ಅಕ್ಟೋಬರ್ 16ಕ್ಕೆ ಮತ್ತೆ 'ಲವ್ ಮೋಕ್ಟೆಲ್' ಸಿನಿಮಾ ಬಿಡುಗಡೆ

ಜನವರಿ 31 ರಂದು ಲವ್ ಮೋಕ್ಟೆಲ್ ಬಿಡುಗಡೆ ಆಗಿತ್ತು

ಜನವರಿ 31 ರಂದು ಲವ್ ಮೋಕ್ಟೆಲ್ ಸಿನಿಮಾ ಚಿತ್ರಮಂದಿರಗಳಲ್ಲಿ ಬಿಡುಗಡೆ ಕಂಡಿತ್ತು. ಉತ್ತಮ ವಿಮರ್ಶೆಗಳೇ ಸಿನಿಮಾಕ್ಕೆ ಬಂದಿತ್ತು. ಸಿನಿಮಾ ಸಾಧಾರಣ ಹಿಟ್ ಸಹ ಆಗಿತ್ತು. ಆದರೆ ಆ ನಂತರ ಲಾಕ್‌ಡೌನ್ ಬಂದ ಕಾರಣ ಲವ್ ಮಾಕ್ಟೆಲ್ ಹೆಚ್ಚು ಕಾಲ ಚಿತ್ರಮಂದಿರದಲ್ಲಿರಲಾಗಲಿಲ್ಲ.

ಅಮೆಜಾನ್ ಪ್ರೈಂ ನಲ್ಲಿ ಸಖತ್ ಹಿಟ್ ಆಗಿದ್ದ ಸಿನಿಮಾ

ನಂತರ ಲವ್ ಮಾಕ್ಟೆಲ್ ಅನ್ನು ಅಮೆಜಾನ್ ಪ್ರೈಂ ನಲ್ಲಿ ಬಿಡುಗಡೆ ಮಾಡಲಾಯಿತು. ಅಮೆಜಾನ್ ಪ್ರೈಂ ನಲ್ಲಿ ಸಿನಿಮಾವನ್ನು ಲಕ್ಷಾಂತರ ಮಂದಿ ನೋಡಿ ಬಹುವಾಗಿ ಮೆಚ್ಚಿಕೊಂಡಿದ್ದರು. ಸಿನಿಮಾವನ್ನು ಮರು ಬಿಡುಗಡೆ ಮಾಡುವಂತೆ ಆಗಲೇ ಒತ್ತಾಯ ಬಂದಿತ್ತು. ಅದರಂತೆ ಈಗ ಲವ್ ಮೋಕ್ಟೆಲ್ ಸಿನಿಮಾ ಮರು ಬಿಡುಗಡೆ ಆಗುತ್ತಿದೆ.

ದಿಯಾ ಸಿನಿಮಾವನ್ನೂ ಮರು ಬಿಡುಗಡೆ ಮಾಡುತ್ತಾರಾ?

ಲವ್ ಮೋಕ್ಟೆಲ್ ನಂತೆ ದಿಯಾ ಸಿನಿಮಾ ಸಹ ಅಮೆಜಾನ್ ಪ್ರೈಂ ನಲ್ಲಿ ಸಖತ್ ಹಿಟ್ ಎನಿಸಿಕೊಂಡಿತ್ತು. ಅದನ್ನೂ ಸಹ ಮರು ಬಿಡುಗಡೆಗೆ ಒತ್ತಾಯಿಸಲಾಗಿತ್ತು. ದಿಯಾ ಸಿನಿಮಾವನ್ನೂ ಸಹ ಮರು ಬಿಡುಗಡೆ ಮಾಡಲಾಗುತ್ತದೆಯೇ ಕಾದು ನೋಡಬೇಕಿದೆ.

Recommended Video

ಅಲೆಗಳನ್ನು ಯಾರು ತಡೆಯಲು ಆಗುವುದಿಲ್ಲ ಎಂದು Yash | Filmibeat Kannada

ಸ್ಟಾರ್ ನಟರ ಸಿನಿಮಾಗಳ ಬಿಡುಗಡೆ ಇಲ್ಲ

ಚಿತ್ರಮಂದಿರಗಳಲ್ಲಿ 50% ಪ್ರೇಕ್ಷಕರಿಗೆ ಮಾತ್ರವೇ ಅವಕಾಶ ಕೊಟ್ಟಿರುವ ಕಾರಣ ಹಲವು ಸ್ಟಾರ್ ನಟರ ಸಿನಿಮಾಗಳು ಬಿಡುಗಡೆ ಆಗುತ್ತಿಲ್ಲ. ಹಾಗಾಗಿ ಈಗಾಗಲೇ ಹಿಟ್ ಆಗಿರುವ, ಅಥವಾ ಲಾಕ್‌ಡೌನ್‌ ಗೆ ಕೆಲ ವಾರದ ಮುಂಚೆ ಬಿಡುಗಡೆ ಆದ ಸಿನಿಮಾಗಳನ್ನು ಮರು ಬಿಡುಗಡೆ ಮಾಡಲಾಗುತ್ತಿದೆ.