'ರಾಜಸ್ಥಾನ್ ಡೈರಿ' ಹುಡುಕುತ್ತಾ ಮರಾಠಿ ಇಂಡಸ್ಟ್ರಿಗೆ ಹೊರಟ ಮಾನ್ವಿತಾ

'ರಾಜಸ್ಥಾನ್ ಡೈರೀಸ್' ಸಿನಿಮಾದಲ್ಲಿ ಮಾನ್ವಿತಾ

ಮಾನ್ವಿತಾ ಹರೀಶ್ ಅಭಿನಯಿಸುತ್ತಿರುವ ಮರಾಠಿ ಚಿತ್ರದ ಹೆಸರು 'ರಾಜಸ್ಥಾನ್ ಡೈರೀಸ್'. ಕನ್ನಡ ಮತ್ತು ಮರಾಠಿ ಎರಡು ಭಾಷೆಯಲ್ಲೂ ತಯಾರಾಗುತ್ತಿದೆ. ಈ ಸಿನಿಮಾದಲ್ಲಿ ಮಾನ್ವಿತಾ ಅವರಿಗೆ ಜೋಡಿಯಾಗಿ ಯುವ ಪ್ರತಿಭೆ ಸುಮುಖ ಅಭಿನಯಿಸುತ್ತಿದ್ದಾರೆ. ಇದೊಂದು ರೋಮ್ಯಾಂಟಿಕ್ ಸಿನಿಮಾವಾಗಿದ್ದು, ನಂದಿತಾ ಯಾದವ್ ನಿರ್ದೇಶನ ಮಾಡ್ತಿದ್ದಾರೆ. ಯುಗಾದಿ ಹಬ್ಬದಿಂದ ಚಿತ್ರೀಕರಣ ಪ್ರಾರಂಭವಾಗಲಿದೆ.

'ದಾರಿ ತಪ್ಪಿದ ಮಗ'ನ ಜೊತೆ ಮಾನ್ವಿತಾ

ಡಾ ರಾಜ್ ಕುಮಾರ್ ಮೊಮ್ಮಗ ಧೀರೆನ್ ರಾಮ್ ಕುಮಾರ್

ಅಭಿನಯಿಸುತ್ತಿರುವ 'ದಾರಿ ತಪ್ಪಿದ ಮಗ' ಚಿತ್ರದಲ್ಲಿ ಮಾನ್ವಿತಾ ನಾಯಕಿಯಾಗಿ ಕಾಣಿಸಿಕೊಂಡಿದ್ದಾರೆ. ಧೀರೆನ್ ಚೊಚ್ಚಲ ಚಿತ್ರದಲ್ಲಿ ಮಾನ್ವಿತಾ ವಿಭಿನ್ನ ಪಾತ್ರದ ಮೂಲಕ ಮಿಂಚಿದ್ದಾರೆ. ಈಗಾಗಲೆ ಟಾಕಿ ಪೋಷನ್ ಮುಗಿಸಿರುವ ಚಿತ್ರತಂಡ ಹಾಡಿನ ಚಿತ್ರೀಕರಣವನ್ನು ಬಾಕಿ ಇಟ್ಟುಕೊಂಡಿದೆ. ಧೀರೆನ್ ರಗಡ್ ಲುಕ್ ನಲ್ಲಿ ಕಾಣಿಸಿಕೊಂಡಿದ್ದು ಧೀರೆನ್ ಅವರ ರಾ ಗೆಟಪ್ ಅಭಿಮಾನಿಗಳ ಕುತೂಹಲ ಹೆಚ್ಚಿಸಿದೆ. ಈ ಚಿತ್ರ ಕೃಷ್ಣ ರುಕ್ಕು ಖ್ಯಾತಿಯ ಅನಿಲ್ ಆಕ್ಷನ್ ಕಟ್ ಹೇಳುತ್ತಿದ್ದಾರೆ.

ಲಂಡನ್ ಪ್ರವಾಸ ಮುಗಿಸಿದ ಮಾನ್ವಿತಾ

'ಲವ್ ಇನ್ ಲಂಡನ್' ಚಿತ್ರದಲ್ಲಿ ಮಾನ್ವಿತಾ ಪ್ರಮುಖ ಪಾತ್ರದಲ್ಲಿ ಮಿಂಚಿದ್ದಾರೆ. 'ಲವ್ ಇನ್ ಲಂಡನ್' ನಾಗತಿಹಳ್ಳಿ ಚಂದ್ರ ಶೇಖರ್ ನಿರ್ದೇಶನದ ಚಿತ್ರ. ಈ ಸಿನಿಮಾದಲ್ಲಿ ನಾಯಕನಾಗಿ ವಸಿಷ್ಠ ಸಿಂಹ ಕಾಣಿಸಿಕೊಂಡಿದ್ದಾರೆ. 'ಟಗರು' ಚಿತ್ರದ ನಂತರ ವಸಿಷ್ಠ ಮತ್ತು ಮಾನ್ವಿತಾ ಈ ಚಿತ್ರದ ಮೂಲಕ ಮತ್ತೆ ಒಟ್ಟಿಗೆ ಕಾಣಿಸಿಕೊಳ್ಳುತ್ತಿದ್ದಾರೆ. ಚಿತ್ರ ಸದ್ಯ ಪೋಸ್ಟ್ ಪ್ರೊಡಕ್ಷನ್ ಕೆಲಸದಲ್ಲಿ ಬ್ಯುಸಿಯಾಗಿದೆ.

ರಿಲ್ಯಾಕ್ಸ್ ಎನ್ನುತ್ತಲೇ ಭಯ ಹುಟ್ಟಿಸಿದ ಮಾನ್ವಿತಾ

'ಟಗರು' ಚಿತ್ರದ ನಂತರ ಮಾನ್ವಿತಾ 'ರಿಲ್ಯಾಕ್ಸ್ ಸತ್ಯಾ' ಚಿತ್ರದಲ್ಲಿ ಕಾಣಿಸಿಕೊಂಡಿದ್ದರು. ಸಿನಿಮಾ ಸೆಟ್ಟೇರಿ ವರ್ಷವೇ ಆದ್ರು ಇನ್ನು ರಿಲೀಸ್ ಆಗಿಲ್ಲ. ಟ್ರೈಲರ್ ಮೂಲಕ ಪ್ರೇಕ್ಷಕರ ಗಮನ ಸಳೆದಿರುವ 'ರಿಲ್ಯಾಕ್ಸ್ ಸತ್ಯ' ಚಿತ್ರಕ್ಕೆ ಅಕಿರಾ ಖ್ಯಾತಿಯ ನಿರ್ದೇಶಕ ನವೀನ್ ರೆಡ್ಡಿ ಅಕ್ಷನ್ ಕಟ್ ಹೇಳಿದ್ದಾರೆ.

ಆರ್ ಜಿ ವಿ ಸಿನಿಮಾ ಏನಾಯಿತು?

ಕನ್ನಡ ಮತ್ತು ಒಂದು ಮರಾಠಿ ಚಿತ್ರಗಳನ್ನು ಮಾಡುತ್ತಾ ಸಾಲು ಸಾಲು ಸಿನಿಮಾಗಳಲ್ಲಿ ಬ್ಯುಸಿ ಇರುವ ಮಾನ್ವಿತಾ ಇದೆಲ್ಲದರ ಜೊತೆಗೆ ತೆಲುಗು ನಿರ್ದೇಶಕ ರಾಮ್ ಗೋಪಾಲ್ ವರ್ಮ ಸಿನಿಮಾದಲ್ಲೂ ಅಭಿನಯಿಸುತ್ತಾರೆ ಎನ್ನುವ ಸುದ್ದಿ ಕೂಡ ಇದೆ. ಆದ್ರೆ, ಮಾನ್ವಿತಾ ಮತ್ತು ಆರ್ ಜಿ ವಿ ಸಿನಿಮಾದ ಬಗ್ಗೆ ಯಾವುದೇ ಮಾಹಿತಿ ಹೊರಬಿದ್ದಿಲ್ಲ.