ವಿಚ್ಛೇದನ, ಲೈಂಗಿಕ ದೌರ್ಜನ್ಯದ ಬಗ್ಗೆ ರಘು ದೀಕ್ಷಿತ್ ಪತ್ನಿ ಮಯೂರಿ ಟ್ವೀಟ್!

ವಿಚ್ಚೇದನದ ವಿಷಯ ಇಲ್ಲಿ ಅನವಶ್ಯಕ.

''ನಮ್ಮ ಮದುವೆ ಮತ್ತು ವಿಚ್ಚೇದನದ ವಿಷಯ ಇಲ್ಲಿ ಅನವಶ್ಯಕ. ನಾನು ಮೊದಲು ಹೆಣ್ಣು, ನಂತರ ಹೆಂಡತಿ. ಒಬ್ಬಸೆಲಿಬ್ರಿಟಿ ಆಗಿರಲಿ, ಆಗಿರದೆ ಇರಲಿ ಪ್ರತಿಯೊಬ್ಬ ಪ್ರಜೆಯ ಗೌರವವೂ ಮುಖ್ಯ. ನನಗೆ ಈ ಘಟನೆಯ ಬಗ್ಗೆ ಸತ್ಯಾಸತ್ಯತೆಗಳೆನೆಂಬುದು ತಿಳಿದಿಲ್ಲ.'' - ಮಯೂರಿ ಉಪಾದ್ಯ, ನೃತ್ಯಗಾರ್ತಿ

ನನ್ನ ನಿಲುವು ಸ್ಪಷ್ಟವಾಗಿದೆ

''ಆದರೆ, ಇಂತಹ ವಿಷಯಗಳ ಬಗ್ಗೆ ಮಾತಾಡಲು, ತುಂಬ ಧೈರ್ಯ ಬೇಕು. ಅದೂ ಸಾಮಾಜಿಕ ಜಾಲತಾಣಗಳಲ್ಲಿಯೇ ಆಗಿರಲಿ ಅವರ ಆ ಧೈರ್ಯ ಮೆಚ್ಚುವಂತದ್ದು. ಒಂದು ವೇಳೆ ಲೈಂಗಿಕ ದೌರ್ಜನ್ಯ ನಡೆದಿದ್ದರೆ ನನ್ನ ನಿಲುವು ಅದರ ಬಗ್ಗೆ ಸ್ಪಷ್ಟವಾಗಿದೆ.'' - ಮಯೂರಿ ಉಪಾದ್ಯ, ನೃತ್ಯಗಾರ್ತಿ

ಗಾಯಕ ರಘು ದೀಕ್ಷಿತ್ - ನಾಟ್ಯ 'ಮಯೂರಿ' ಲವ್ ಸ್ಟೋರಿ ಬಹಿರಂಗ

ಎಲ್ಲ ಸಂತ್ರಸ್ಥತೆಯರಿಗೆ ನನ್ನ ಬೆಂಬಲವಿದೆ

''ಯಾರಿಗೆ ತನ್ನ ನಡೆವಳಿಕೆ ಬಗ್ಗೆ ಪಶ್ಚಾತ್ತಾಪವಿರುತ್ತದೆಯೋ ಅಂತವರಿಗೆ ಶಿಕ್ಷೆ ಆಗಬೇಕು. ಇದರಿಂದ ಬೇರೆ ಗಂಡಸರು ಹೆಣ್ಣಿನ ಗೌರವವನ್ನು ಕುಂದಿಸಲು ಧೈರ್ಯ ಮಾಡುವುದಿಲ್ಲ. ನಾನು ಎಲ್ಲ ಸಂತ್ರಸ್ಥತೆಯರಿಗೆ ನನ್ನ ಬೆಂಬವಿದೆ.'' - ಮಯೂರಿ ಉಪಾದ್ಯ, ನೃತ್ಯಗಾರ್ತಿ

ಹೆಂಡತಿ ಜೊತೆ ನನ್ನ ಸಂಬಂಧ ಚೆನ್ನಾಗಿರಲಿಲ್ಲ

ಇದಕ್ಕೂ ಮುಂಚೆ ಟ್ವೀಟ್ ಮಾಡಿದ್ದ ರಘು ದೀಕ್ಷಿತ್ ''ನನ್ನ ಹೆಂಡತಿ ಮತ್ತು ನನ್ನ ನಡುವಿನ ಸಂಬಂಧ ಅಷ್ಟೊಂದು ಚೆನ್ನಾಗಿರಲಿಲ್ಲ. ನನಗೆ ಒಂದು ಕಂಫರ್ಟ್​ ಬೇಕಾಗಿತ್ತು. ಆ ಕ್ಷಣವನ್ನು ನಾನು ತಪ್ಪಾಗಿ ಅರ್ಥ ಮಾಡಿಕೊಂಡೆ. ಆದರೆ, ಚಿನ್ಮಯಿ ತಮ್ಮ ಪೋಸ್ಟ್​ನಲ್ಲಿ ತಿಳಿಸಿರುವ ಎಲ್ಲ ಅಂಶಗಳನ್ನು ನಾನು ಒಪ್ಪುವುದಿಲ್ಲ. ನಾನೊಬ್ಬ ಭಕ್ಷಕನೇ..? ಖಂಡಿತಾ ಅಲ್ಲ.'' ಎಂದಿದ್ದರು.

ರಘು ದೀಕ್ಷಿತ್ ವೃತ್ತಿ ಬದುಕಿನ ಬಗ್ಗೆ ಯಾರಿಗೂ ಗೊತ್ತಿಲ್ಲದ ಸತ್ಯಗಳು!

ನನ್ನ ಹೆಂಡತಿಗೆ ನಾನು ಕ್ಷಮೆ ಕೇಳುವೆ

'ನನ್ನಿಂದ ದೂರವಾದ ನನ್ನ ಹೆಂಡತಿಗೆ ನಾನು ಕ್ಷಮೆ ಕೇಳುವೆ. ಆಕೆ ನಿಜಕ್ಕೂ ಅದ್ಭುತ ವ್ಯಕ್ತಿ. ಹೃದಯದಿಂದ ಸೌಂದರ್ಯವತಿಯೂ ಹೌದು. ನನ್ನ ಅಭಿಮಾನಿಗಳು, ನನ್ನ ಸಂಗೀತವನ್ನು ಪ್ರೀತಿಸುವ ಮತ್ತು ನನ್ನನ್ನು ಇಷ್ಟಪಡುವ ಎಲ್ಲರಿಗೂ ನಾನು ಕ್ಷಮೆ ಕೇಳುತ್ತೇನೆ. ಮುಂದೊಂದು ದಿನ ಇದನ್ನು ಸರಿಯಾಗುತ್ತದೆ ಎಂಬ ಭರವಸೆ ಇದೆ.'' - ರಘು ದೀಕ್ಷಿತ್, ಸಂಗೀತ ನಿರ್ದೇಶಕ

ಮೂರು ವರ್ಷಗಳಿಂದ ದೂರವಿದ್ದೇನೆ

''ನಾನು ನನ್ನ ಹೆಂಡತಿಗೆ ಒಳ್ಳೆಯ ಗಂಡ ಆಗಿರಲಿಲ್ಲ. ನಾನು ಮೂರು ವರ್ಷಗಳಿಂದ ಆಕೆಯಿಂದ ದೂರವಿದ್ದೇನೆ. ನಾವು ಇನ್ನೇನು ಡೈವೋರ್ಸ್​ ಪ್ರಕ್ರಿಯೆಯನ್ನು ಕೊನೆಯ ಹಂತದಲ್ಲಿ ಇದ್ದೇವೆ. ನನ್ನ ಕಡೆಯಿಂದ ಡೈವೋರ್ಸ್​ ಪ್ರಕ್ರಿಯೆ ಸರಾಗವಾಗಿ ನಡೆಯಲೆಂದು ಕೆಲವು ವೃತ್ತಿಪರ ಸಲಹೆಗಾರರ ಸಂಪರ್ಕವನ್ನು ಪಡೆದಿದ್ದೇನೆ.'' - ರಘು ದೀಕ್ಷಿತ್, ಸಂಗೀತ ನಿರ್ದೇಶಕ