'ನೀರ್ ದೋಸೆ' ಫೋಟೋ ವಿವಾದದ ತೀರ್ಪು : ರಮ್ಯಾಗೆ ಇಲ್ಲಿಯೂ ಸೋಲು

Recommended Video

'ನೀರ್ ದೋಸೆ' ಸಿನಿಮಾ ಅನೇಕ ವಿವಾದಗಳಿಗೆ ಕಾರಣ ಆಗಿತ್ತು. ಅದರಲ್ಲಿ ಒಂದು ವಿವಾದ ನಟಿ ರಮ್ಯಾ ಅವರ ಫೋಟೋ ಗಲಾಟೆ. ಅಂದಹಾಗೆ, ಈ ವಿವಾದ ಈಗ ಅಂತ್ಯವಾಗಿದೆ.

ತನ್ನ ಅನುಮತಿ ಇಲ್ಲದೆ ಚಿತ್ರದ ಕೆಲವು ಫೋಟೋಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದಾರೆ ಎಂದು ಮೂರು ಜನ ಪತ್ರಕರ್ತರ ಮೇಲೆ ನಟಿ ರಮ್ಯಾ ಆರೋಪ ಮಾಡಿದ್ದರು. ಈ ಬಗ್ಗೆ ಇಂದು 1 ನೇ ಎಸಿಎಂಎಂ ಕೋರ್ಟ್ ತೀರ್ಪು ನೀಡಿದ್ದು, ರಮ್ಯಾಗೆ ಇಲ್ಲಿಯೂ ಸೋಲಾಗಿದೆ.

'ನೀರ್ ದೋಸೆ' ಚಿತ್ರದ ಸಮಯದಲ್ಲಿ ನನ್ನ ಕೆಲವು ಫೋಟೋಗಳನ್ನು ತೆಗೆದಿದ್ದು, ಅವು ನನ್ನ ಗೌರವಕ್ಕೆ ಧಕ್ಕೆಯಾಗುವಂತೆ ಮಾಡಿತ್ತು ಎಂದು ರಮ್ಯಾ ಆರೋಪ ಮಾಡಿ ಪೊಲೀಸರಿಗೆ ದೂರು ನೀಡಿದ್ದರು. ಈಗ ಕೋರ್ಟ್ ಆರೋಪವನ್ನು ತಿರಸ್ಕಾರ ಮಾಡಿದೆ.

ಮೊದಲು 'ನೀರ್ ದೊಸೆ' ಸಿನಿಮಾಗೆ ನಾಯಕಿ ಆಗಿದ್ದ ರಮ್ಯಾ ನಂತರ ಕಿರಿಕ್ ಮಾಡಿಕೊಂಡು ಆ ಚಿತ್ರದಿಂದ ಹೊರಬಂದರು. ಬಳಿಕ ಈ ಚಿತ್ರವನ್ನ ಹರಿಪ್ರಿಯಾ ಮುಂದುವರೆಸಿದರು.