ಈ ವಾರ ರಿಲೀಸ್‌ಗೆ ರೆಡಿಯಾಗಿರೋ ಸೌತ್ ಸಿನಿಮಾಗಳ ಪಟ್ಟಿ ಇಲ್ಲಿದೆ: ಗುರುಶಿಷ್ಯರಿಗೆ ಹೇಗಿದೆ ಕ್ರೇಜ್?

'ಗುರು ಶಿಷ್ಯರು' ಕ್ರೇಜ್ ಹೇಗಿದೆ?

ಈಗಾಗ್ಲೇ ಕನ್ನಡದಲ್ಲಿ 'ಗುರುಶಿಷ್ಯರು' ಇತಿಹಾಸವನ್ನು ಸೃಷ್ಟಿಸಿದೆ. 'ಗುರುಶಿಷ್ಯರು' ಅಂದರೆ, ಹಳೆಯ ಸಿನಿಮಾನೇ ನೆನಪಾಗುತ್ತೆ. ಬಹಳ ವರ್ಷಗಳ ಬಳಿಕ ಈಗ ಮತ್ತೊಮ್ಮೆ ಇದೇ ಟೈಟಲ್ ಅನ್ನು ಇಟ್ಕೊಂಡು 'ಗುರುಶಿಷ್ಯರು' ಸಿನಿಮಾ ರಿಲೀಸ್ ಆಗುತ್ತಿದೆ. ಶರಣ್ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದು, ಸೆಪ್ಟೆಂಬರ್ 23ಕ್ಕೆ ಈ ಸಿನಿಮಾ ರಿಲೀಸ್ ಆಗುತ್ತಿದೆ. ಗ್ರಾಮೀಣ ಕ್ರೀಡೆ ಖೋ ಖೋವನ್ನು ಆಧರಿಸಿ ಈ ಸಿನಿಮಾದ ಕಥೆಯನ್ನು ಹೆಣೆಯಲಾಗಿದೆ. ಅಲ್ಲದೆ ಗುರು ಮತ್ತು ಶಿಷ್ಯಂದಿರ ನಡುವಿನ ಸಂಬಂಧದ ಬಗ್ಗೆನೂ ಕಥೆಯಿದೆ. ಎಲ್ಲಕ್ಕಿಂತ ಹೆಚ್ಚಾಗಿ ಶರಣ್ ಇಲ್ಲಿ ಪಿಟಿ ಮಾಸ್ಟರ್ ಆಗಿ ಕಾಣಿಸಿಕೊಳ್ಳುತ್ತಿದ್ದಾರೆ.

'ಮಾದೇವ'ನ ಅಂಗಳಕ್ಕೆ ಖಡಕ್​ ವಿಲನ್: ಮರಿ ಟೈಗರ್​ ಎದುರು ಕಿಟ್ಟಿ ಘರ್ಜನೆ

ಕನ್ನಡದಲ್ಲಿ ಒಟ್ಟು 4 ಸಿನಿಮಾ ರಿಲೀಸ್

'ಗುರುಶಿಷ್ಯ'ರೊಂದಿಗೆ ಕನ್ನಡದಲ್ಲಿ ಇನ್ನೂ ಮೂರು ಸಿನಿಮಾಗಳು ರಿಲೀಸ್ ಆಗುತ್ತಿವೆ. ಸ್ಟಾರ್ ನಟ ಶರಣ್ ಸಿನಿಮಾ ಸಹಜವಾಗಿಯೇ ಹೈಲೈಟ್ ಆಗಿದೆ. ಸಿನಿಮಾ ತಂಡ ಕೂಡ ಭರ್ಜರಿಯಾಗಿಯೇ ಪ್ರಚಾರವನ್ನು ಆರಂಭಿಸಿದೆ. ಇದರೊಂದಿಗೆ 'ಸ್ವಚ್ಚ ಕರ್ನಾಟಕ', 'ರಾಜ ರಾಣಿ ರೋರರ್ ರಾಕೆಟ್' ಹಾಗೂ 'ಧಮ್' ಅನ್ನೋ ಕನ್ನಡ ಸಿನಿಮಾಗಳೂ ಕೂಡ ಬಿಡುಗಡೆಗೆ ಸಜ್ಜಾಗಿ ನಿಂತಿವೆ. ದಸಾರ ಹಬ್ಬಕ್ಕೂ ಒಂದು ವಾರಕ್ಕೂ ಮುನ್ನ ಸಿನಿಮಾ ರಿಲೀಸ್ ಆಗುತ್ತಿದ್ದು ಪ್ರತಿಕ್ರಿಯೆ ಹೇಗಿರುತ್ತೆ? ಅನ್ನೋ ಕುತೂಹಲವಿದೆ.

6 ಟಾಲಿವುಡ್‌ ಸಿನಿಮಾ ರಿಲೀಸ್

ಕನ್ನಡದಲ್ಲಿ ನಾಲ್ಕು ಸಿನಿಮಾಗಳು ರಿಲೀಸ್ ಆಗಿದ್ದರೆ, ತೆಲುಗಿನಲ್ಲಿ 6 ಸಿನಿಮಾಗಳು ರಿಲೀಸ್ ಆಗುತ್ತಿವೆ. 'ಪಗ ಪಗ ಪಗ' ಈ ಸಿನಿಮಾ ಸೆಪ್ಟೆಂಬರ್ 22ಕ್ಕೆ ಬಿಡುಗಡೆಯಾಗುತ್ತಿದೆ. 'ಕೃಷ್ಣ ವೃಂಧ ವಿಹಾರಿ', 'ದೊಂಗಲುನ್ನಾರು ಜಾಗೃತ', 'ಅಲ್ಲುರಿ', 'ಸರವಂ ಸಿದ್ಧಂ', 'ಗುರುತುಂದಾ ಸೀತಾಕಾಲಂ', ಸಿನಿಮಾಗಳಉ ಸೆಪ್ಟೆಂಬರ್ 23ರಂದು ಆಂಧ್ರ ಹಾಗೂ ತೆಲಂಗಾಣದಲ್ಲಿ ಗ್ರ್ಯಾಂಡ್ ಆಗಿ ರಿಲೀಸ್ ಆಗುತ್ತಿದೆ.

'ಅಭಿಮಾನಿದೇವೋಭವ' ಎಂದ ಉಪೇಂದ್ರ ಅಭಿಮಾನಿಗಳ ಕ್ಷಮೆ ಕೇಳಿದ್ಯಾಕೆ?

ತಮಿಳು, ತೆಲುಗಿನಲ್ಲೂ ಸಿನಿಮಾ ರಿಲೀಸ್

ತಮಿಳಿನಲ್ಲಿ ಸುಮಾರು 8 ಸಿನಿಮಾಗಳು ರಿಲೀಸ್ ಆಗುತ್ತಿವೆ. ಇವುಗಳಲ್ಲಿ ಬಾಲಿವುಡ್‌ ಬಾಕ್ಸಾಫೀಸ್‌ನಲ್ಲಿ ಸದ್ದು ಮಾಡಿದ್ದ ತೆಲುಗು ಸಿನಿಮಾ 'ಕಾರ್ತಿಕೇಯ 2' ಕೂಡ ತಮಿಳಿಗೆ ಡಬ್ ಆಗಿ ರಿಲೀಸ್ ಆಗುತ್ತಿದೆ. ಇದು ಬಿಟ್ಟರೆ ಉಳಿದಿದ್ದೆಲ್ಲಾ ಚಿಕ್ಕ ಪುಟ್ಟ ಸಿನಿಮಾಗಳೇ. ಹಾಗೇ ಮಲಯಾಳಂನಲ್ಲೂ 6 ಸಿನಿಮಾ ರಿಲೀಸ್ ಆಗಲಿದ್ದು, 'ಚಟ್ಟಂಬಿ', 'ವೆಲ್ಲಾರಿ ಪಟ್ಟಣಂ', 'ಒರ್ಮಕಲಿಲ್', 'ಕೊಶಿಚ್ಯಂಟೆ ಪರಂಬು', 'ಕರ್ಮಸಾಗರಂ' ಜೊತೆ 'ಕಾರ್ತಿಕೇಯ 2' ಮಲಯಾಳಂ ಡಬ್ಬಿಂಗ್ ಸಿನಿಮಾ ಬಿಡುಗಡೆಯಾಗುತ್ತಿದೆ.