ತೆಲುಗು ಚಿತ್ರರಂಗದಿಂದ ಕೇಂದ್ರ ಪತ್ರ: ಪುನೀತ್ ನಮನದಲ್ಲಿ ಮಂಚು ಮನೋಜ್ ಭರವಸೆ

ಪುನೀತ್ ಅಗಲಿಕೆ ಸಹಿಸಿಕೊಳ್ಳಲಾಗಲಿಲ್ಲ: ಮನೋಜ್

''ಪುನೀತ್ ಅಗಲಿದ ಸುದ್ದಿ ನಮಗೆ ತಿಳಿದ ದಿನ ನಮಗೆ ನಂಬಲು ಸಾಧ್ಯವಾಗಲಿಲ್ಲ. ಮನಸ್ಸಿಗೆ ಬಹಳ ಕಷ್ಟವಾಯಿತು. ಅಂದೇ ನಾವು ಬೆಂಗಳೂರಿಗೆ ಹೊರಟು ಬಂದೆವು. ಸಿನಿಮಾಗಳಲ್ಲಿ ಮಾತ್ರವೇ ನಾವು ಫೈಟ್, ಸ್ಟಂಟ್‌ ಮಾಡುತ್ತೇವೆ. ನಿಜ ಜೀವನದಲ್ಲಿ ಇಷ್ಟು ಹತ್ತಿರದ ವ್ಯಕ್ತಿ ದೂರವಾದರೆ ಮನಸ್ಸು ತಡೆದುಕೊಳ್ಳುವುದಿಲ್ಲ'' ಎಂದರು ಮಂಚು ಮನೋಜ್.

''ಭಾರತೀಯ ಚಿತ್ರರಂಗ ಇರುವವರೆಗೆ ಬದುಕಿರುತ್ತೀರಿ''

''ಪುನೀತ್ ಅಣ್ಣ ಇಂದು ಇಲ್ಲಿ ಇಲ್ಲದೇ ಇರಬಹುದು. ಆದರೆ, ಅವರ ಪ್ರೀತಿ, ಅವರ ನಗು, ಅವರ ಯೋಚನೆಗಳು, ಅವರ ಮಂದಹಾಸ ಸದಾ ಹಸಿರಾಗಿರುತ್ತದೆ. ಭಾರತೀಯ ಚಿತ್ರರಂಗ ಇರುವವರೆಗೂ ನೀವು ಬದುಕಿರುತ್ತೀರ. ನಿಮ್ಮ ಪರಿಚಯ ಸಿಕ್ಕ ನಾವು ಪುಣ್ಯವಂತರು. ನೀವು ಮಾಡಿದ ಒಳ್ಳೆಯ ಕಾರ್ಯಗಳು ನಮಗೆ ಮಾದರಿ'' ಎಂದರು.

ನಿಮ್ಮ ಸೇವೆ ಮಾಡಲು ನಾವು ಸಿದ್ಧ: ಮಂಚು ಮನೋಜ್

''ಶಿವಣ್ಣ, ನಾನು ನಿಮ್ಮ ಕಿರಿಯ ತಮ್ಮನಂತೆ ಇರುತ್ತೇನೆ. ನೀವು ಯಾವಾಗ ಕರೆದರೂ ಬರುತ್ತೇನೆ. ನನಗೆ ಒಂದು ಕರೆ ಮಾಡಿ ಸಾಕು. ನಿಮ್ಮ ಸೇವೆ ಮಾಡಲು ನಾವು ಸದಾ ಸಿದ್ಧರಿರುತ್ತೇವೆ. ನೀವು ನಿಮ್ಮ ಕುಟುಂಬ ಮಾಡುವ ಪ್ರತಿಯೊಂದು ಒಳ್ಳೆಯ ಕಾರ್ಯಗಳಲ್ಲಿ ನಾವು ಜೊತೆಯಾಗಿ ನಿಲ್ಲುತ್ತೇವೆ. ಇಡೀ ತೆಲುಗು ಚಿತ್ರರಂಗ ನಿಮ್ಮ ಜೊತೆ ಇರುತ್ತದೆ. ನಿಮ್ಮನ್ನು ನಾವು ಬಹಳ ಪ್ರೀತಿಸುತ್ತೇವೆ. ಪುನೀತ್ ಕುಟುಂಬಕ್ಕೆ ದೇವರು ಹೆಚ್ಚಿನ ಶಕ್ತಿ ನೀಡಲಿ'' ಎಂದಿದ್ದಾರೆ ಮಂಚು ಮನೋಜ್.

ಅಣ್ಣಾವ್ರ ಕುಟುಂಬಕ್ಕೆ ಆತ್ಮೀಯರು ಮೋಹನ್‌ಬಾಬು

ಮಂಚು ಮೋಹನ್‌ಬಾಬು ಕುಟುಂಬಕ್ಕೂ ಡಾ.ರಾಜ್‌ಕುಮಾರ್ ಕುಟುಂಬಕ್ಕೂ ಆತ್ಮೀಯ ಸಂಬಂಧ. ಪುನೀತ್ ನಿಧನರಾದ ದಿನ ಮೋಹನ್‌ಬಾಬು ಹಾಗೂ ಅವರ ಹಿರಿಯ ಪುತ್ರ ಮಂಚು ವಿಷ್ಣು ಬೆಂಗಳೂರಿಗೆ ಬಂದು ಅಂತಿಮ ದರ್ಶನ ಪಡೆದಿದ್ದರು. ಮೋಹನ್‌ಬಾಬು, ಅಂಬರೀಶ್ ಅವರಿಗೂ ಆತ್ಮೀಯ ಗೆಳೆಯರು. ಅಂಬರೀಶ್ ನಿಧನರಾದಾಗ ಅಂಬರೀಶ್ ಮೃತದೇಹದ ಮುಂದೆ ನಿಂತು ಮೋಹನ್‌ಬಾಬು ಬಿಕ್ಕಿ-ಬಿಕ್ಕಿ ಅತ್ತಿದ್ದರು.