ದರ್ಶನ್ ಗೆ ನಾಯಕಿಯಾಗ್ತಾರಾ ನಟಿ ಮೆಹ್ರೀನ್ ಪಿರ್ ಜಾದ?

ರಾಬರ್ಟ್ ನಾಯಕಿ ಮೆಹ್ರೀನ್?

ದರ್ಶನ್ ಜೊತೆ ನಾಯಕಿಯಾಗಿ ತಮಿಳು ಮತ್ತು ತೆಲುಗು ಚಿತ್ರರಂಗದಲ್ಲಿ ಮಿಂಚುತ್ತಿರುವ ಮೆಹ್ರೀನ್ ಕಾಣಿಸಿಕೊಳ್ಳುವ ಸಾಧ್ಯತೆ ಇದೆ. ನಾಯಕಿಯ ವಿಚಾರವಾಗಿ ಬಾರಿ ಕುತೂಹಲ ಮೂಡಿಸಿದ್ದ 'ರಾಬರ್ಟ್'ಗೆ ಕೊನೆಗೂ ನಾಯಕಿ ಸಿಕ್ಕಿದ್ದಾರೆ ಎಂದು ಹೇಳಲಾಗುತ್ತಿದೆ. ದರ್ಶನ್ ಜೊತೆ ರೋಮ್ಯಾನ್ಸ್ ಮಾಡುವುದು ಮೆಹ್ರೀನ್ ಬಹುತೇಕ ಖಚಿತವಾಗಿದೆ.

ಮೆಹ್ರೀನ್ ಸಿನಿಮಾಗಳು

ಪಂಜಾಬಿ ಮೂಲದವರಾದ ಮೆಹ್ರೀನ್ ಖ್ಯಾತಿ ಗಳಿಸಿದ್ದು ದಕ್ಷಿಣ ಭಾರತೀಯ ಚಿತ್ರರಂಗದಲ್ಲಿ. ತೆಲುಗು ಚಿತ್ರರಂಗದ ಮೂಲಕ ಬಣ್ಣದ ಲೋಕದ ಪಯಣ ಪ್ರಾರಂಭಿಸಿದ ಮೆಹ್ರೀನ್, 'ಜವಾನ್', 'ರಾಜ ದಿ ಗ್ರೇಟ್', 'ನೋಟ' ಚಿತ್ರಗಳಲ್ಲಿ ಮಿಂಚಿದ್ದಾರೆ. ಜೊತೆಗೆ ಹಿಂದಿ ಚಿತ್ರದಲ್ಲು ಅಭಿನಯಿಸಿದ್ದಾರೆ. ಅನುಷ್ಕಾ ಶರ್ಮಾ ಅಭಿನಯದ 'ಫಿಲೌರಿ' ಚಿತ್ರದಲ್ಲಿ ಮೆಹ್ರೀನ್ ಕಾಣಿಸಿಕೊಂಡಿದ್ದಾರೆ.

'ರಾಬರ್ಟ್' ಥೀಮ್ ಪೋಸ್ಟರ್ನ ಅಸಲಿ ಸತ್ಯ ಬಿಚ್ಚಿಟ್ಟ ಈ ನಾಲ್ಕು ಅಂಶಗಳು

ಮೆಹ್ರೀನ್ ಆಯ್ಕೆ ಬಗ್ಗೆ ನಿರ್ದೇಶಕರ ಮಾತು

ಬಹಳ ದಿನಗಳ ಹಿಂದೆಯೆ ಮೆಹ್ರೀನ್ ಜೊತೆ ಮಾತುಕತೆ ನಡೆಸಿದ್ದಾರಂತೆ. ಆದ್ರೆ ಇನ್ನು ಫೈನಲ್ ಆಗಿಲ್ಲವಂತೆ. ಮೆಹ್ರೀನ್ ಮಾತ್ರವಲ್ಲದೆ ಸಾಕಷ್ಟು ನಟಿಮಣಿಯರ ಜೊತೆಯು ಮಾತುಕತೆ ಮಾಡಿದ್ದಾರಂತೆ. ಆದ್ರೆ ಯಾರು ಇನ್ನು ಅಂತಿಮ ವಾಗಿಲ್ಲವಂತೆ. ಡೇಟ್ಸ್ ಮತ್ತು ಸಂಭಾವನೆ ಹೊಂದಾಣಿಕೆ ಯಾವ ನಟಿಯ ಜೊತೆ ಆಗುತ್ತೊ ಅವರು ನಾಯಕಿಯಾಗ್ತಾರಂತೆ. ಹಾಗಂತ ಮೆಹ್ರೀನ್ ಆಯ್ಕೆಯನ್ನು ತಳ್ಳಿ ಹಾಕಿಲ್ಲ.

'ರಾಬರ್ಟ್'ಗೆ ಅರ್ಜುನ್ ಜನ್ಯ ಫಿಕ್ಸ್ : ದರ್ಶನ್ ಜೊತೆ ಹ್ಯಾಟ್ರಿಕ್ ಸಿನಿಮಾ

ರಾಬರ್ಟ್ ಚಿತ್ರಕ್ಕೆ ನಾಯಕಿಯರ ಲಿಸ್ಟೇ ಇದೆ

ದರ್ಶನ್ ಗೆ ನಾಯಕಿಯಾಗಿ ಯಾರೆಲ್ಲ ಕಾಣಿಸಿಕೊಳ್ಳಲಿದ್ದಾರೆ ಎನ್ನುವ ಬಗ್ಗೆ ದೊಡ್ಡ ಲಿಸ್ಟ್ ಇದೆ. ಮೊದಲ ನಟಿ ಐಶ್ವರ್ಯ ರೈ ಹೆಸರು ಬಾರಿ ಸುದ್ದಿಯಾಗಿತ್ತು. ಆ ನಂತರ ಅನುಷ್ಕಾ ಶೆಟ್ಟಿ, ರಾಕುಲ್ ಪ್ರೀತ್ ಸಿಂಗ್, ಸಾಯಿ ಪಲ್ಲವಿ, ಕೀರ್ತಿ ಸುರೇಶ್ ಸೇರಿದಂತೆ ಅನೇಕರ ಹೆಸರು ಕೇಳಿ ಬಂದಿತ್ತು. ಆದ್ರೆ ಚಿತ್ರತಂಡ ಮಾತ್ರ ನಾಯಕಿ ಯಾರು ಎನ್ನುವ ಬಗ್ಗೆ ಇನ್ನು ಸ್ಪಷ್ಟಪಡಿಸಿಲ್ಲ.