'ಖೈದಿ-150' ಚಿತ್ರದ ಸ್ಪೆಷಲ್ ಸಾಂಗ್ ಗೆ 'ಮೆಗಾಸ್ಟಾರ್ ಸ್ಟೆಪ್'

ಸಾಂಗ್ ಶೂಟಿಂಗ್ ನಲ್ಲಿ 'ಖೈದಿ-150'

ಇತ್ತೀಚೀಗೆ 'ಖೈದಿ-150' ಚಿತ್ರದ ಸ್ಪೆಷಲ್ ಸಾಂಗ್ ಶೂಟಿಂಗ್ ಹೈದ್ರಾಬಾದ್ ನಲ್ಲಿ ನಡೆದಿದೆ. ಶೂಟಿಂಗ್ ಸ್ಟಿಲ್ ಗಳು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದ್ದು, ಅಭಿಮಾನಿಗಳಲ್ಲಿ ಕುತೂಹಲ ಹೆಚ್ಚಿಸಿದೆ.

'ಲಕ್ಷ್ಮಿ ರೈ' ಜೊತೆ ಮೆಗಾಸ್ಟಾರ್

ಹೈದ್ರಾಬಾದ್ ನಲ್ಲಿ ನಡೆದ ಸಾಂಗ್ ಶೂಟಿಂಗ್ ನಲ್ಲಿ ಮೆಗಾಸ್ಟಾರ್ ಚಿರಂಜೀವಿ ಜೊತೆ ಸೌತ್ ಸುಂದರಿ ಲಕ್ಷ್ಮಿ ರೈ ಹೆಜ್ಜೆ ಹಾಕಿದ್ದಾರೆ. ಚಿತ್ರದ ಒಂದು ಹಾಡಿಗೆ ಸ್ಪೆಷಲ್ ಸ್ಟೆಪ್ ಹಾಕುತ್ತಿರುವ ಲಕ್ಷ್ಮಿ ರೈ, ಚಿರು ಜೊತೆ ಮಸ್ತ್ ಡ್ಯಾನ್ಸ್ ಮಾಡಿದ್ದಾರೆ.

ಚಿರು ಅಭಿಮಾನಿ 'ಕೊರಿಯೋಗ್ರಫಿ'

'ಖೈದಿ-150' ಚಿತ್ರದ ಈ ಸ್ಪೆಷಲ್ ಸಾಂಗ್ ಗೆ, ಚಿರಂಜೀವಿಯ ಅಪ್ಪಟ ಅಭಿಮಾನಿ ಹಾಗೂ ಖ್ಯಾತ ನಟ, ನಿರ್ದೇಶಕ, ರಾಘವ ಲಾರೇನ್ಸ್ ಕೊರಿಯೋಗ್ರಫಿ ಮಾಡಿದ್ದಾರೆ.

ಡಿ.ಎಸ್.ಪಿ ಬೀಟ್ಸ್

ಮೆಗಾಸ್ಟಾರ್ ಗಾಗಿ ಸಂಗೀತ ನಿರ್ದೇಶಕ ದೇವಿಶ್ರೀ ಪ್ರಸಾದ್ ಸ್ಪೆಷಲ್ ಸಾಂಗ್ ಮಾಡಿದ್ದು, ಸೂಪರ್ ಮ್ಯೂಸಿಕ್ ಕೊಟ್ಟಿದ್ದಾರೆ. 'ರಥಳು ರಥಳು' ಎಂಬ ಹಾಡಿಗೆ ಡಿ.ಎಸ್.ಪಿ ಕಂಪೋಸ್ ಮಾಡಿದ್ದು ಈ ಹಾಡು ಸಖತ್ ಸೌಂಡ್ ಮಾಡಲಿದೆ ಎನ್ನಲಾಗುತ್ತಿದೆ.

ಹೊಸ ಪೋಸ್ಟರ್

ದೀಪಾವಳಿ ಹಬ್ಬದ ವಿಶೇಷವಾಗಿ, 'ಖೈದಿ-150' ಚಿತ್ರದ ಹೊಸ ಪೋಸ್ಟರ್ಗಳನ್ನ ಬಿಡುಗಡೆ ಮಾಡಲಾಗಿದೆ. ಈ ಪೋಸ್ಟರ್ ನಲ್ಲಿ ಮೆಗಾಸ್ಟಾರ್ ಅವರ ಗೆಟಪ್ ಹೇಗಿದೆ ಅಂತ ರಿವಿಲ್ ಮಾಡಿದ್ದಾರೆ.

ರಾಮ್ ಚರಣ್ ಬ್ಯಾನರ್

ಈಗಾಗಲೇ ಗೊತ್ತಿರುವಾಗೆ ಮೆಗಾಸ್ಟಾರ್ ಕಮ್ ಬ್ಯಾಕ್ ಸಿನಿಮಾಗೆ ಚಿರಂಜೀವಿಯ ಮಗ ರಾಮ್ ಚರಣ್ ಬಂಡವಾಳ ಹಾಕಿದ್ದಾರೆ. ಕಾಜಲ್ ಅಗರ್ ವಲ್ ಚಿತ್ರದ ನಾಯಕಿಯಾಗಿದ್ದಾರೆ.[ಚಿರಂಜೀವಿ 150ನೇ ಸಿನ್ಮಾ ಕತ್ತಿ ರಿಮೇಕ್: ರಾಮ್ ಚರಣ್]

ವಿವಿ ವಿನಾಯಕ್ ಆಕ್ಷನ್ ಕಟ್

ಅಂದ್ಹಾಗೆ, 'ಖೈದಿ-150', ತಮಿಳಿನಲ್ಲಿ ವಿಜಯ್ ಅಭಿನಯಿಸಿ ಸೂಪರ್ ಹಿಟ್ ಆಗಿದ್ದ ಕತ್ತಿ ಚಿತ್ರದ ರೀಮೇಕ್. ಈ ಚಿತ್ರಕ್ಕೆ ತೆಲುಗಿನ ಸ್ಟಾರ್ ನಿರ್ದೇಶಕ ವಿವಿ ವಿನಾಯಕ್ ಆಕ್ಷನ್ ಕಟ್ ಹೇಳುತ್ತಿದ್ದಾರೆ.

ಜನವರಿ 'ರಿಲೀಸ್'

ಸದ್ಯ, ಹಾಡಿನ ಚಿತ್ರೀಕರಣ ಮಾಡುತ್ತಿರುವ 'ಖೈದಿ-150', ಮುಂದಿನ ವರ್ಷದ ಆರಂಭದಲ್ಲಿ ಅಂದ್ರೆ ಸಂಕ್ರಾಂತಿ ಹಬ್ಬದ ವಿಶೇಷವಾಗಿ ತೆರೆಮೇಲೆ ಬರುವ ಯೋಚನೆಯಲ್ಲಿದೆ.