ದೀಪಿಕಾ ಪಡುಕೋಣೆಯನ್ನು ನೋಡಿ ಕಲಿ: ಕಂಗನಾ ಗೆ ರಮ್ಯಾ ಸಲಹೆ

ಬ್ಲಾಕ್‌ಮೇಲ್ ಮಾಡುವುದು ಸರಿಯಲ್ಲ: ರಮ್ಯಾ

ಬಾಲಿವುಡ್‌ನ ಡ್ರಗ್ಸ್‌ ವ್ಯಸನಿಗಳ ಪಟ್ಟಿಯನ್ನು ಬಹಿರಂಗಗೊಳಿಸುತ್ತೇನೆ ಎಂದಿದ್ದ ಕಂಗನಾ ಗೆ ರಮ್ಯಾ ಕೆಲವು ಸಲಹೆಗಳನ್ನು ನೀಡಿದ್ದಾರೆ. ಸಾಕ್ಷ್ಯಗಳಿದ್ದರೆ ಪೊಲೀಸರಿಗೆ ಕೊಡಿ, ಇಲ್ಲವೇ ವ್ಯಸನಿಗಳನ್ನು ವ್ಯಸನದಿಂದ ಹೊರತರುವ ಕೆಲಸ ಮಾಡಿ, ಅದನ್ನು ಬಿಟ್ಟಿ ಬ್ಲಾಕ್‌ಮೇಲ್ ಮಾಡುವುದು ಸರಿಯಲ್ಲ ಎಂದಿದ್ದಾರೆ ರಮ್ಯಾ.

'ದೀಪಿಕಾ ಪಡುಕೋಣೆ ಜಾಗೃತಿ ಮೂಡಿಸುವ ಕಾರ್ಯ ಮಾಡಿದ್ದಾರೆ'

ಇದೇ ಸರಣಿ ಟ್ವೀಟ್‌ನಲ್ಲಿ ದೀಪಿಕಾ ಪಡುಕೋಣೆಯ ಹೆಸರು ಉಲ್ಲೇಖಿಸಿರುವ ರಮ್ಯಾ, 'ನಿಮ್ಮ ಸಹೋದ್ಯೋಗಿ ದೀಪಿಕಾ ಪಡುಕೋಣೆ, ಮಾನಸಿಕ ಆರೋಗ್ಯ ಕುರಿತಾಗಿ ಅತ್ಯುತ್ತಮ ಕೆಲಸ ಮಾಡುತ್ತಿದ್ದಾರೆ. ಸ್ವತಃ ಆಕೆ ಎದುರಿಸಿದ ಖಿನ್ನತೆ ಹಾಗೂ ಅದರಿಂದ ಹೊರಬಂದ ಬಗ್ಗೆ ಬಹಿರಂಗವಾಗಿ ಆಕೆ ಮಾತನಾಡಿದ್ದಾರೆ. ಜನರಲ್ಲಿ ಜಾಗೃತಿ ಮೂಡಿಸುವ ಪ್ರಯತ್ನ ಮಾಡಿದ್ದಾರೆ' ಎಂದಿದ್ದಾರೆ.

ದೀಪಿಕಾ ಪಡುಕೋಣೆಯನ್ನು ನೋಡಿ ಕಲಿಯಿರಿ: ರಮ್ಯಾ

ಮುಂದುವರೆದು, ದೀಪಿಕಾ ಪಡುಕೋಣೆ, ಮಾನಸಿಕ ಆರೋಗ್ಯದ ಜಾಗೃತಿ ಹಾಗೂ ಖಿನ್ನತೆಗೆ ಒಳಪಟ್ಟಿರುವವರ ಸಹಾಯಕ್ಕೆಂದು ಸಂಘ ಸಂಸ್ಥೆಯೊಂದನ್ನು ಸ್ಥಾಪಿಸಿದ್ದು, ಅದು ಲಕ್ಷಾಂತರ ಮಂದಿಗೆ ಸಹಾಯ ಮಾಡುತ್ತಿದೆ. ನೀವು ಅವರನ್ನು ನೋಡಿ ಕಲಿಯಿರಿ ಎಂದಿದ್ದಾರೆ.

Recommended Video

ನನ್ನ ನಂಬಿ ಸರ್ಕಾರ ದೊಡ್ಡ ಜವಾಬ್ದಾರಿ ಕೊಟ್ಟಿದೆ | Shruthi Krishna | Filmibeat Kannada

'ಡ್ರಗ್ಸ್ ವ್ಯಸನಿ ಆಗಿದ್ದೆ ಎಂದು ಒಪ್ಪಿಕೊಂಡು ಧೈರ್ಯ ತೋರಿಸಿದ್ದೀರಿ'

ಸಂಜಯ್ ದತ್ ಹೆಸರನ್ನೂ ಉಲ್ಲೇಖಿಸಿರುವ ಅವರು, 'ನಾನೂ (ಕಂಗನಾ) ಸಹ ಡ್ರಗ್ಸ್ ವ್ಯಸನಿ ಆಗಿದ್ದೆ ಎಂದು ವಿಡಿಯೋ ಒಂದರಲ್ಲಿ ಹೇಳಿದ್ದಿರಿ. ನೀವು ಧೈರ್ಯ ತೋರಿದ್ದೀರಿ. ನಿಮ್ಮ ಆ ಅನುಭವದ ಬಗ್ಗೆ ಬಹಿರಂಗವಾಗಿ ಮಾತನಾಡಿ ಜನರಲ್ಲಿ ಜಾಗೃತಿ ಮೂಡಿಸಿ, ನಟ ಸಂಜಯ್ ದತ್ ಆ ಕೆಲಸವನ್ನು ಮಾಡಿದ್ದಾರೆ ಎಂದು ಸಂಜಯ್ ದತ್ ಅನ್ನು ಹೆಸರಿಸಿದ್ದಾರೆ.