»   » ಮೀರಾ ನಾಯರ್‌ ಹೊಸ ಸಿನಿಮಾದಲ್ಲಿ ಅಮಿತಾಬ್‌ ಹಾಗೂ ಮಾಧುರಿ

ಮೀರಾ ನಾಯರ್‌ ಹೊಸ ಸಿನಿಮಾದಲ್ಲಿ ಅಮಿತಾಬ್‌ ಹಾಗೂ ಮಾಧುರಿ

Posted By: Super
Subscribe to Filmibeat Kannada
For Quick Alerts
ALLOW NOTIFICATIONS
For Daily Alerts

    ಮೀರಾ ನಾಯರ್‌ ಏನು ಮಾಡುತ್ತಿದ್ದಾರೆ? ಅವರ ಹೊಸ ಸಿನಿಮಾ ಯಾವುದು?

    ಗೋಲ್ಡನ್‌ ಲಯನ್‌ ಪ್ರಶಸ್ತಿ ಪಡೆದು, ಗೋಲ್ಡನ್‌ ಗ್ಲೋಬ್‌ ಪ್ರಶಸ್ತಿಗೆ ಹೆಸರಿಸಲಾಗಿರುವ ಖುಷಿಯಲ್ಲಿರುವ ಮೀರಾ ನಾಯರ್‌ ಅವರ ಹೊಸ ಸಿನಿಮಾದ ಬಗ್ಗೆ ಚಿತ್ರರಂಗ- ಅಭಿಮಾನಿಗಳು ಕಾತರದಿಂದ ಇರುವುದು ಸಹಜವೇ. ಅವರ ಇತ್ತೀಚಿನ ಚಿತ್ರ ಮಾನ್ಸೂನ್‌ ವೆಡ್ಡಿಂಗ್‌ ನ ಅಭೂತಪೂರ್ವ ಯಶಸ್ಸು ಕೂಡ ಮೀರಾ ಬಗೆಗಿನ ನಿರೀಕ್ಷೆಗಳನ್ನು ದುಪ್ಪಟ್ಟು ಮಾಡಿವೆ.

    ಮಾನ್ಸೂನ್‌ ವೆಡ್ಡಿಂಗ್‌ ಸಿನಿಮಾದಲ್ಲಿನ ಮೀರಾ ಸ್ಪರ್ಶದ ಬಗ್ಗೆ ಸಿನಿಮಾ ಪಂಡಿತರಿಂದ ಮೆಚ್ಚುಗೆ ವ್ಯಕ್ತವಾಗಿತ್ತು . ಮೀರಾ ಸಿನಿಮಾದ ಸೂಕ್ಷ್ಮಗಳನ್ನು ಅರ್ಥ ಮಾಡಿಕೊಂಡಿದ್ದಾರೆ, ಪ್ರೇಕ್ಷಕರ ನಾಡಿ ಮಿಡಿತದ ಲಯ ಅವರಿಗೆ ಸಿಕ್ಕಿದೆ ಎಂದೂ ವಿಮರ್ಶಕರು ಹೊಗಳಿದ್ದರು. ಆ ಮಟ್ಟಿಗೆ ಮೀರಾ ಅದೃಷ್ಟವಂತೆ.

    ಮಾನ್ಸೂನ್‌ ಯಶಸ್ಸಿನ ಖುಷಿಯಲ್ಲಿರುವ ಮೀರಾ ಅವರ ಹೊಸ ಚಿತ್ರದ ಯೋಜನೆಯೂ ಭರ್ಜರಿಯಾಗಿದೆ. ತಾರಾಗಣವೇ ಬೆಚ್ಚಿ ಬೀಳಿಸುವಷ್ಟು ಅದ್ದೂರಿ. ಅಮಿತಾಬ್‌ ಬಚ್ಚನ್‌ ಹಾಗೂ ಮಾಧುರಿ ದೀಕ್ಷಿತ್‌ ಈ ಸಿನಿಮಾದ ನಾಯಕ ನಾಯಕಿ. ಮಾಧುರಿಯೇ ಯಾಕೆಂದರೆ- ಆಕೆ ತಮ್ಮ ಸಿನಿಮಾದ ಪಾತ್ರಕ್ಕೆ ನ್ಯಾಯ ಒದಗಿಸುತ್ತಾಳೆ ಎನ್ನುತ್ತಾರೆ ಮೀರಾ.

    ಈ ಮುನ್ನ ಕಲಾತ್ಮಕ ಚಿತ್ರಗಳ ಮೂಲಕ ಸುದ್ದಿ ಮಾಡಿದ್ದ ಮೀರಾ ನಾಯರ್‌ ಈ ಬಾರಿ ಕಮರ್ಷಿಯಲ್‌ನತ್ತ ಕಣ್ಣು ಹಾಯಿಸಿದ್ದಾರೆ. ಎರಡೂ ಕಡೆ ಸೈ ಅನ್ನಿಸಿಕೊಳ್ಳುವುದು, ಮುಖ್ಯ ವಾಹಿನಿಗೆ ಸಲ್ಲುವುದು ಅವರ ಬಯಕೆ- ತವಕ. ಹೊಸ ಚಿತ್ರದಲ್ಲಿ ಹಾಡು- ಕುಣಿತ ಎಲ್ಲವೂ ಉಂಟು. ಅಲ್ಲಿಗೆ ಮೀರಾ ಅವರ ಇನ್ನೊಂದು ಮುಖ ಅನಾವರಣಗೊಳ್ಳಲಿದೆ ಎಂದಾಯಿತು.

    ಮೀರಾ ಚಿತ್ರದಲ್ಲಿ ನಟಿಸಲು ಮಾಧುರಿ ಹ್ಞೂಂಗುಟ್ಟಿದ್ದಾರೆ. ಅಮಿತಾಭ್‌ ತಲೆ ಅಲ್ಲಾಡಿಸುವುದಷ್ಟೇ ಬಾಕಿ. ಅಂದಹಾಗೆ, ಮೀರಾ ಕಮರ್ಷಿಯಲ್‌ ಸಿನಿಮಾಗೆ ಕೈ ಹಾಕುತ್ತಿರುವುದು ಇದೇ ಮೊದಲು. ಅವರು ತಿರುವಿನಲ್ಲಿದ್ದಾರೆ; ದಡ ಮುಟ್ಟುತ್ತಾರಾ?

    English summary
    Mira Nair turning towards commercial films: Big B and Madhuri in Mira Nairs next project

    Kannada Photos

    Go to : More Photos

    ಮನರಂಜನಾ ಜಗತ್ತಿನ ಎಲ್ಲ ತಾಜಾ ರೋಚಕ ಸುದ್ದಿಗಳನ್ನು ಪಡೆಯಿರಿ - Filmibeat Kannada

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more