ಪುನೀತ್ ಹುಟ್ಟುಹಬ್ಬಕ್ಕೆ ಕಾದಿವೆ ನಾಲ್ಕು ಉಡುಗೊರೆಗಳು, ಏನವು?

'ಜೇಮ್ಸ್' ಚಿತ್ರದ ಮೋಷನ್ ಪೋಸ್ಟರ್

ಪವರ್ ಸ್ಟಾರ್ ಸದ್ಯ 'ಯುವರತ್ನ' ಚಿತ್ರದಲ್ಲಿ ಅಭಿನಯಿಸುತ್ತಿದ್ದಾರೆ. ಇದರ ಜೊತೆಗೆನೇ 'ಜೇಮ್ಸ್' ಚಿತ್ರಕ್ಕೂ ಸಹ ಗ್ರೀನ್ ಸಿಗ್ನಲ್ ನೀಡಿದ್ದಾರೆ. ನಿರ್ದೇಶಕ ಭರ್ಜರಿ ಚೇತನ್ ನಿರ್ದೇಶನದಲ್ಲಿ ಮೂಡಿಬರುತ್ತಿರುವ 'ಜೇಮ್ಸ್' ಚಿತ್ರದ ಮೊದಲ ಮೋಷನ್ ಪೋಸ್ಟರ್ ಪುನೀತ್ ಹುಟ್ಟು ಹಬ್ಬದ ದಿನ ರಿಲೀಸ್ ಆಗುತ್ತಿದೆ. ಚೇತನ್ ಮೊದಲ ಬಾರಿಗೆ ಪವರ್ ಸ್ಟಾರ್ ಚಿತ್ರಕ್ಕೆ ಆಕ್ಷನ್ ಕಟ್ ಹೇಳುತ್ತಿದ್ದಾರೆ. ತಮ್ಮ ಮೊದಲ ಚಿತ್ರದ ಮೊದಲ ಮೋಷನ್ ಪೋಸ್ಟರ್ ಅನ್ನು ಪುನೀತ್ ಹುಟ್ಟುಹಬ್ಬಕ್ಕೆ ರಿಲೀಸ್ ಮಾಡುತ್ತಿದ್ದಾರೆ ಚೇತನ್. ಅಂದ್ಹಾಗೆ ಚೇತನ್ ಸದ್ಯ 'ಭರಾಟೆ' ಚಿತ್ರದಲ್ಲಿ ಬ್ಯುಸಿಯಾಗಿದ್ದಾರೆ. 'ಭರಾಟೆ' ಮುಗಿದ ಬಳಿಕ 'ಜೇಮ್ಸ್' ಕೈಗೆತ್ತಿಕೊಳ್ಳಲಿದ್ದಾರೆ.

'ಯುವರತ್ನ' ಫಸ್ಟ್ ಲುಕ್ ರಿಲೀಸ್ ಆಗಲಿದೆ

ಈಗಾಗಲೇ ಭಾರಿ ಕುತೂಹಲ ಮೂಡಿಸಿರುವ 'ಯುವರತ್ನ' ಚಿತ್ರದ ಕಡೆಯಿಂದ ಫಸ್ಟ್ ಲುಕ್ ರಿಲೀಸ್ ಆಗಲಿದೆ. ಸದ್ಯ ಅಪ್ಪು 'ಯುವರತ್ನ' ಚಿತ್ರದ ಚಿತ್ರೀಕರಣದಲ್ಲಿ ಬ್ಯುಸಿಯಾಗಿದ್ದಾರೆ. ಚಿತ್ರಕ್ಕೆ ಸಂತೋಷ್ ಆನಂದ್ ರಾಮ್ ನಿರ್ದೇಶನ ಮಾಡುತ್ತಿದ್ದಾರೆ. 'ರಾಜಕುಮಾರ' ಚಿತ್ರದ ಸಕ್ಸಸ್ ನ ನಂತರ ಈ ಜೋಡಿಯ ಮೇಲಿನ ನಿರೀಕ್ಷೆ ದುಪ್ಪಟ್ಟಾಗಿದೆ. ಹಾಗಾಗಿ, 'ಯುವರತ್ನ' ಚಿತ್ರದ ಮೊದಲ ಲುಕ್ ಕುತೂಹಲ ಮೂಡಿಸಿದೆ.

'ನಟ ಸಾರ್ವಭೌಮ' ಚಿತ್ರತಂಡದಿಂದ ಹೊಸ ಹಾಡು

ಪುನೀತ್ ಉತ್ಸವದಲ್ಲಿ ನಿರ್ದೇಶಕ ಪವನ್ ಒಡೆಯರ್ ಕೂಡ ಭಾಗಿಯಾಗುತ್ತಿದ್ದಾರೆ. ದೊಡ್ಮನೆ ಹುಡುಗನಿಗೆ ಹಾಡಿನ ಉಡುಗೊರೆ ನೀಡುವ ಮೂಲಕ ವಿಶೇಷವಾಗಿ ಶುಭ ಕೋರುತ್ತಿದ್ದಾರೆ. ಈಗಾಗಲೇ 'ನಟ ಸಾರ್ವಭೌಮ' ಚಿತ್ರದ ಟೈಟಲ್ ಟ್ರ್ಯಾಕ್ ಅಭಿಮಾನಿಗಳ ಮನಗೆದ್ದಿದೆ. ಇದೇ ಹಾಡಿಗೆ ಹೊಸ ಲಿರಿಕ್ಸ್ ಸೇರಿಸಿ ವಿಶೇಷವಾದ ಹಾಡೊಂದನ್ನು ತಯಾರಿಸುತ್ತಿದ್ದಾರೆ. ಈ ಹಾಡಿನಲ್ಲಿ ಅಪ್ಪು ಇದುವರೆಗೂ ಅಭಿನಯಿಸಿದ ಸಿನಿಮಾಗಳ ಬಗ್ಗೆ ಇರಲಿದಯಂತೆ. 'ಆಕಾಶದಿ ಅಭಿಯಾಗಿ ಕನ್ನಡ ಪೃಥ್ವಿಗೆ ನೀ ಅರಸು, ಅಣ್ಣಬಾಂಡ್ ದೊಡ್ಮನೆ ಹುಡುಗನ ನಾನ್ ಸ್ಟಾಪ್ ಸ್ಟೆಪ್' ಸಾಲುಗಳಿಂದ ಪ್ರಾರಂಭವಾಗುವ ಹಾಡನ್ನು ರೆಡಿ ಮಾಡಿದ್ದು ಈ ಹಾಡನ್ನು ತಮಿಳು ಗಾಯಕನ ಕೈಯಲ್ಲಿ ಹಾಡಿಸಲಿದ್ದಾರೆ.

ಯುವ ರತ್ನೋತ್ಸವಕ್ಕೆ ಆಶಿಕಾ ಚಾಲನೆ

ನಟಿ ಆಶಿಕಾ ರಂಗನಾಥ್ ಅಪ್ಪು ಹುಟ್ಟುಹಬ್ಬದ ಪ್ರಯುಕ್ತ ಪುನೀತ್ ರಾಜ್ ಕುಮಾರ್ ಅವರ ಕಾಮನ್ ಡಿ ಪಿ ರಿಲೀಸ್ ಮಾಡಿದ್ದಾರೆ. ಈ ಫೋಟೊದಲ್ಲಿ ರಾಜರತ್ನೋತ್ಸವ ಅನ್ನೊ ಟೈಟಲ್ ಕೂಡ ಇದೆ. ಈಗಾಗಲೇ ರಾಜರತ್ನೋತ್ಸವ ಪ್ರಾರಂಭವಾಗಿದ್ದು, ಈ ಫೋಟೊವನ್ನು ಅಭಿಮಾನಿಗಳು ತಮ್ಮ ಮೊಬೈಲ್, ವಾಟ್ಸಾಪ್, ಫೇಸ್ ಬುಕ್ ನಲ್ಲಿ ಹಾಕಿಕೊಂಡು ಸಂಭ್ರಮಿಸುತ್ತಿದ್ದಾರೆ.