ಅತಿಹೆಚ್ಚು ಬಾರಿ ಫಿಲ್ಮ್‌ಫೇರ್ ಗೆದ್ದ ಕನ್ನಡ ನಟ ಯಾರು? ಸಮನಾಗಿ ಗೆದ್ದ ಅನಂತ್‌ನಾಗ್, ಅಪ್ಪುಗೆ ದ್ವಿತೀಯ ಸ್ಥಾನ!

ಅತಿಹೆಚ್ಚು ಬಾರಿ ಫಿಲ್ಮ್‌ಫೇರ್ ಪಡೆದ ಕನ್ನಡ ನಟರು

1. ವರನಟ ಡಾ. ರಾಜ್‌ಕುಮಾರ್ - 8 ಬಾರಿ

2. ಅನಂತ್‌ನಾಗ್ ಹಾಗೂ ಪುನೀತ್ ರಾಜ್‌ಕುಮಾರ್ - 6 ಬಾರಿ

3. ಶಿವರಾಜ್‌ಕುಮಾರ್ ಹಾಗೂ ವಿಷ್ಣುವರ್ಧನ್ - 4 ಬಾರಿ

4. ಕಿಚ್ಚ ಸುದೀಪ್ - 3 ಬಾರಿ

5. ಲೋಕೇಶ್, ಗಣೇಶ್, ರಮೇಶ್ ಅರವಿಂದ್, ನೆನಪಿರಲಿ ಪ್ರೇಮ್ ಹಾಗೂ ಯಶ್ - 2 ಬಾರಿ

ಅತಿಹೆಚ್ಚು ಬಾರಿ ಪ್ರಶಸ್ತಿ ಗೆದ್ದದ್ದು ರಾಜ್!

ಕನ್ನಡದ ಪರ ಅತಿಹೆಚ್ಚು ಬಾರಿ ಫಿಲ್ಮ್‌ಫೇರ್ ಪ್ರಶಸ್ತಿ ಪಡೆದ ನಟ ಎಂಬ ದಾಖಲೆ ಹೊಂದಿರುವುದು ಡಾ. ರಾಜ್‌ಕುಮಾರ್. ಅಣ್ಣಾವ್ರು ಇಲ್ಲಿಯವರೆಗೂ ಒಟ್ಟು 8 ಬಾರಿ ಫಿಲ್ಮ್‌ಫೇರ್ ಪ್ರಶಸ್ತಿ ಪಡೆಯುವುದರ ಮೂಲಕ ಈ ದಾಖಲೆಯನ್ನು ಬರೆದಿದ್ದಾರೆ. ರಾಜ್‌ಕುಮಾರ್ ಪ್ರಶಸ್ತಿಯನ್ನು ಗೆದ್ದಿರುವುದು ಈ ಚಿತ್ರಗಳ ಅಭಿನಯಕ್ಕಾಗಿ: ಗಂಧದ ಗುಡಿ, ಮಯೂರ, ಶಂಕರ್ ಗುರು, ಕೆರಳಿದ ಸಿಂಹ, ಶ್ರಾವಣ ಬಂತು, ಅದೇ ಕಣ್ಣು, ಭಾಗ್ಯದ ಲಕ್ಷ್ಮಿ ಬಾರಮ್ಮ ಮತ್ತು ಆಕಸ್ಮಿಕ.

ಪುನೀತ್ ರಾಜ್‌ಕುಮಾರ್, ಅನಂತ್‌ನಾಗ್ ಆರು ಬಾರಿ

ಅನಂತ್‌ನಾಗ್ ಆರು ಬಾರಿ ಫಿಲ್ಮ್‌ಫೇರ್ ಅತ್ಯುತ್ತಮ ನಾಯಕ ನಟ ಪ್ರಶಸ್ತಿಯನ್ನು ಪಡೆದಿದ್ದರೆ, ಪುನೀತ್ ರಾಜ್‌ಕುಮಾರ್ ಐದು ಬಾರಿ ಅತ್ಯುತ್ತಮ ನಟ ಹಾಗೂ ಒಂದು ಬಾರಿ ಫಿಲ್ಮ್‌ಫೇರ್ ಲೈಫ್‌ಟೈಮ್ ಅಚೀವ್‌ಮೆಂಟ್ ಪ್ರಶಸ್ತಿಯನ್ನು ಮುಡಿಗೇರಿಸಿಕೊಂಡಿದ್ದಾರೆ. ಪುನೀತ್‌ ರಾಜ್‌ಕುಮಾರ್ ಬೆಟ್ಟದ ಹೂವು, ಅರಸು, ಹುಡುಗರು, ರಣವಿಕ್ರಮ ಹಾಗೂ ರಾಜಕುಮಾರ ಚಿತ್ರಗಳಿಗಾಗಿ ಅತ್ಯುತ್ತಮ ನಟ ಪ್ರಶಸ್ತಿ ಪಡೆದಿದ್ದಾರೆ ಹಾಗೂ ಈ ವರ್ಷ ಜೀವಮಾನ ಶ್ರೇಷ್ಟ ಸಾಧನೆ ಪ್ರಶಸ್ತಿ ಪಡೆದಿದ್ದಾರೆ. ಈ ಮೂಲಕ ಅಪ್ಪು ಹಾಗೂ ಅನಂತ್‌ನಾಗ್ ಆರು ಬಾರಿ ಫಿಲ್ಮ್‌ಫೇರ್ ಗೆಲ್ಲುವ ಮೂಲಕ ದ್ವಿತೀಯ ಸ್ಥಾನದಲ್ಲಿದ್ದಾರೆ.