ಮಂಚು ಮನೋಜ್ ಸಂಸಾರದಲ್ಲಿ ಬಿರುಗಾಳಿ: ಪತ್ನಿಗೆ ವಿಚ್ಛೇದನ ನೀಡಿದ ನಟ

ಟ್ವೀಟ್ ಮಾಡಿರುವ ಮಂಚು ಮನೋಜ್

''ನನ್ನ ವೈಯುಕ್ತಿಕ ಜೀವನದ ಬಹುಮುಖ್ಯ ಸಂಗತಿಯೊಂದನ್ನು ಬಹಿರಂಗ ಪಡಿಸುತ್ತಿದ್ದೇನೆ. ನನ್ನ ವೈವಾಹಿಕ ಜೀವನ ಅಂತ್ಯಗೊಂಡಿದೆ. ವಿಚ್ಛೇದನ ಸಿಕ್ಕಿದೆ. ನಮ್ಮಿಬ್ಬರ ನಡುವೆ ಭಿನ್ನಾಭಿಪ್ರಾಯಗಳಿದ್ದವು. ಹೀಗಾಗಿ ಪರಸ್ಪರ ಪರಾಮರ್ಶೆ ಮಾಡಿಕೊಂಡು ದೂರವಾಗಲು ನಿರ್ಧರಿಸಿದ್ದೇವೆ'' ಎಂದು ಮಂಚು ಮನೋಜ್ ಟ್ವೀಟ್ ಮಾಡಿದ್ದಾರೆ.

ನಿಮ್ಮನ್ನೆಲ್ಲ ರಂಜಿಸುವೆ

''ಮನಸ್ಸು ತಳಮಳಗೊಂಡಿದ್ದ ಪರಿಣಾಮ ನಟನೆ ಹಾಗೂ ಕೆಲಸದ ಬಗ್ಗೆ ಹೆಚ್ಚು ಗಮನ ಕೊಡಲು ಸಾಧ್ಯವಾಗಲಿಲ್ಲ. ಕುಟುಂಬದ ಸಹಾಯದಿಂದಾಗಿ ನಾನು ಈ ಕಷ್ಟದ ಸಮಯವನ್ನು ಎದುರಿಸಿದ್ದೇನೆ. ಇದೀಗ ಮತ್ತೆ ಬಣ್ಣ ಹಚ್ಚಿ, ಉತ್ತಮ ಸಿನಿಮಾಗಳಲ್ಲಿ ಅಭಿನಯಿಸಿ ನಿಮ್ಮನ್ನೆಲ್ಲ ರಂಜಿಸುತ್ತೇನೆ'' ಎಂದಿದ್ದಾರೆ ಮಂಚು ಮನೋಜ್.

ಪ್ರೀತಿಸಿ ಮದುವೆ ಆಗಿದ್ದ ಮಂಜು-ಪ್ರಣತಿ

ಹಾಗ್ನೋಡಿದ್ರೆ, ನಟ ಮಂಚು ಮನೋಜ್ ಮತ್ತು ಪ್ರಣತಿ ರೆಡ್ಡಿ ಪ್ರೀತಿಸಿ ಮದುವೆ ಆಗಿದ್ದರು. 2015 ರಲ್ಲಿ ತಮ್ಮ ಹುಟ್ಟುಹಬ್ಬದಂದೇ ಮಂಜು ಮನೋಜ್, ಪ್ರಣತಿ ರೆಡ್ಡಿ ರವರೊಂದಿಗೆ ಹಸೆಮಣೆ ಏರಿದ್ದರು. ಸೂಪರ್ ಸ್ಟಾರ್ ರಜನಿಕಾಂತ್ ಸೇರಿದಂತೆ ಟಾಲಿವುಡ್, ಕಾಲಿವುಡ್ ನ ಹಲವು ಗಣ್ಯರು ಮಂಚು-ಪ್ರಣತಿ ಮದುವೆಗೆ ಸಾಕ್ಷಿ ಆಗಿದ್ದರು.

ಮಂಚು ಮನೋಜ್ ಕುರಿತು...

ತೆಲುಗಿನ ಖ್ಯಾತ ನಟ ಮೋಹನ್ ಬಾಬು ಮತ್ತು ನಿರ್ಮಲಾ ದೇವಿ ಪುತ್ರ ಮಂಚು ಮನೋಜ್. 2004 ರಲ್ಲಿ 'ದೊಂಗ ದೊಂಗಾಡಿ' ಚಿತ್ರದ ಮೂಲಕ ಸಿನಿ ಪಯಣ ಆರಂಭಿಸಿದ ಮಂಚು ಮನೋಜ್ 'ಬಿಂದಾಸ್', 'ವೇದಂ', 'ಪೋಟುಗಾಡು' ಸೇರಿದಂತೆ ಹಲವು ಹಿಟ್ ಸಿನಿಮಾಗಳಲ್ಲಿ ಅಭಿನಯಿಸಿದ್ದಾರೆ.