ವಿಡಿಯೋ : ಗಜಗಳ ಪಳಗಿಸೋ ಭುಜಬಲದ 'ಮದಗಜ'

ಒಂದು ಪೋಸ್ಟರ್ ಮೂಲಕವೇ ಒಂದಷ್ಟು ಕುತೂಹಲವನ್ನು ಹುಟ್ಟುಹಾಕಿದ್ದ ಸಿನಿಮಾ 'ಮದಗಜ'. ಶ್ರೀಮುರಳಿ ನಟನೆಯ ಈ ಸಿನಿಮಾದ ಮೋಷನ್ ಪೋಸ್ಟರ್ ಇಂದು ಗಣರಾಜ್ಯೋತ್ಸವದ ವಿಶೇಷವಾಗಿ ಬಿಡುಗಡೆಯಾಗಿದೆ.

1:40 ಸೆಕೆಂಡ್ ನ ಮೋಷನ್ ಪೋಸ್ಟರ್ ಟೀಸರ್ ಖದರಾಗಿದೆ. ಗಜಗಳ ಪಳಗಿಸೋ ಭುಜಬಲದ 'ಮದಗಜ'ನ ಸಾಮರ್ಥ್ಯವನ್ನು ಇಲ್ಲಿ ವಿವರಿಸಿದ್ದಾರೆ. ಚೇತನ್ ಕುಮಾರ್ ಬರೆದಿರುವ ಸಾಲುಗಳು ಈ ಟೀಸರ್ ನ ಹೈಲೆಟ್ ಆಗಿದೆ.

ಚೇತನ್ ಈ ಸಾಲುಗಳನ್ನು ತಾಯಿ ಚಾಮುಂಡೇಶ್ವರಿ ಮುಂದೆ ಕುಳಿತು ಬರೆದಿದ್ದು ಎನ್ನುವುದು ಮತ್ತೊಂದು ವಿಶೇಷ. ಅರ್ಜುನ್ ಜನ್ಯ ಮ್ಯೂಸಿಕ್ ಜೊತೆಗೆ ಬಂದಿರುವ ಮೋಷನ್ ಪೋಸ್ಟರ್ ಟೀಸರ್ ಗಮನ ಸೆಳೆಯುತ್ತಿದೆ. ಶ್ರೀಮುರಳಿ ಲುಕ್ ಇಲ್ಲಿಯೂ ಹೆಚ್ಚು ರಿವೀಲ್ ಆಗಿಲ್ಲ.

ಅಂದಹಾಗೆ, 'ಅಯೋಗ್ಯ' ಖ್ಯಾತಿಯ ಮಹೇಶ್ ಗೌಡ ಈ ಸಿನಿಮಾದ ನಿರ್ದೇಶನ ಮಾಡುತ್ತಿದ್ದಾರೆ. 'ಹೆಬ್ಬುಲಿ' ನಿರ್ಮಾಪಕ ಉಮಾಪತಿ ಸಿನಿಮಾಗೆ ಬಂಡವಾಳ ಹಾಕಿದ್ದಾರೆ.