Click it and Unblock the Notifications
Don't Miss!
-
ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್ -
DC vs GT IPL 2024: ಡೆಲ್ಲಿ ಕೋಟೆಯಲ್ಲಿ ವಿಜಯದ ಪತಾಕೆ ಹಾರಿಸುತ್ತಾ ಗುಜರಾತ್?; ಟಾಸ್ ವರದಿ, ಆಡುವ ಬಳಗ -
ಲೋಕಸಭಾ ಚುನಾವಣೆ 2024: ಮತದಾನಕ್ಕೆ ಸಕಲ ಮಂಡ್ಯ ಜಿಲ್ಲಾಡಳಿತದಿಂದ ಸಕಲ ಸಿದ್ಧತೆ -
5 ಸೆಕೆಂಡ್ನಲ್ಲಿ ಈ ಚಿತ್ರದಲ್ಲಿರುವ ಮೇಕೆ ಮಾಲೀಕನ ಹುಡುಕಿ..! ಎಲ್ಲಿದ್ದಾನೆ ಗೊತ್ತಾ? -
Bengaluru: ಆ ಆಪ್ ಇನ್ಸ್ಟಾಲ್ ಮಾಡಿದ್ದೇ ತಡ 5.2 ಕೋಟಿ ರೂ. ಮಾಯ.. ನೀವು ಎಚ್ಚರ -
ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ? -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಅಬ್ಬಾ.. ಜುಲೈನಲ್ಲಿ ರಿಲೀಸ್ ಆದ ಕನ್ನಡ ಸಿನಿಮಾಗಳ ಸಂಖ್ಯೆ ಇಷ್ಟೊಂದಾ!
ಕನ್ನಡದಲ್ಲಿ ಈಗ ಸಿನಿಮಾಗಳ ಸಂಖ್ಯೆ ಜಾಸ್ತಿಯಾಗಿದೆ. ಅದರಲ್ಲಿಯೂ ಜುಲೈ ತಿಂಗಳಿನಲ್ಲಿ ರಿಲೀಸ್ ಆದ ಸಿನಿಮಾಗಳ ಸಂಖ್ಯೆ ಕೇಳಿದರೆ ಸಿನಿಮಾ ಪ್ರಿಯರಿಗೆ ಸುಸ್ತಾಗಿ ಹೋಗುತ್ತದೆ. ಜುಲೈ ತಿಂಗಳಿನ 31 ದಿನಗಳಲ್ಲಿ ಕನ್ನಡದಲ್ಲಿ 20 ಸಿನಿಮಾಗಳು ರಿಲೀಸ್ ಆಗಿದೆ.
ಪ್ರತಿ ವಾರ ಐದು..ಆರು.. ಏಳು ಸಿನಿಮಾಗಳು ಬಿಡುಗಡೆಯಾಗಿದ್ದು, ಒಂದೇ ಒಂದು ತಿಂಗಳಿಗೆ ಬರೋಬ್ಬರಿ 20 ಸಿನಿಮಾಗಳು ಚಿತ್ರಮಂದಿರಕ್ಕೆ ಕಾಲಿಟ್ಟಿದ್ದವು. ಈ 20 ಸಿನಿಮಾಗಳ ಪೈಕಿ ಬಹುಪಾಲು ಚಿತ್ರಗಳು ಚಿತ್ರಮಂದಿರ ಸಮಸ್ಯೆಯಿಂದ ಬಂದ ವೇಗದಲ್ಲಿ ಮಾಯ ಆಗಿವೆ. ಅಂದಹಾಗೆ, ಜುಲೈ ತಿಂಗಳಲ್ಲಿ ಬಿಡುಗಡೆಯಾದ ಕನ್ನಡ ಸಿನಿಮಾಗಳ ಲೆಕ್ಕಾಚಾರ ಇಲ್ಲಿದೆ ಓದಿ...
ಮೊದಲ ವಾರ 4 ಸಿನಿಮಾಗಳು
ಜುಲೈ ತಿಂಗಳ ಮೊದಲ ಶುಭ ಶುಕ್ರವಾರದಲ್ಲಿ ಕನ್ನಡದ ನಾಲ್ಕು ಸಿನಿಮಾಗಳು ರಿಲೀಸ್ ಆಗಿದ್ದವು. ಈ ಪೈಕಿ 'ಒಂದು ಮೊಟ್ಟೆಯ ಕಥೆ' ಸಿನಿಮಾ ಉತ್ತಮ ಪ್ರತಿಕ್ರಿಯೆ ಪಡೆದುಕೊಂಡು ಯಶಸ್ವಿ ಪ್ರದರ್ಶನ ಕಾಣುತ್ತಿದೆ.
ಎರಡನೇ ವಾರ 5 ಸಿನಿಮಾಗಳು
ಜುಲೈ ತಿಂಗಳ ಎರಡನೇ ವಾರದಲ್ಲಿ ಒಟ್ಟು 5 ಸಿನಿಮಾಗಳು ಬಿಡುಗಡೆಯಾದವು. ಐದು ಸಿನಿಮಾಗಳಲ್ಲಿ '2' (ದಂಡುಪಾಳ್ಯ 2) ಸಿನಿಮಾ ಮಾತ್ರ ಇನ್ನೂ ಚಿತ್ರಮಂದಿರದಲ್ಲಿದೆ.
ಮೂರನೇ ವಾರ 7 ಸಿನಿಮಾಗಳು
ಬರೋಬ್ಬರಿ 7 ಸಿನಿಮಾಗಳು ಜುಲೈ ತಿಂಗಳ ಮೂರನೇ ವಾರದಲ್ಲಿ ಬಿಡುಗಡೆಯಾಗಿದೆ. ಇವುಗಳಲ್ಲಿ 'ಧೈರ್ಯಂ', 'ಆಪರೇಷನ್ ಅಲಮೇಲಮ್ಮ', ಮತ್ತು 'ದಾದಾ ಇಸ್ ಬ್ಯಾಕ್' ಸಿನಿಮಾಗಳಿಗೆ ಪಾಸಿಟಿವ್ ರೆಸ್ಪಾನ್ಸ್ ಸಿಕ್ಕಿತ್ತು.
ನಾಲ್ಕನೇ ವಾರ 4 ಸಿನಿಮಾಗಳು
ಜುಲೈ ತಿಂಗಳ ಕೊನೆಯ ವಾರದಲ್ಲಿ ಒಟ್ಟು ನಾಲ್ಕು ಸಿನಿಮಾಗಳು ಗಾಂಧಿನಗರಕ್ಕೆ ಎಂಟ್ರಿ ಕೊಟ್ಟಿದೆ. ಇವುಗಳ ಪೈಕಿ ಅರ್ಜುನ್ ಸರ್ಜಾ ಅವರ 150ನೇ ಸಿನಿಮಾ 'ವಿಸ್ಮಯ' ಕೂಡ ಒಂದು.
ದೊಡ್ಡ ಪೈಪೋಟಿ
ಒಂದು ತಿಂಗಳಿಗೆ ಬರೋಬ್ಬರಿ 20 ಸಿನಿಮಾಗಳು ಬಿಡುಗಡೆಯಾಗಿದ್ದರಿಂದ ಸಾಮಾನ್ಯವಾಗಿಯೇ ಚಿತ್ರಮಂದಿರ ಸಮಸ್ಯೆ ಉಂಟಾಯಿತು. ಸಿನಿಮಾಗಳ ನಡುವೆ ಪೈಪೋಟಿ ಹೆಚ್ಚಾಗಿತ್ತು. 20 ಸಿನಿಮಾಗಳಲ್ಲಿ ನಾಲ್ಕೈದು ಚಿತ್ರಗಳನ್ನು ಮಾತ್ರ ಜನ ನೋಡಿ ಇಷ್ಟಪಟ್ಟರು.
