ನಟಿ ಮೇಘನಾಗೆ ವಿಶ್ ಮಾಡಿದ ಮಲಯಾಳಂ ಸುಂದರಿ ನಜ್ರಿಯಾ ನಜೀಮ್

ನಜ್ರಿಯಾ ಪ್ರೀತಿಯ ವಿಶ್

ಮೇಘನಾ ಮತ್ತು ಚಿರು ಜೊತೆ ನಗುತ್ತಿರುವ ಫೋಟೋ ಜೊತೆಗೆ 'ಹುಟ್ಟುಹಬ್ಬದ ಶುಭಾಶಯಗಳು ಸಹೋದರಿ, ಲವ್ ಯೂ ಲಾಂಗ್' ಎಂದು ಬರೆದುಕೊಂಡಿದ್ದಾರೆ. ನಜ್ರಿಯಾ ಪೋಸ್ಟ್ ಗೆ ಮೇಘನಾ ಪ್ರತಿಕ್ರಿಯೆ ನೀಡಿ, 'ಮೈ ಬೇಬಿ ಗರ್ಲ್, ಧನ್ಯವಾದಗಳು. ಲವ್ ಯೂ ಲಾಂಗ್ ಟೈಂ' ಎಂದು ಹೇಳಿದ್ದಾರೆ.

ಅಭಿಮಾನಿಗಳ ಪ್ರೀತಿಯ ಕಾಮೆಂಟ್

ಈ ಪೋಸ್ಟ್ ಗೆ ಅಭಿಮಾನಿಗಳಿಂದ ಭಾರಿ ಮೆಚ್ಚುಗೆ ವ್ಯಕ್ತವಾಗುತ್ತಿದೆ. ಅಭಿಮಾನಿಗಳು ಕಾಮೆಂಟ್ ಮಾಡಿ ಹಾರ್ಟ್ ಇಮೋಜಿ ಕಳುಹಿಸುತ್ತಿದ್ದಾರೆ. ನಿರ್ದೇಶಕ ಪನ್ನಗಾಭರಣ ಕೂಡ ಹಾರ್ಟ್ ಇಮೋಜಿ ಹಾಕಿದ್ದಾರೆ. ಮೇಘನಾ ಕನ್ನಡ ಮಾತ್ರವಲ್ಲದೆ ತಮಿಳು, ತೆಲುಗು ಮತ್ತು ಮಲಯಾಳಂ ಸಿನಿಮಾಗಳಲ್ಲೂ ನಟಿಸಿದ್ದಾರೆ. ಮಲಯಾಳಂನಲ್ಲಿ ಮೇಘನಾ ಅಪಾರ ಅಭಿಮಾನಿ ಬಳಗಹೊಂದಿದ್ದಾರೆ.

ಮೇಘನಾ ಮದುವೆ ವಾರ್ಷಿಕೋತ್ಸವ

ಮೇಘನಾ ರಾಜ್ ಜನ್ಮದಿನಕ್ಕೂ ಒಂದು ದಿನ ಮೊದಲು ಮದುವೆ ವಾರ್ಷಿಕೋತ್ಸವ. 2018, ಮೇ 2 ಮೇಘನಾ ಮತ್ತು ಚಿರಂಜೀವಿ ಸರ್ಜಾ ಜೊತೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದರು. 2020ರಲ್ಲಿ ಅಂದರೆ ಮದುವೆಯಾಗಿ ಎರಡು ವರ್ಷದಲ್ಲೇ ಪತಿ ಚಿರಂಜೀವಿ ಸರ್ಜಾ ಬಾರದ ಲೋಕಕ್ಕೆ ಹೊರಟು ಹೋಗಿದ್ದಾರೆ. ಪತಿಯ ಹಠಾತ್ ನಿಧನ ಮೇಘನಾಗೆ ಇನ್ನು ಅರಗಿಸಿಕೊಳ್ಳಲು ಸಾಧ್ಯವಾಗುತ್ತಿಲ್ಲ.

Recommended Video

ಮನ ಮುಟ್ಟುವಂತಿದೆ ಚಿರು ಫೋಟೋ‌ ಮುಂದೆ ಮಗನ ಆಟದ ವಿಡಿಯೋ | Filmibeat Kannada

ಪುತ್ರನ ವಿಡಿಯೋ ಹಂಚಿಕೊಂಡ ಮೇಘನಾ

ಮದುವೆ ವಾರ್ಷಿಕೋತ್ಸವ ಮತ್ತು ಹುಟ್ಟುಹಬ್ಬದ ಸಮಯದಲ್ಲಿ ಮೇಘನಾ ಮುದ್ದಿನ ಮಗ ಜೂ.ಚಿರು ಕ್ಯೂಟ್ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ. ಜೂ.ಚಿರು ಅಪ್ಪ ಚಿರಂಜೀವಿ ಫೋಟೋ ಮುಂದೆ ಆಟವಾಡುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಮುದ್ದಾದ ವಿಡಿಯೋಗೆ ಅಭಿಮಾನಿಗಳಿಂದ ಭಾರಿ ಮೆಚ್ಚುಗೆ ವ್ಯಕ್ತವಾಗಿದೆ.