Don't Miss!
- Automobiles ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- News Darshan: ಡಿ.ಕೆ. ಸುರೇಶ್ ಪರ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಪ್ರಚಾರ
- Lifestyle ನೀವು ಸಹ ಈ ಶರ್ಬತ್ನ ರುಚಿ ಸವಿದಿದ್ದೀರಾ..? ಮರೆಯಾಯ್ತು ಈ ಹಳೆಯ ನೆನಪು
- Sports LSG vs CSK IPL 2024: ಲಕ್ನೋ vs ಚೆನ್ನೈ ಮಹಾಕದನ; ಟಾಸ್ ವರದಿ, ಆಡುವ 11ರ ಬಳಗ
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ನೆನಪಿದೆಯಾ ಅನಂತ್ ನಾಗ್, ಅಂಬಿ ಜತೆ ರಜನಿಕಾಂತ್ ನಟಿಸಿದ್ದ ಚಿತ್ರ? 'ಸೂಪರ್ಸ್ಟಾರ್' ಕನ್ನಡ ಚಿತ್ರಗಳ ಪಟ್ಟಿ
1950ರ ಡಿಸೆಂಬರ್ 12ರಂದು ಆಗಿನ ಮೈಸೂರು ರಾಜ್ಯದ ಬೆಂಗಳೂರಿನಲ್ಲಿ ಜನಿಸಿದ ಶಿವಾಜಿ ರಾವ್ ಗಾಯಕ್ವಾಡ್ ತಮ್ಮ ಇಪ್ಪತ್ತೈದನೇ ವಯಸ್ಸಿಗೆ ನಾಯಕನಾಗಿ ತಮಿಳು ಚಿತ್ರದ ಮೂಲಕ ಚಿತ್ರರಂಗ ಪ್ರವೇಶಿಸಿದರು. 1975ರಲ್ಲಿ ಬಿಡುಗಡೆಗೊಂಡ ಅಪೂರ್ವ ರಾಗಂಗಳ್ ಎಂಬ ಚಿತ್ರದಲ್ಲಿ ರಜನಿಕಾಂತ್ ಪಾಂಡಿಯನ್ ಎಂಬ ಪಾತ್ರವನ್ನು ನಿರ್ವಹಿಸಿದ್ದರು ಹಾಗೂ ಈ ಚಿತ್ರದಲ್ಲಿ ನಾಯಕನಾಗಿ ಕಮಲ್ ಹಾಸನ್ ನಟಿಸಿದ್ದರು.
ಹೀಗೆ ತಮಿಳು ಚಿತ್ರದ ಮೂಲಕ ಸಿನಿರಂಗ ಪ್ರವೇಶಿಸಿದ ಕನ್ನಡಿಗ ರಜನಿಕಾಂತ್ ಮುಂದಿನ ವರ್ಷವೇ ಅಂದರೆ 1976ರಲ್ಲಿ ತೆರೆಕಂಡ ಪುಟ್ಟಣ್ಣ ಕಣಗಾಲ್ ನಿರ್ದೇಶನದ, ಕಲ್ಯಾಣ್ ಕುಮಾರ್ ನಾಯಕನಾಗಿ ಅಭಿನಯಿಸಿದ್ದ ಕಥಾ ಸಂಗಮ ಎಂಬ ಚಿತ್ರದಲ್ಲಿ ನಟಿಸುವ ಮೂಲಕ ಚಂದನವನಕ್ಕೂ ಪದಾರ್ಪಣೆ ಮಾಡಿದರು. ಹೀಗೆ ಒಂದು ವರ್ಷದ ಅಂತರದಲ್ಲಿ ತಮಿಳು ಹಾಗೂ ಕನ್ನಡ ಎರಡೂ ಚಿತ್ರರಂಗಕ್ಕೂ ಕಾಲಿಟ್ಟ ರಜನಿಕಾಂತ್ ತೆಲುಗು ಹಾಗೂ ಹಿಂದಿ ಭಾಷೆಯ ಚಿತ್ರಗಳಲ್ಲಿಯೂ ಅಭಿನಯಿಸಿದ್ದಾರೆ.
ಹೀಗೆ ತಮಿಳು ಹಾಗೂ ಕನ್ನಡದ ಚಿತ್ರಗಳಲ್ಲಿ ಪುಟ್ಟ ನಟನಾಗಿ ಕಾಲಿಟ್ಟ ರಜನಿಕಾಂತ್ ಈಗ ಇಂಡಿಯನ್ ಸೂಪರ್ ಸ್ಟಾರ್ ಆಗಿ ನಿಂತಿದ್ದಾರೆ. ಪದ್ಮಭೂಷಣ, ಪದ್ಮವಿಭೂಷಣ ಹಾಗೂ ದಾದಾ ಸಾಹೇಬ್ ಫಾಲ್ಕೆ ರೀತಿಯ ಅತ್ಯುನ್ನತ ಗೌರವವನ್ನು ಪಡೆದುಕೊಂಡಿರುವ ರಜನಿಕಾಂತ್ ಇಂದಿಗೂ ಸಹ ಬೃಹತ್ ಬೇಡಿಕೆ ಹೊಂದಿರುವಂತಹ ನಟ. ಮೊದಲಿಗೆ ಕೆಲ ಕನ್ನಡ ಚಿತ್ರಗಳಲ್ಲಿ ಅಭಿನಯಿಸಿದ್ದ ನಟ ರಜನಿಕಾಂತ್ ನಂತರ ಹೆಚ್ಚಾಗಿ ತಮಿಳು ಚಿತ್ರಗಳಲ್ಲಿಯೇ ನಟಿಸಿದರು. ಹಾಗಿದ್ದರೆ ರಜನಿಕಾಂತ್ ಅಭಿನಯಿಸಿದ ಕನ್ನಡ ಚಿತ್ರಗಳು ಯಾವುವು ಎಂಬುದರ ಕುರಿತಾದ ಪಟ್ಟಿ ಈ ಕೆಳಕಂಡಂತಿದೆ.
ರಜನಿಕಾಂತ್ ಅಭಿನಯದ ಕನ್ನಡ ಚಿತ್ರಗಳ ಪಟ್ಟಿ
1. ಕಥಾಸಂಗಮ - 1976
2. ಬಾಳು ಜೇನು - 1976
3. ಒಂದು ಪ್ರೇಮದ ಕಥೆ - 1977
4. ಸಹೋದರರ ಸವಾಲ್ - 1977
5. ಕುಂಕುಮ ರಕ್ಷೆ - 1977
6. ಗಲಾಟೆ ಸಂಸಾರ - 1977
7. ಕಿಲಾಡಿ ಕಿಟ್ಟು - 1978
8. ಮಾತು ತಪ್ಪದ ಮಗ - 1978
9. ತಪ್ಪಿದ ತಾಳ - 1978
10. ಪ್ರಿಯಾ - 1979
11. ಗರ್ಜನೆ - 1981
ವಿಷ್ಣು, ಅಂಬರೀಶ್ ಹಾಗೂ ಅನಂತ್ನಾಗ್ ಜತೆ ನಟನೆ
ರಜನಿಕಾಂತ್ ಒಟ್ಟಾರೆ ಹನ್ನೊಂದು ಕನ್ನಡ ಚಿತ್ರಗಳಲ್ಲಿ ನಟಿಸಿದ್ದ ರಜನಿಕಾಂತ್ ವಿಷ್ಣುವರ್ಧನ್, ಅಂಬರೀಶ್ ಹಾಗೂ ಅನಂತ್ನಾಗ್ ರೀತಿಯ ಕನ್ನಡದ ದಿಗ್ಗಜ ನಟರ ಜತೆ ತೆರೆ ಹಂಚಿಕೊಂಡರು. ವಿಷ್ಣುವರ್ಧನ್ ಜತೆ ಒಟ್ಟು ಮೂರು ಚಿತ್ರಗಳಲ್ಲಿ ನಟಿಸಿದ್ದ ರಜನಿಕಾಂತ್ ಅಂಬರೀಶ್ ಜತೆ 1979ರಲ್ಲಿ ಪ್ರಿಯಾ ಎಂಬ ಚಿತ್ರದಲ್ಲಿ ನಟಿಸಿದ್ದರು. ಇದು ತಮಿಳು ಹಾಗೂ ಕನ್ನಡ ದ್ವಿಭಾಷಾ ಚಿತ್ರವಾಗಿತ್ತು. 1978ರಲ್ಲಿ ತೆರೆ ಕಂಡಿದ್ದ ಮಾತು ತಪ್ಪದ ಮಗ ಎಂಬ ಚಿತ್ರದಲ್ಲಿ ರಜನಿಕಾಂತ್ ಹಾಗೂ ಅನಂತ್ ನಾಗ್ ಒಟ್ಟಿಗೆ ನಟಿಸಿದ್ದರು. ಅನಂತ್ ನಾಗ್ ನಾಯಕನಾಗಿ ಹಾಗೂ ರಜನಿಕಾಂತ್ ಖಳನಾಯಕನಾಗಿ ಕಾಣಿಸಿಕೊಂಡಿದ್ದರು.
ವಿಷ್ಣುವರ್ಧನ್ - ರಜನಿಕಾಂತ್ ಫೇಮಸ್ ಕೊಂಬೊ
ಇನ್ನು ರಜನಿಕಾಂತ್ ಹೆಚ್ಚಾಗಿ ತೆರೆ ಹಂಚಿಕೊಂಡಿರುವ ಕನ್ನಡದ ನಟನೆಂದರೆ ಅದು ಸಾಹಸಸಿಂಹ ವಿಷ್ಣುವರ್ಧನ್. 1977ರಲ್ಲಿ ತೆರೆಕಂಡ ಸಹೋದರರ ಸವಾಲ್ ಚಿತ್ರದಲ್ಲಿ ಒಟ್ಟಿಗೆ ನಟಿಸಿದ್ದ ರಜನಿಕಾಂತ್ ಹಾಗೂ ವಿಷ್ಣುವರ್ಧನ್ ಅದೇ ವರ್ಷ ಬಿಡುಗಡೆಗೊಂಡ ಗಲಾಟೆ ಸಂಸಾರ ಹಾಗೂ 1978ರಲ್ಲಿ ಬಿಡುಗಡೆಗೊಂಡ ಕಿಲಾಡಿ ಕಿಟ್ಟು ಚಿತ್ರದಲ್ಲಿ ತೆರೆ ಹಂಚಿಕೊಂಡಿದ್ದರು.