ಫ್ಯಾಂಟಮ್ ಅಪ್‌ಡೇಟ್: ಕಿಚ್ಚನ ಅಭಿಮಾನಿಗಳಿಗೆ ಕಾದಿದೆ ಭರ್ಜರಿ ಸುದ್ದಿ

ಏನಿರಬಹುದು ಅಪ್‌ಡೇಟ್?

ಫ್ಯಾಂಟಮ್ ಚಿತ್ರದ ಯಾವ ವಿಚಾರವನ್ನು ನಿರ್ದೇಶಕರು ಹೇಳಲಿದ್ದಾರೆ ಎಂಬ ಕುತೂಹಲ, ಕಾತುರ ಅಭಿಮಾನಿಗಳಲ್ಲಿ ಕಾಡ್ತಿದೆ. ಸಹಜವಾಗಿ ಚಿತ್ರದ ರಿಲೀಸ್ ದಿನಾಂಕ ಹೇಳಬಹುದಾ ಎಂಬ ನಿರೀಕ್ಷೆ ಹೆಚ್ಚಿದೆ. ಏಕಂದ್ರೆ ಸ್ಟಾರ್ ನಟರ ಸಿನಿಮಾಗಳು ಒಂದೊಂದೆ ಬಿಡುಗಡೆ ದಿನಾಂಕ ಘೋಷಿಸಿ ಡೇಟ್ ಲಾಕ್ ಮಾಡಿಕೊಳ್ಳುತ್ತಿದ್ದಾರೆ. ಈ ನಿಟ್ಟಿನಲ್ಲಿ ಫ್ಯಾಂಟಮ್ ಸಹ ರಿಲೀಸ್ ದಿನಾಂಕ ಘೋಷಿಸಬಹುದು ಎಂಬ ನಿರೀಕ್ಷೆ ಇದೆ.

ಪ್ಯಾನ್ ಇಂಡಿಯಾ ಕುರಿತು ಮಾಹಿತಿ

ಕನ್ನಡ ಸಿನಿಮಾಗಳು ಫ್ಯಾನ್ ಇಂಡಿಯಾ ಭಾಷೆಗಳಲ್ಲಿ ರಿಲೀಸ್ ಆಗುವ ಟ್ರೆಂಡ್ ಹೆಚ್ಚಾಗಿದೆ. ಪೊಗರು, ಯುವರತ್ನ, ರಾಬರ್ಟ್, ಕೆಜಿಎಫ್ ಎಲ್ಲವೂ ಬಹುಭಾಷೆಯಲ್ಲಿ ಬರ್ತಿದೆ. ಈ ನಿಟ್ಟಿನಲ್ಲಿ ಫ್ಯಾಂಟಮ್ ಸಿನಿಮಾ ಸಹ ಬಹುಭಾಷೆಯಲ್ಲಿ ತೆರೆಗೆ ಬರಬಹುದಾ ಎಂಬ ಲೆಕ್ಕಾಚಾರ ಹಾಕಲಾಗುತ್ತಿದೆ.

ಟೈಟಲ್ ಬದಲಾವಣೆ ಇರಬಹುದಾ?

ಫ್ಯಾಂಟಮ್ ಚಿತ್ರದ ಶೀರ್ಷಿಕೆ ವಿವಾದದಲ್ಲಿದೆ ಎಂಬ ಸುದ್ದಿ ಇದೆ. ಫ್ಯಾಂಟಮ್ ಟೈಟಲ್ ಹಕ್ಕು ಬೇರೆ ನಿರ್ಮಾಣ ಸಂಸ್ಥೆ ಬಳಿಯಿದೆ. ಇದು ಅನೂಪ್ ಭಂಡಾರಿಗೆ ಸಿಕ್ಕಿಲ್ಲ. ಹಾಗಾಗಿ, ಚಿತ್ರದ ಟೈಟಲ್ ಬದಲಾವಣೆ ಮಾಡುವ ಕುರಿತು ಚಿತ್ರತಂಡ ನಿರ್ಧರಿಸಿದೆ. ಬಹುಶಃ ಹೊಸ ಟೈಟಲ್ ಘೋಷಣೆ ಮಾಡಬಹುದು ಎನ್ನಲಾಗಿದೆ.

ಫ್ಯಾಂಟಮ್ ಚಿತ್ರದ ಕುರಿತು

ಫ್ಯಾಂಟಮ್ ಸಿನಿಮಾದಲ್ಲಿ ಸುದೀಪ್ ಅವರು ವಿಕ್ರಾಂತ್ ರೋಣ ಎಂಬ ಪೊಲೀಸ್ ಅಧಿಕಾರಿ ಪಾತ್ರದಲ್ಲಿ ನಟಿಸಿದ್ದಾರೆ. ನಿರೂಪ್ ಭಂಡಾರಿ ಸಹ ಚಿತ್ರದ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಜಾಕ್ ಮಂಜು ಈ ಚಿತ್ರಕ್ಕೆ ಬಂಡವಾಳ ಹಾಕಿದ್ದಾರೆ.