ಮಂಗಳೂರು: 79 ವರ್ಷ ಹಳೆಯ ಚಿತ್ರಮಂದಿರ ನೆಲಸಮ

79 ವರ್ಷ ಇತಿಹಾಸವಿದ್ದ ಚಿತ್ರಮಂದಿರ

79 ವರ್ಷ ಇತಿಹಾಸವಿದ್ದ ಮಂಗಳೂರಿನ ಸೆಂಟ್ರಲ್ ಟಾಕೀಸ್ ಇದೀಗ ಧರೆಗುರುಳುತ್ತಿದೆ. ಚಿತ್ರಮಂದಿರವಿದ್ದ ಜಾಗದಲ್ಲಿ ಬೃಹತ್ ಮಾಲ್ ಒಂದು ತಲೆ ಎತ್ತಲಿದೆ. ಹಾಗಾಗಿ ಚಿತ್ರಮಂದಿರವನ್ನು ಕೆಡವಲಾಗುತ್ತಿದೆ. ರಾಜ್ಯದ ಹಳೆಯ ಚಿತ್ರಮಂದಿರಗಳಲ್ಲಿ ಇದೂ ಸಹ ಒಂದು

1941 ರಲ್ಲಿ ನಿರ್ಮಿಸಲಾದ ಚಿತ್ರಮಂದಿರ

ಚಿತ್ರಮಂದಿರದ ಪ್ರಸ್ತುತ ಮಾಲೀಕ ಸುಧೀರ್ ಕಾಮತ್ ಹೇಳುವಂತೆ, ಅವರ ತಂದೆ ಕೆ.ಜನಾರ್ಧನ ಕಾಮತ್ ಅವರು ಸೆಂಟ್ರಲ್ ಟಾಕೀಸ್ ಅನ್ನು 1941 ರಲ್ಲಿ ಸ್ಥಾಪಿಸಿದರಂತೆ. ಆಗ ಆ ಜಾಗಕ್ಕೆ 70 ಪೈಸೆ ಬೆಲೆಇತ್ತಂತೆ.

1975 ರಲ್ಲಿ ನವೀಕರಣಗೊಂಡಿತ್ತು

1975 ರಲ್ಲಿ ನವೀಕರಣಗೊಂಡಿದ್ದ ಈ ಚಿತ್ರಮಂದಿರ ದಶಕಗಳ ಕಾಲ ಮಂಗಳೂರಿಗರಿಗೆ ಸಿನಿಮಾ ನೋಡಲು ಮೊದಲ ಆಯ್ಕೆ ಆಗಿತ್ತು. ಆದರೆ ಮಲ್ಟಿಫ್ಲೆಕ್ಸ್, ಟಿವಿ ಹಾಗೂ ಒಟಿಟಿಗಳ ಹೊಡೆತಕ್ಕೆ ಸಿಕ್ಕು ಕಳೆದ ಒಂದು ವರ್ಷದಿಂದ ಸಿನಿಮಾ ಪ್ರದರ್ಶನ ಸ್ಥಗಿತಗೊಳಿಸಿತ್ತು. ಇದೀಗ ನೆಲಸಮವಾಗುತ್ತಿದೆ.

ತುಳು ಸಿನಿಮಾಗಳು ಸಹ ಪ್ರದರ್ಶನವಾಗುತ್ತಿದ್ದವು

ಮೊದಲಿಗೆ ಹಾಲಿವುಡ್‌, ಬಾಲಿವುಡ್‌ ಸಿನಿಮಾಗಳ ಪ್ರದರ್ಶನಕ್ಕೆ ಹೆಸರುವಾಸಿಯಾಗಿದ್ದ ಸೆಂಟ್ರಲ್ ಟಾಕೀಸ್ ನಂತರ ರಾಜ್‌ಕುಮಾರ್, ವಿಷ್ಣುವರ್ಧನ್ ಅವರ ಸಿನಿಮಾಗಳನ್ನೂ ಪ್ರದರ್ಶಿಸಿದೆ. ಶಿವರಾಜ್ ಕುಮಾರ್,ಸ ಅಪ್ಪು, ದರ್ಶನ್, ಸುದೀಪ್ ಇನ್ನೂ ಹಲವು ಸ್ಟಾರ್ ನಟರ ಸಿನಿಮಾಗಳು ಪ್ರದರ್ಶನಗೊಂಡಿರುವ ಈ ಚಿತ್ರಮಂದಿರದಲ್ಲಿ ತುಳು ಸಿನಿಮಾಗಳೂ ಸಹ ಹಿಟ್ ಆಗಿವೆ.

ವಾಣಿಜ್ಯ ಸಂಕೀರ್ಣ ತೆಲೆ ಎತ್ತಲಿದೆ

ಸೆಂಟ್ರಲ್ ಟಾಕೀಸ್ ನೆಲಸಮಯದ ಬಳಿಕ ಅಲ್ಲಿಯೇ ಒಂದು ದೊಡ್ಡ ವಾಣಿಜ್ಯ ಸಂಕೀರ್ಣ ತಲೆ ಎತ್ತಲಿದೆ ಎನ್ನಲಾಗುತ್ತಿದೆ. ವಾಣಿಜ್ಯ ಸಂಕೀರ್ಣದಲ್ಲಿ ಮಲ್ಟಿಫ್ಲೆಕ್ಸ್ ಇರಲಿದೆಯೇ ಇಲ್ಲವೆ ಎಂಬ ಬಗ್ಗೆ ಮಾಲೀಕರು ಮಾಹಿತಿ ನೀಡಿಲ್ಲ.