'ನಾನು ನಗಲು ಚಿರು ಕಾರಣ...': ಮೇಘನಾ ರಾಜ್ ಬರೆದ ಹೃದಯಸ್ಪರ್ಶಿ ಬರಹ

ನಾನು ನಗಲು ಚಿರು ಕಾರಣ

ನನ್ನ ಪ್ರೀತಿಯ ಚಿರು... ಚಿರು ಒಂದು ಸಂಭ್ರಮ. ಯಾವಾಗಲೂ... ಈಗಲೂ ಮತ್ತು ಮುಂದೆಯೂ... ಬೇರೆ ಯಾವ ರೀತಿಯನ್ನೂ ನೀನು ಇಷ್ಟಪಡುವುದಿಲ್ಲ ಎಂದು ನನಗೆ ತಿಳಿದಿದೆ. ನಾನು ನಗಲು ಕಾರಣ ಚಿರು.. ಆತ ನನಗೆ ನೀಡಿರುವುದು ಅತಿ ಅಮೂಲ್ಯ. ನನ್ನ ಕುಟುಂಬ. ನಾವು ಮಾತ್ರವೇ...

ನೀನು ಬಯಸಿದಂತೆ ಇರುತ್ತೇವೆ...

ನಮ್ಮ ಶಾಶ್ವತ ಪ್ರೀತಿಗಾಗಿ ಎಲ್ಲರೂ ಎಂದಿಗೂ ಜತೆಯಾಗಿರುತ್ತೇವೆ. ನೀನು ಇಷ್ಟಪಟ್ಟಂತೆಯೇ ಪ್ರತಿದಿನವೂ ಇರಲಿದೆ. ಪ್ರೀತಿ, ನಗು, ತಮಾಷೆ, ಪ್ರಾಮಾಣಿಕತೆ ಮತ್ತು ಎಲ್ಲಕ್ಕಿಂತ ಮುಖ್ಯವಾಗಿ ಜತೆಯಾಗಿರುವಿಕೆಯಿಂದ ಕೂಡಿರುತ್ತದೆ. ಲವ್ ಯೂ ಬೇಬಿ ಮಾ ಎಂದು ಮೇಘನಾ ಬರೆದಿದ್ದಾರೆ.

ಹೂವಿನ ನಡುವೆ ಚಿರು ನಗು

ಇನ್‌ಸ್ಟಾಗ್ರಾಂ ಸ್ಟೋರಿಯಲ್ಲಿಯೂ ಮೇಘನಾ ರಾಜ್ ಭಾವನಾತ್ಮಕ ಸಂಗತಿಗಳನ್ನು ಹಂಚಿಕೊಂಡಿದ್ದಾರೆ. 'ಮೈ ಮಿಸ್ಟರ್ ಹಸ್ಬೆಂಡ್' ಎಂದು ಹೂವಿನ ಅಲಂಕಾರ ನಡುವೆ ಚಿರು ನಗುತ್ತಿರುವ ಫೋಟೊವನ್ನು ಅವರು ಪೋಸ್ಟ್ ಮಾಡಿದ್ದಾರೆ.

ಚಿರು ತೋಳುಗಳಲ್ಲಿ...

'ಎಂದೆಂದಿಗೂ ಕುಟುಂಬ. ಚಿರು ನನಗೆ ಸದಾ ಹೇಳುತ್ತಿದ್ದ... ನಿನ್ನ ಕ್ರಿಯೆಗಳಿಗೆ ಇಡೀ ಜಗತ್ತು ನಿನ್ನನ್ನು ಹೀಗೆ ಎಂದು ತೀರ್ಮಾನಿಸುವಾಗ ನಾನು ನಿನ್ನನ್ನು ಮುಕ್ತ ತೋಳುಗಳನ್ನು ಬಾಚಿಕೊಳ್ಳುತ್ತೇನೆ ಎಂದು...' ಎಂಬುದಾಗಿ ಮೇಘನಾ ಬರೆದಿದ್ದಾರೆ. ಚಿರು ಗೆಳೆಯರ ಫೋಟೊಕ್ಕೆ 'ಮೈ ಬಾಯ್ಸ್' ಎಂದು ಮೇಘನಾ ಕ್ಯಾಪ್ಷನ್ ನೀಡಿದ್ದಾರೆ.