ಭಾರತೀಯ ಜನಪ್ರಿಯ ನಟರ ಪಟ್ಟಿಯಲ್ಲಿ ಕನ್ನಡದ ಒಬ್ಬನೇ ನಟ!

ಪ್ರಭಾಸ್‌ಗೆ 2ನೇ ಸ್ಥಾನ!

ಬಾಹುಬಲಿ ಸ್ಟಾರ್ ಪ್ರಭಾಸ್ ಅವರು ಟಾಪ್ 10 ಲಿಸ್ಟ್​ನಲ್ಲಿ ಎರಡನೇ ಸ್ಥಾನ ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ. RRRನಲ್ಲಿ ಮಿಂಚಿದ ನಟ ಜೂನಿಯರ್ ಎನ್​ಟಿಆರ್ ಮೂರನೇ ಸ್ಥಾನದಲ್ಲಿದ್ದಾರೆ. ಈ ನಟರು ಕಡಿಮೆ ಸಿನಿಮಾಗಳನ್ನು ಕೊಟ್ಟಿದ್ದರೂ ಕೂಡ ಜನಪ್ರಿಯತೆಯ ವಿಚಾರದಲ್ಲಿ ಮುಂಚೂಣಿಯಲ್ಲಿ ಇದ್ದಾರೆ. ಟಾಪ್ 3ಯಲ್ಲಿ ವಿಜಯ್, ಪ್ರಭಾಸ್, ಜೂನಿಯರ್ ಎನ್‌ಟಿಆರ್ ಇದ್ದಾರೆ. ನಾಲ್ಕನೇ ಸ್ಥಾನದಲ್ಲಿ ಪುಷ್ಪ ಮೂಲಕ ಸಖತ್ ಕ್ರೇಜ್ ಸೃಷ್ಟಿಸಿದ ಅಲ್ಲು ಅರ್ಜುನ್ ಇದ್ದಾರೆ.

ಕನ್ನಡದಿಂದ ನಟ ಯಶ್!

'ಕೆಜಿಎಫ್ 2' ಮೂಲಕ ಹವಾ ಸೃಷ್ಟಿಸಿದ ಯಶ್ 5ನೇ ಸ್ಥಾನದಲ್ಲಿದ್ದಾರೆ. ಟಾಪ್ 10 ನಟರ ಪಟ್ಟಿಯಲ್ಲಿ ಯಶ್ 5ನೇ ಸ್ಥಾನ ಪಡೆದಿದ್ದಾರೆ. ಕನ್ನಡದ ನಟರ ಪೈಕಿ ನಟ ಯಶ್ ಒಬ್ಬರೇ ಈ ಪಟ್ಟಿಯಲ್ಲಿ ಸ್ಥಾನ ಗಿಟ್ಟಿಸಿಕೊಂಡಿದ್ದಾರೆ. ನಟ ರಾಮ್ ಚರಣ್ 6ನೇ ಸ್ಥಾನದಲ್ಲಿದ್ದಾರೆ. ರಾಮ್ ಚರಣ್ ಕೂಡ RRR ಸಿನಿಮಾದ ಮೂಲಕ ಜನಮನ ಗೆದ್ದಿದ್ದಾರೆ.

ನಟ ಅಜಿತ್‌ಗೆ 10ನೇ ಸ್ಥಾನ!

ಟಾಲಿವುಡ್ ನಟ ಮಹೇಶ್ ಬಾಬು ಅವರು 8ನೇ ಸ್ಥಾನದಲ್ಲಿದ್ದಾರೆ. ಕೆಲವೇ ಕೆಲವು ಸಿನಿಮಾಗಳನ್ನು ಮಾಡಿದರೂ ನಟನ ಪಾಪ್ಯುಲಾರಿಟಿಗೆ ಕಮ್ಮಿ ಆಗಿಲ್ಲ ಎನ್ನುವು ಮತ್ತೆ ಸಾಬೀತಾಗಿದೆ. ಇನ್ನುಳಿದಂತೆ ತಮಿಳು ನಟ ಸೂರ್ಯ ಈ ಪಟ್ಟಿಯಲ್ಲಿ 9ನೇ ಸ್ಥಾನದಲ್ಲಿದ್ದಾರೆ. ಸೂರರೈ ಪೊಟ್ರು, ಜೈ ಭೀಮ್​ನಂತಹ ಸಿನಿಮಾಗಳನ್ನು ಮಾಡಿದ ಸೂರ್ಯ ರಾಲೆಕ್ಸ್ ಆಗಿಯೂ ವಿಕ್ರಮ್ ಸಿನಿಮಾದಲ್ಲಿ ಮಿಂಚಿದ್ದಾರೆ. ತಮಿಳು ಅಜಿತ್ ಕುಮಾರ್ ಈ ಪಟ್ಟಿಯಲ್ಲಿ 10ನೇ ಸ್ಥಾನದಲ್ಲಿದ್ದಾರೆ.

ಅಕ್ಷಯ್ ಕುಮಾರ್‌ಗೆ ಮಾತ್ರ ಸ್ಥಾನ!

ಈ ಬಾರಿ ಟಾಪ್ 10 ನಟರ ಲಿಸ್ಟ್​ನಲ್ಲಿ ಸೌತ್ ನಟರೆ ಮಿಂಚಿದ್ದಾರೆ. ಸೌತ್ ಇಂಡಿಯಾದ ಬಹುತೇಕ ಸ್ಟಾರ್ ನಟರ ಹೆಸರು ಈ ಲಿಸ್ಟ್‌ನಲ್ಲಿದೆ. ಆದರೆ ಬಾಲಿವುಡ್ ನಟರ ಸುದ್ದಿಯೇ ಇಲ್ಲ. ಅಕ್ಷಯ್ ಕುಮಾರ್ ಈ ಲಿಸ್ಟ್​ ಸೇರಿಕೊಂಡ ಬಾಲಿವುಡ್​ನ ಏಕೈಕ ನಟ. ಅಕ್ಷಯ್ ಕುಮಾರ್‌ಗೆ 7ನೇ ಸ್ಥಾನ ಸಿಕ್ಕಿದೆ.