ಮಲೆಯಾಳಂ ನಟಿ ಮೇಲೆ ಲೈಂಗಿಕ ದೌರ್ಜನ್ಯ: ಘಟನೆ ಹಿಂದೆ ಖ್ಯಾತನಾಮರ ಕೈವಾಡ.!

ಸುನಿ ಬಾಯ್ಬಿಟ್ಟ ರೋಚಕ ಸಂಗತಿ

ಚಿತ್ರರಂಗದ ಘಟಾನುಘಟಿಗಳು ತನ್ನನ್ನು ಈ ಕೃತ್ಯದಲ್ಲಿ ಬಳಸಿಕೊಂಡಿದ್ದಾರೆ ಎಂದು ಪಲ್ಸರ್ ಸುನಿ, ಜೈಲುಪಾಲಾಗಿರುವ ಮತ್ತೊಬ್ಬ ಅಪರಾಧಿ ಜಿನ್ಸೆ ಎದುರು ಒಪ್ಪಿಕೊಂಡಿದ್ದಾನೆ ಎಂದು ವರದಿ ಆಗಿದೆ.

ಬಾಡಿಗೆಗೆ ಪಡೆದಿದ್ದ 'ಮೆಗಾಸ್ಟಾರ್'

ನಟಿ ಮೇಲೆ ಲೈಂಗಿಕ ದೌರ್ಜನ್ಯವೆಸಗಲು ಚಿತ್ರರಂಗದ 'ಮೆಗಾಸ್ಟಾರ್' ತನ್ನನ್ನು ಬಾಡಿಗೆಗೆ ಪಡೆದಿದ್ದರು ಎಂಬ ಶಾಕಿಂಗ್ ಸಂಗತಿಯನ್ನು ಜಿನ್ಸೆ ಎದುರು ಪಲ್ಸರ್ ಸುನಿ ಹೊರ ಹಾಕಿದ್ದಾನೆ.

ಮಲಯಾಳಂ ನಟಿ ಅತ್ಯಾಚಾರ : ಆ ಮೆಗಾಸ್ಟಾರ್ ಯಾರು?

ವಿಚಾರಣೆ ಸಾಧ್ಯತೆ

ಲೈಂಗಿಕ ದೌರ್ಜನ್ಯ ಎಸೆಗಲು 'ಮೆಗಾಸ್ಟಾರ್' ತನ್ನನ್ನು ಬಾಡಿಗೆಗೆ ಪಡೆದಿದ್ದರೆ, 'ಖ್ಯಾತ ನಿರ್ದೇಶಕ' ಆಕೆಯ ಪ್ರಯಾಣದ ರೂಪುರೇಷೆಗಳನ್ನು ಸಿದ್ದಪಡಿಸಿದ್ದರು ಎಂದು ಪಲ್ಸರ್ ಸುನಿ ಹೇಳಿದ್ದಾನೆ. ಜೊತೆಗೆ, ಆ ಮಲೆಯಾಳಂ ನಟಿ 'ಎಂಗೇಜ್' ಆಗಿದ್ದರಿಂದ, ಪೊಲೀಸ್ ಗೆ ದೂರು ನೀಡುವುದಿಲ್ಲ ಎಂಬ ನಂಬಿಕೆ 'ಆ' ಮೆಗಾಸ್ಟಾರ್ ಗೆ ಇತ್ತು ಎಂದಿದ್ದಾನೆ. ಸುನಿ ಹೇಳಿಕೆಯ ಆಧಾರದ ಮೇಲೆ 'ಮೆಗಾಸ್ಟಾರ್' ಹಾಗೂ 'ಖ್ಯಾತ ನಿರ್ದೇಶಕ'ರನ್ನ ಪೊಲೀಸರು ವಿಚಾರಣೆಗೆ ಒಳಪಡಿಸುವ ಸಾಧ್ಯತೆ ಇದೆ.

ಅಂದು ನಡೆದಿದ್ದೇನು.?

ಫೆಬ್ರವರಿ 17 ರಂದು ರಾತ್ರಿ 9.30 ರ ಸುಮಾರಿಗೆ, ಕೇರಳದ ಕೊಚ್ಚಿ ಇಂದ ತ್ರಿಶೂರ್ ಗೆ ತೆರಳುತ್ತಿದ್ದ ಮಲೆಯಾಳಂ ನಟಿಯನ್ನು ಐದು ಜನ ದುಷ್ಕರ್ಮಿಗಳ ತಂಡ ಅಪಹರಿಸಿ, ಲೈಂಗಿಕ ಕಿರುಕುಳ ನೀಡಿದ್ದರು. ಇಡೀ ಘಟನೆಯನ್ನ ಕ್ಯಾಮೆರಾದಲ್ಲಿ ಚಿತ್ರೀಕರಿಸಿಕೊಂಡು, ಕಾರಿನಲ್ಲಿಯೇ ನಟಿಯನ್ನು ಬಿಟ್ಟು ದುಷ್ಕರ್ಮಿಗಳು ಪರಾರಿಯಾಗಿದ್ದರು. ತದನಂತರ ತಮಗೆ ಪರಿಚಯವಿದ್ದ ನಿರ್ಮಾಪಕರೊಬ್ಬರ ಮನೆಗೆ ತೆರಳಿದ ನಟಿ ಪೊಲೀಸರಿಗೆ ದೂರು ನೀಡಿದ್ದರು.