್ಣನ ಜೊತೆಗೆ ಇರಲಿದ್ದಾರೆ. ಅದರ ನಂತರ ತೆಲುಗಿನ ರಾಮ್ ಧಲಿಪುಡಿ ನಿರ್ದೇಶನದ ಹೆಸರಿಡದ ಸಿನಿಮಾಕ್ಕೆ ಓಕೆ ಎಂದಿದ್ದಾರೆ. ರವಿ ಅರಸು ನಿರ್ದೇಶನದ ಎಸ್‌ಆರ್‌ಕೆ, ಲಕ್ಕಿ ಗೋಪಾಲ್ ನಿರ್ದೇಶನದ ಎಸ್‌ಆರ್‌ಕೆ, ಕುಮಾರ್ ನಿರ್ದೇಶನದ ಖದರ್ ಸಿನಿಮಾದಲ್ಲಿ ನಟಿಸಲಿದ್ದಾರೆ ಶಿವರಾಜ್ ಕುಮಾರ್.