ಅಂಬೇಡ್ಕರ್ ಭವನದಲ್ಲಿ ಏನಾಯ್ತು ಎಂದು ಪಿನ್ ಟು ಪಿನ್ ಮಾಹಿತಿ ಬಿಚ್ಚಿಟ್ಟ ಮಾರುತಿ ಗೌಡ

ನಮ್ಮ ಅಂಕಲ್ ನ ಕೇಳಿದ್ರು

ದುನಿಯಾ ವಿಜಿ, ಡ್ರೈವರ್ ಪ್ರಸಾದ್, ಬಾಡಿ ಬಿಲ್ಡರ್ ಪ್ರಸಾದ್, ಮಣಿ ಸೇರಿದಂತೆ ಹಲವರು ಇದ್ದರು ಎಂದು ಹೇಳುವ ಮಾರುತಿ ಗೌಡ ''ಬಾಡಿ ಬಿಲ್ಡಿಂಗ್ ಕಾಂಪಿಟೇಶನ್ ವೇಳೆ ವಿಜಿ ಸರ್ ನನ್ನನ್ನು ಕೇಳಿದ್ರು ಕಿಟ್ಟಿ ಎಲ್ಲಿ ಅಂತ. ಬಂದಿಲ್ಲ ಅಂತ ಹೇಳಿದೆ. ಎಲ್ಲಿದ್ದಾನೆ ಅಂದ್ರು, ಗೊತ್ತಿಲ್ಲ ಅಂದೆ. ಆಮೇಲೆ ಅವರೆಲ್ಲರೂ ಹೋದ್ರು. ಸ್ವಲ್ಪ ಹೊತ್ತಿನ ನಂತರ ಹತ್ತು ಜನ ಹುಡುಗರು ಬಂದ್ರು. ನನ್ನನ್ನು ಹೊಡೆದರು'' ಎಂದು ಘಟನೆಯನ್ನ ವಿವರಿಸಿದರು.

ವಿಜಿ ಅವರೇ ಕಾರ್ ಗೆ ಎತ್ತಾಕ್ಕೊಳ್ಳಿ ಅಂದ್ರು

''ಒಳಗಡೆಯಿಂದ ಹೊರಗಡೆವರೆಗೂ ಹೊಡೆದುಕೊಂಡೇ ಕರೆದುಕೊಂಡು ಹೋದರು. ಕಾರ್ ಬಳಿ ವಿಜಿ ಇದ್ದರು. ಇವನ ಕಾರ್ ಗೆ ಎತ್ತಾಕ್ಕೊಳ್ಳಿ ಅಂತ ದುನಿಯಾ ವಿಜಿ ಹೇಳಿದ್ರು. ಡ್ರೈವರ್ ಪ್ರಸಾದ್, ಬಾಡಿ ಬಿಲ್ಡರ್ ಪ್ರಸಾದ್, ವಿಜಿ, ಮಣಿ ಮತ್ತು ವಿಜಿ ಅವರ ಮಗ ಕೂಡ ಕಾರಿನಲ್ಲಿದ್ದರು''

ಅಭಿಮಾನಿಗಳು ಹೊಡೆದ್ರು ಅಂತ ಹೇಳ್ಬೇಕು

''ನಾನು ಹೊಡೆದಿದ್ದು ಅಲ್ಲ, ಅಭಿಮಾನಿಗಳು ಹೊಡೆದ್ರು ಅಂತ ಹೇಳ್ಬೇಕು. ನಾನು ನಿನ್ನ ಕರ್ಕೊಂಡು ಬರ್ತಾ ಇದ್ದೀನಿ ಅಷ್ಟೇ ಅಂತಾ ವಿಜಿ ಹೇಳಿದ್ರು. ನಮ್ಮ ಅಂಕಲ್ ಗೂ ಫೋನ್ ಮಾಡಿದ್ರು. ಸಿಕ್ಕಾಪಟ್ಟೆ ಬೈದ್ರು. ವಿಜಿ ಅವರ ಮಗ ವಿಡಿಯೋ ಮಾಡಿದ್ದು''

ಪೊಲೀಸಿನವರು ಫೋನ್ ಮಾಡಿದ್ರು

ಒಂದೂವರೆ ಗಂಟೆ ಸುತ್ತಾಡಿಸಿದ್ರು. ರಾಜರಾಜೇಶ್ವರಿ ನಗರದ ಬಳಿ ನನಗೆ ಗೊತ್ತಾಯಿತು. ಅಲ್ಲೆ ಬಿಡ್ತಿನಿ ಅಂದ್ರು. ಅಷ್ಟರಲ್ಲೇ ಪೊಲೀಸಿನವರು ಫೋನ್ ಮಾಡಿದರು. ವಿಜಿ ಅವರೇ ಕರ್ಕೊಂಡು ಬರಬೇಕು ಅಂದ್ರು. ಆಮೇಲೆ ಸ್ಟೇಷನ್ ಗೆ ಬಂದಿದ್ದು'' ಎಂದು ನಡೆದ ಘಟನೆಯನ್ನ ವಿಡಿಯೋ ಮೂಲಕ ಹೇಳಿಕೊಂಡಿದ್ದಾರೆ.

ಹಲ್ಲೆ ಮಾಡಿದ್ದು ನಿಜ ಅಂತೆ

ಮಾರುತಿ ಗೌಡ ಅವರ ಹೇಳಿಕೆ ಪ್ರಕಾರ ದುನಿಯಾ ವಿಜಿ, ಪ್ರಸಾದ್, ಪ್ರಸಾದ್ ಡ್ರೈವರ್, ಮಣಿ ಮತ್ತು ವಿಜಿ ಅವರ ಮಗ ಕಾರಿನಲ್ಲಿದ್ದರು. ಒಂದೂವರೆ ಗಂಟೆ ಸುತ್ತಾಡಿಸಿಕೊಂಡು ಹಲ್ಲೆ ಮಾಡಿದ್ರು ಎಂಬುದು ನಿಜವಾಗಿದೆ. ಇಂದು ವಿಜಿ ಮತ್ತು ತಂಡದವರ ಜಾಮೀನು ಅರ್ಜಿಯ ಆದೇಶ ಹೊರಬೀಳಲಿದ್ದು, ಜಾಮೀನು ಸಿಗುತ್ತಾ ಅಥವಾ ಮತ್ತಷ್ಟು ದಿನ ಜೈಲಿನಲ್ಲೇ ಇರ್ಬೇಕಾ ಕಾದುನೋಡಬೇಕಿದೆ.