ಥಿಯೇಟರ್‌ನಲ್ಲಿ ಬರಲು ಸಜ್ಜಾಗಿರುವ ಸ್ಟಾರ್ ನಟರ ಚಿತ್ರಗಳು

ಕೋಟಿಗೊಬ್ಬನ ಜೊತೆ ಭಜರಂಗಿ

ಪೊಗರು, ರಾಬರ್ಟ್, ಯುವರತ್ನ ಸಿನಿಮಾಗಳು ಅದೃಷ್ಟ ಎನ್ನುವಂತೆ ಲಾಕ್‌ಡೌನ್‌ಗೂ ಮುಂಚೆ ರಿಲೀಸ್ ಆಯಿತು. ಆದರೆ, ಕೋಟಿಗೊಬ್ಬ 3 ಹಾಗೂ ಭಜರಂಗಿ 3 ಸಿನಿಮಾಗಳು ರಿಲೀಸ್ ಆಗುವ ವೇಳೆಗೆ ಲಾಕ್‌ಡೌನ್ ಜಾರಿಯಾಯಿತು. ಈಗ ಥಿಯೇಟರ್‌ ತೆರೆಯಲಿ ಎಂದು ಕಾದಿರುವ ಚಿತ್ರಗಳು ಆಗಸ್ಟ್ ತಿಂಗಳಿಂದ ದರ್ಶನ ಕೊಡಲು ಸಿದ್ದವಾಗಿದೆ.

ದುನಿಯಾ 'ಸಲಗ'

ದುನಿಯಾ ವಿಜಯ್ ಚೊಚ್ಚಲ ಬಾರಿಗೆ ನಿರ್ದೇಶಿಸಿರುವ 'ಸಲಗ' ಸಿನಿಮಾ ಥಿಯೇಟರ್‌ನಲ್ಲೇ ಬರೋದು ಎಂದು ಕಾದಿದೆ. ಕೆಪಿ ಶ್ರೀಕಾಂತ್ ನಿರ್ಮಾಣ ಈ ಚಿತ್ರದ ಮೇಲೆ ನಿರೀಕ್ಷೆ ಹೆಚ್ಚಿದೆ. ಧನಂಜಯ್ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದು, ಸಂಜನಾ ಪ್ರಕಾಶ್ ನಾಯಕಿಯಾಗಿದ್ದಾರೆ.

ವಿಕ್ರಾಂತ್ ರೋಣ

ಕಿಚ್ಚ ಸುದೀಪ್ ಅಭಿನಯದ 'ವಿಕ್ರಾಂತ್ ರೋಣ' ಸಿನಿಮಾ ಸಂಪೂರ್ಣವಾಗಿ ಶೂಟಿಂಗ್ ಮುಗಿಸಿದೆ. ಸದ್ಯ, ಕಲಾವಿದರು ಪೋಸ್ಟ್ ಪ್ರೊಡಕ್ಷನ್‌ನಲ್ಲಿ ತೊಡಗಿಕೊಂಡಿದ್ದಾರೆ. ಅನೂಪ್ ಭಂಡಾರಿ ಈ ಚಿತ್ರ ನಿರ್ದೇಶಿಸಿದ್ದು, ಜಾಕ್ ಮಂಜು ಬಂಡವಾಳ ಹಾಕಿದ್ದಾರೆ.

ತೋತಾಪುರಿ-ಪೆಟ್ರೋಮ್ಯಾಕ್ಸ್

ಜಗ್ಗೇಶ್-ವಿಜಯ್‌ ಪ್ರಸಾದ್ ಕಾಂಬಿನೇಷನ್‌ನಲ್ಲಿ ಮೂಡಿ ಬಂದಿರುವ ತೋತಾಪುರಿ ಸಿನಿಮಾ ಹಾಗೂ ಸತೀಶ್ ನೀನಾಸಂ-ವಿಜಯ್ ಪ್ರಸಾದ್ ಕಾಂಬಿನೇಷನ್‌ನಲ್ಲಿ ತಯಾರಾಗಿರುವ ಪೆಟ್ರೋಮ್ಯಾಕ್ಸ್ ಚಿತ್ರಗಳು ಬಿಡುಗಡೆಯ ಸಾಲಿನಲ್ಲಿದೆ.

ಕೆಜಿಎಫ್ 2

ಜುಲೈ 16ಕ್ಕೆ ರಾಕಿಂಗ್ ಸ್ಟಾರ್ ಯಶ್ ನಟಿಸಿರುವ ಕೆಜಿಎಫ್ ಚಾಪ್ಟರ್ 2 ಸಿನಿಮಾ ತೆರೆಗೆ ಬರಬೇಕಿತ್ತು. ಪರಿಸ್ಥಿತಿ ನಿಯಂತ್ರಣಕ್ಕೆ ಬಾರದ ಹಿನ್ನೆಲೆ ಮತ್ತಷ್ಟು ದಿನ ಮುಂದಕ್ಕೆ ಹೋಗಲಿದೆ. ಈಗ ಹೊಸ ದಿನಾಂಕ ಘೋಷಿಸುವ ಚಿಂತನೆಯಲ್ಲಿದೆ ಚಿತ್ರತಂಡ. ಪ್ರಶಾಂತ್ ನೀಲ್ ಈ ಚಿತ್ರಕ್ಕೆ ನಿರ್ದೇಶಿಸಿದ್ದಾರೆ.

777 ಚಾರ್ಲಿ-ಕನ್ನಡಿಗ

ರಕ್ಷಿತ್ ಶೆಟ್ಟಿ ಅಭಿನಯದ 777 ಚಾರ್ಲಿ, ರವಿಚಂದ್ರನ್ ಅಭಿನಯದ 'ಕನ್ನಡಿಗ', ಅಜಯ್ ರಾವ್ ನಟನೆಯ 'ಶೋಕಿವಾಲ', ಶರಣ್ ನಟನೆಯ 'ಅವತಾರ ಪುರುಷ', ರಮೇಶ್ ಅರವಿಂದ್ ಅವರ '100', ಪ್ರಜ್ವಲ್ ದೇವರಾಜ್ 'ಅರ್ಜುನ್ ಗೌಡ', ನೆನಪಿರಲಿ ಪ್ರೇಮ್ ಅವರ 'ಪ್ರೇಮಂ ಪೂಜ್ಯಂ' ಸಿನಿಮಾಗಳು ನಿರೀಕ್ಷೆ ಹುಟ್ಟಿಸಿದೆ.