ತೆಲುಗು ನಟ ನಾನಿ ಬಗ್ಗೆ ಶಾಕಿಂಗ್ ಹೇಳಿಕೆ ಕೊಟ್ಟ ನಟಿ ಮಾಧವಿ.!

ಬಲವಂತವಾಗಿ ಕಿಸ್ ಮಾಡಲು ಯತ್ನಿಸಿದ್ದ ನಟ

ಮಾಧವಿ ಲತಾ ಅಭಿನಯಿಸುತ್ತಿದ್ದ ಸಿನಿಮಾ ಚಿತ್ರೀಕರಣ ವೇಳೆ ನಟನೊಬ್ಬ ಬಲವಂತವಾಗಿ ಎಳೆದು ಮುತ್ತಿಡಲು ಯತ್ನಿಸಿದ್ದ ಎಂಬ ವಿಷ್ಯವನ್ನ ಬಹಿರಂಗಪಡಿಸಿದ್ದಾರೆ. ''ಬಿಡುವಿನ ವೇಳೆಯಲ್ಲಿ ನಾಯಕ ಕರೆದ ಅಂತ ಹೇಳಿ ಅವರ ರೂಮಿಗೆ ಹೋಗಿದ್ದೇ. ತುಂಬ ಸಿಗರೇಟ್ ಸೇದುತ್ತಿದ್ದ. ಏನು ಕರೆದಿದ್ದು ಅಂತ ಕೇಳಿದೆ. ಅದಕ್ಕೆ ಆತ ಸುಮ್ಮನೆ ತುಂಬ ದಿನ ಆಯ್ತಲ್ವ ಮಾತನಾಡಿ ಅದಕ್ಕೆ ಎಂದ. ಅದಕ್ಕೆ ಕೆಳಗೆ ಕಾಫಿ ಶಾಪ್ ಗೆ ಬರಬಹುದಿತ್ತು ಅಲ್ವಾ ಅಂದೆ. ಸರಿ ಅಲ್ಲೇ ಹೋಗೋಣ ಬಿಡು ಅಂದ''.....

ಹಿಂದೆಯಿಂದ ಬಂದು ಹಿಡಿದುಕೊಂಡ

''ಸರಿ ನಾನು ಹೋಗ್ತೀನಿ ಅಂತ ಹೇಳಿದೆ. ಅದಕ್ಕೆ ಅವರು ನಾನು ಬಾಗಿಲು ಹತ್ರ ಬರ್ತೀನಿ ಇರು ಅಂತ ಹೇಳಿ ಬಂದ್ರು. ಬಂದ ತಕ್ಷಣ ಹಿಂದೆಯಿಂದ ನನ್ನನ್ನ ಹಿಡ್ಕೊಂಡು ಕಿಸ್ ಮಾಡೋದಕ್ಕೆ ಮುಂದಾದ. ನಾನು ಒದ್ದಾಡಿದೆ. ನಂತರ ಅವನ ಕೈಯಿಂದ ಬಿಡಿಸುಕೊಂಡು ಬಂದೆ. ಆಮೇಲೆ ಸಾರಿ ಸಾರಿ ಅಂದ. ನಾನು ಅಲ್ಲಿಂದ ಬಂದೆ. ಆಮೇಲೆ ಅವರ ಜೊತೆ ಮಾತನಾಡಲೇ ಇಲ್ಲ'' ಎಂದು ಘಟನೆಯನ್ನ ಹಂಚಿಕೊಂಡರು.

ನಾನಿ ಬಗ್ಗೆ ಹೇಳಿದ್ದೇನು.?

ಟಿವಿ ನಿರೂಪಕಿ ಮಾಧವಿ ಲತಾ ಅವರಿಗೆ ''ನೀವು ನಾನಿ ಜೊತೆ ಅಭಿನಯಿಸಿದ್ದೀರಾ, ಅವರ ಬಗ್ಗೆ ಕೇಳಿದ ರೂಮರ್ ಏನು'' ಎಂದು ಕೇಳಿದರು. ಅದಕ್ಕೆ ಮಾಧವಿ ''ನೀವು ಏನೂ ಕೇಳಿದ್ದೀರೋ ನಾನು ಅದೇ ಕೇಳಿದ್ದೀನಿ'' ಅಂದರು. ಜೊತೆಗೆ ''ಸಾಮಾನ್ಯವಾಗಿ ಹೀರೋಗಳ ಬಗ್ಗೆ ರೂಮರ್ ಅಂತ ಕೇಳಿದ್ರೆ, ಅದು ನಟಿಯರ ಬಗ್ಗೆನೇ ಇರುತ್ತೆ. ಸೋ ಇದು ಅಷ್ಟೇ. ಇದು ಕೇವಲ ನಾನಿ ಬಗ್ಗೆ ಮಾತ್ರವಲ್ಲ. ಎಲ್ಲ ನಟರ ಬಗ್ಗೆಯೂ ಇದೆ'' ಎಂದರು. ಆದ್ರೆ, ಆ ರೂಮರ್ ಏನು? ಎಂಬುದರ ಬಗ್ಗೆ ಸ್ಪಷ್ಟ ಮಾಹಿತಿ ನೀಡಿಲ್ಲ.

ಯಾರು ಈ ಮಾಧವಿ ಲತಾ.?

ಮಾಧವಿ ಲತಾ ತೆಲುಗಿನ ಖ್ಯಾತ ನಟಿ. 2007 ರಲ್ಲಿ ಮಹೇಶ್ ಬಾಬು 'ಅತಿಥಿ' ಚಿತ್ರದಲ್ಲಿ ಎಂಟ್ರಿಯಾಗಿದ್ದರು. ನಂತರ 'ನಚ್ಚಾವೇ', 'ಶ್', 'ಸ್ನೇಹಿತಡು', 'ಹುಷಾರು', 'ಅರವಿಂದ್-2', 'ಅಂಬಾಲ' ಅಂತಹ ಚಿತ್ರಗಳಲ್ಲಿ ನಟಿಸಿದ್ದಾರೆ. ಸದ್ಯಕ್ಕೆ ಕಳೆದ ಮೂರು ವರ್ಷಗಳಿಂದ ಯಾವುದೇ ಸಿನಿಮಾದಲ್ಲಿ ಅಭಿನಯಿಸುತ್ತಿಲ್ಲ.