ಗುರುಕಿರಣ್ ಬಗ್ಗೆ ಈ ಒಂದು ವಿಷ್ಯ ಅನೇಕರಿಗೆ ತಿಳಿದಿಲ್ಲ

'ಉಪೇಂದ್ರ' ಚಿತ್ರದಿಂದ

'ಎ' ಸಿನಿಮಾದ ಮೂಲಕ ಸಂಗೀತ ನಿರ್ದೇಶಕನಾಗಿ ಚಿತ್ರರಂಗಕ್ಕೆ ಬಂದ ಗುರುಕಿರಣ್ ತಮ್ಮ ಎರಡನೇ ಸಿನಿಮಾ 'ಉಪೇಂದ್ರ' ಮೂಲಕ ಚಿತ್ರ ಸಾಹಿತಿ ಕೂಡ ಆದರು. ಈ ಚಿತ್ರದ 'ಟು ಥೌಸೆಂಡ್..' ಎಂಬ ಜನಪ್ರಿಯ ಹಾಡನ್ನು ಗುರುಕಿರಣ್ ಅವರೇ ಬರೆದಿದ್ದರು.

'ಬಂಡಲ್ ಬಡಾಯಿ ಮಾದೇವ..'

ವಿಷ್ಣುವರ್ಧನ್ ನಟನೆಯ 'ಏಕದಂತ' ಸಿನಿಮಾದ 'ಬಂಡಲ್ ಬಡಾಯಿ ಮಾದೇವ..' ಹಾಡಿನ್ನು ಕೂಡ ಗುರುಕಿರಣ್ ಬರೆದಿದ್ದಾರೆ. ವಿಶೇಷ ಅಂದರೆ ಈ ಹಾಡಿನಲ್ಲಿ ಅವರು ಕೂಡ ತೆರೆ ಮೇಲೆ ಕಾಣಿಸಿಕೊಂಡಿದ್ದಾರೆ.

'ಕೆಟ್ಟೋದ್ರಪ್ಪೋ ಪ್ಯಾಟೆ ಹುಡ್ಗೀರು..'

ಶಿವರಾಜ್ ಕುಮಾರ್ ಅವರ 'ಮೈಲಾರಿ' ಚಿತ್ರಕ್ಕೆ ಮ್ಯೂಸಿಕ್ ಮಾಡಿದ್ದ ಗುರುಕಿರಣ್ ಅದರೊಂದಿಗೆ 'ಕೆಟ್ಟೋದ್ರಪ್ಪೋ ಪ್ಯಾಟೆ ಹುಡ್ಗೀರು..' ಹಾಡಿಗೆ ಸಾಹಿತ್ಯ ಒದಗಿಸಿದ್ದರು. ಆರ್.ಚಂದ್ರು ಚಿತ್ರವನ್ನು ನಿರ್ದೇಶನ ಮಾಡಿದ್ದರು.

'ಅಪ್ಪು ಪಪ್ಪು ಎನ್ನುತ್ತಾನೋ...'

ಶಿವಣ್ಣ ಮತ್ತು ರಾಗಿಣಿ ಜೋಡಿಯ 'ಶಿವ' ಸಿನಿಮಾದಲ್ಲಿ 'ಅಪ್ಪು ಪಪ್ಪು ಎನ್ನುತ್ತಾನೋ...' ಎಂಬ ಐಟಂ ಸಾಂಗ್ ಇದೆ. ಈ ಹಾಡನ್ನು ಸಹ ಗುರುಕಿರಣ್ ಬರೆದಿದ್ದಾರೆ.

ನನ್ನ ಮೊದಲ ಸಿನಿಮಾ : ಎಲ್ಲೂ ರಿವೀಲ್ ಆಗದ 'A' ಚಿತ್ರದ ರೋಚಕ ಕತೆ

'ಈ ಹುಡುಗಿರೆಲ್ಲ ಹಿಂಗೆ..'

ಉಪೇಂದ್ರ ಅವರ 'ಓಂಕಾರ' ಸಿನಿಮಾದ ಫೇಮಸ್ ಹಾಡು 'ಈ ಹುಡುಗಿರೆಲ್ಲ ಹಿಂಗೆ..' ಹಾಡಿನಲ್ಲಿ ಗುರುಕಿರಣ್ ಸಾಹಿತ್ಯ ಇದೆ.

'ಸ್ಪೆಷಲ್ ಆಗಿ ಆರ್ಡರ್ ಕೊಟ್ಟೆ..'

ಆರ್.ಚಂದ್ರು ಮತ್ತು ಉಪೇಂದ್ರ ಕಾಂಬಿನೇಶನ್ ನಲ್ಲಿ ಬಂದ 'ಬ್ರಹ್ಮ' ಸಿನಿಮಾದ 'ಸ್ಪೆಷಲ್ ಆಗಿ ಆರ್ಡರ್ ಕೊಟ್ಟೆ..' ಹಾಡನ್ನು ಬರೆದಿರುವುದು ಕೂಡ ಗುರುಕಿರಣ್.

ಅನೇಕ ಹಾಡಿನ ಮೊದಲ ಸಾಲು

ಈ ಹಾಡುಗಳ ಜೊತೆಗೆ ಅನೇಕ ಹಾಡುಗಳ ಮೊದಲ ಸಾಲನ್ನು ಮ್ಯೂಸಿಕ್ ಮಾಡುವಾಗಲೇ ಗುರುಕಿರಣ್ ಕಟ್ಟುತ್ತಿದ್ದರಂತೆ. ಅದರಲ್ಲಿ 'ಈ ಟಚ್ ಅಲ್ಲಿ ಏನೋ ಇದೆ..' ಹಾಡು ಕೂಡ ಒಂದು.

ಗುರುಕಿರಣ್ ಸಂದರ್ಶನ

20 ವರ್ಷವನ್ನು ಚಿತ್ರರಂಗದಲ್ಲಿ ಪೂರೈಸಿರುವ ಹಿನ್ನಲೆಯಲ್ಲಿ ಗುರುಕಿರಣ್ ನಿಮ್ಮ 'ಫಿಲ್ಮಿಬೀಟ್ ಕನ್ನಡ'ಕ್ಕೆ ಸಂದರ್ಶನ ನೀಡಿದ್ದಾರೆ. ಆ ಪೂರ್ಣ ಸಂದರ್ಶನ ಓದಲು ಈ ಲಿಂಕ್ ಕ್ಲಿಕ್ಕಿಸಿ.

20 ವರ್ಷ ಪೂರೈಸಿರುವ ಗುರುಕಿರಣ್ ಮುಂದಿನ ಪ್ಲಾನ್ ಬೇರೆಯೇ ಇದೆ !