ಈ ಶುಕ್ರವಾರ ಬಿಡುಗಡೆ ಆಗುತ್ತಿರುವ ಸಿನಿಮಾಗಳಿವು: ನಿಮ್ಮ ಆಯ್ಕೆ ಯಾವುದು?

ರಾಷ್ಟ್ರಪ್ರಶಸ್ತಿ ವಿಜೇತ ಡೊಳ್ಳು ಸಿನಿಮಾ

ರಾಷ್ಟ್ರಪ್ರಶಸ್ತಿ ವಿಜೇತ ಡೊಳ್ಳು ಸಿನಿಮಾ ಸಹ ಇಂದು ಕೆಲವು ಚಿತ್ರಮಂದಿರಗಳಲ್ಲಿ ಬಿಡುಗಡೆ ಆಗುತ್ತಿದೆ. ಸಿನಿಮಾವನ್ನು ಸಾಗರ್ ಪುರಾಣಿಕ್ ನಿರ್ದೇಶನ ಮಾಡಿದ್ದು, ಪವನ್ ಒಡೆಯರ್ ನಿರ್ಮಾಣ ಮಾಡಿದ್ದಾರೆ. ಜನಪದ ಕಲೆ ಡೊಳ್ಳುವನ್ನು ಆಧಾರವಾಗಿಟ್ಟುಕೊಂಡು ನಿರ್ಮಿಸಿದ ಸಿನಿಮಾ ಇದಾಗಿದೆ. ಮಾಹಿತಿ ಕಣಜ ವಿಕಿಪೀಡಿಯಾ ಹೆಸರಲ್ಲಿ ತಂಡವೊಂದು ಕನ್ನಡ ಸಿನಿಮಾ ನಿರ್ಮಿಸಿದ್ದು ಆ ಸಿನಿಮಾ ಇಂದು (ಆಗಸ್ಟ್ 26) ಬಿಡುಗಡೆ ಆಗುತ್ತಿದೆ. ಸಿನಿಮಾವನ್ನು ಸೋಮು ಹೊಯ್ಸಳ ನಿರ್ದೇಶನ ಮಾಡಿದ್ದಾರೆ.

ಅರ್ಜುನ್ ರಮೇಶ್ ನಟನೆಯ ಕೌಟಿಲ್ಯ ಸಿನಿಮಾ

ಒಟಿಟಿ ಬಿಗ್‌ಬಾಸ್ ಮನೆಯಿಂದ ಹೊರಬಂದ ಅರ್ಜುನ್ ರಮೇಶ್ ನಟಿಸಿರುವ 'ಕೌಟಿಲ್ಯ' ಸಿನಿಮಾ ಸಹ ಇಂದು ಬಿಡುಗಡೆ ಆಗುತ್ತಿದೆ. ಇದರ ಜೊತೆಗೆ 'ಪವಾಡ ಪುರುಷ ಅಲ್ಲಿಪುರ ಶ್ರೀ ಮಹದೇವ ತಾತ' ಹೆಸರಿನ ಪೌರಾಣಿಕ ಕತೆಯುಳ್ಳ ಸಿನಿಮಾ ಸಹ ಬಿಡುಗಡೆ ಆಗುತ್ತಿದೆ. ಇವುಗಳ ಜೊತೆಗೆ 'ವಿಕ್ರಾಂತ್ ರೋಣ', 'ಗಾಳಿಪಟ', 'ಲವ್ 360' ಸಿನಿಮಾಗಳು ಇನ್ನೂ ಕೆಲವು ಚಿತ್ರಮಂದಿರಗಳಲ್ಲಿ ಪ್ರದರ್ಶನ ಕಾಣುತ್ತಿವೆ.

ಹಿಂದಿಯ ಕೇವಲ ಒಂದು ಸಿನಿಮಾ

ಹಿಂದಿಯ ಕೇವಲ ಒಂದು ಸಿನಿಮಾ ಅಷ್ಟೆ ಈ ವಾರ ಬಿಡುಗಡೆ ಆಗುತ್ತಿದೆ. ನವಾಜುದ್ದೀನ್ ಸಿದ್ಧಿಕಿ ಪತ್ನಿ ಆಲಿಯಾ ಸಿದ್ಧಿಕಿ ನಿರ್ಮಿಸಿರುವ 'ಹೋಲಿ ಕವ್' ಸಿನಿಮಾ ಇಂದು ಬಿಡುಗಡೆ ಆಗುತ್ತಿದೆ. ಮುಸ್ಲಿಂ ವ್ಯಕ್ತಿಯೊಬ್ಬನಿಗೆ ಸೇರಿದ ಹಸುವೊಂದು ಕಾಣೆಯಾಗುವುದು ಹಾಗೂ ಅದರ ಹುಡುಕಾಟದಲ್ಲಿ ಆತ ಸಿಲುಕುವ ಭಿನ್ನ ಭಿನ್ನ ಸಮಸ್ಯೆಗಳು, ಸಂದರ್ಭಗಳ ಕುರಿತಾಗಿ ಈ ಸಿನಿಮಾ ಇದೆ. ಸಿನಿಮಾದಲ್ಲಿ ನವಾಜುದ್ದೀನ್ ಸಿದ್ಧಿಕಿ ಅತಿಥಿ ಪಾತ್ರದಲ್ಲಿ ನಟಿಸಿದ್ದಾರೆ. ನಾಯಕ ಪಾತ್ರದಲ್ಲಿ ಸಂಜಯ್ ಮಿಶ್ರಾ ನಟಿಸಿದ್ದಾರೆ.

ತೆಲುಗಿನಲ್ಲಿ 'ಲೈಗರ್' ಮಾತ್ರ

ನಿನ್ನೆ (ಆಗಸ್ಟ್ 25) 'ಲೈಗರ್' ಸಿನಿಮಾ ಸಿನಿಮಾ ಬಿಡುಗಡೆ ಆಗಿದೆ ಬಿಟ್ಟರೆ, ಅದರ ಹೊರತಾಗಿ ಇನ್ನಾವ ಮುಖ್ಯ ತೆಲುಗು ಸಿನಿಮಾಗಳು ಈ ವಾರ ಬಿಡುಗಡೆ ಆಗಿಲ್ಲ. ಇಂದು 'ಭಲಾ ಚೋರ ಭಲಾ' ಹಾಗೂ ಹೊಸಬರ 'ಪಿಕೆ' ಸಿನಿಮಾಗಳು ಬಿಡುಗಡೆ ಆಗಿದೆ. 'ಲೈಗರ್' ಸಿನಿಮಾಕ್ಕಾಗಿ ಬೇರೆ ಸಿನಿಮಾಗಳು ಸ್ಥಳ ಬಿಟ್ಟುಕೊಟ್ಟರು ಆದರೆ ಸಿನಿಮಾ ಅಟ್ಟರ್ ಪ್ಲಾಪ್ ಆಗಿದೆ.

ತಮಿಳಿನಲ್ಲಿ ಯಾವ ಸಿನಿಮಾಗಳಿವೆ?

ತಮಿಳಿನಲ್ಲಿ ಮಿಸ್ಟ್ರಿ ಥ್ರಿಲ್ಲರ್ ಸಿನಿಮಾ 'ಡೈರಿ' ಇಂದು ಬಿಡುಗಡೆ ಆಗಿದೆ. ಈ ಸಿನಿಮಾದ ಹೊರತಾಗಿ ಇನ್ನಾವ ಹೊಸ ಸಿನಿಮಾ ತಮಿಳಿನಲ್ಲಿ ಬಿಡುಗಡೆ ಆಗಿಲ್ಲ. ವಿಜಯ್ ದೇವರಕೊಂಡ ನಟನೆಯ 'ಲೈಗರ್' ಸಿನಿಮಾ ತಮಿಳಿಗೆ ಡಬ್ ಆಗಿ ಚೆನ್ನೈ ಸೇರಿದಂತೆ ಇನ್ನು ಕೆಲವು ಪ್ರದೇಶಗಳಲ್ಲಿ ಬಿಡುಗಡೆ ಆಗಿದೆ. ಅದರ ಹೊರತಾಗಿ ಈ ಹಿಂದಿನ ವಾರ ಬಿಡುಗಡೆ ಆದ ಸಿನಿಮಾಗಳೇ ಇನ್ನೂ ಓಡುತ್ತಿವೆ. ಮಲಯಾಳಂನಲ್ಲಿ ಪೃಥ್ವಿರಾಜ್ ಸುಕುಮಾರನ್ ನಟನೆಯ 'ತೀರ್ಪು' ಸಿನಿಮಾ ನಿನ್ನೆ (ಆಗಸ್ಟ್ 25) ರಂದು ಬಿಡುಗಡೆ ಆಗಿದೆ.