'ಜಾಗ್ವಾರ್' ನಾಯಕನಿಗಾಗಿ ಬಂದ್ಲು ಬೆಳಗಾವಿ ಸುಂದರಿ!

ನಿಖಿಲ್ 2ನೇ ಚಿತ್ರಕ್ಕೆ ಹೀರೋಯಿನ್ ಫಿಕ್ಸ್

ಬಹದ್ದೂರ್ ಚೇತನ್ ನಿರ್ದೇಶನದಲ್ಲಿ ನಿಖಿಲ್ ಕುಮಾರ್ ಅವರ ಎರಡನೇ ಸಿನಿಮಾ ಮೂಡಿಬರ್ತಿದ್ದು, ಈ ಚಿತ್ರಕ್ಕೆ ರೂಪದರ್ಶಿ 'ರಿಯಾ ನಲವಾಡೆ' ನಾಯಕಿಯಾಗಿ ಆಯ್ಕೆಯಾಗಿದ್ದಾರೆ. [ನಿಖಿಲ್ ಕುಮಾರ್ ಜೊತೆ ಡ್ಯುಯೆಟ್ ಹಾಡುವ ಚಾನ್ಸ್ ಈಕೆಗೆ ಸಿಗ್ಬಹುದಾ.?]

ಈ ರಿಯಾ ನಲವಾಡೆ ಯಾರು?

ರಿಯಾ ನಲವಾಡೆ ಮೂಲತಃ ಬೆಳಗಾವಿಯ ಹುಡುಗಿ. ಪ್ರಸುತ್ತ ಬೆಂಗಳೂರಿನ ಡೆಲ್ಲಿ ಪಬ್ಲಿಕ್ ಸ್ಕೂಲ್ ನ ವಿದ್ಯಾರ್ಥಿಯಾಗಿದ್ದಾರೆ. 2017 ರ ಮಾರ್ಚ್ ನಲ್ಲಿ ನಡೆದ, 2016 'ಟಾಲೆಂಟ್ ಹಂಟ್ ನ್ಯಾಷನಲ್ ಫ್ರೆಷ್ ಫೇಸ್' ಸ್ಪರ್ಧೆಯ ಫಿನಾಲೆಯಲ್ಲಿ ಬೆಂಗಳೂರನ್ನು ಪ್ರತಿನಿಧಿಸಿ ವಿಜೇತರಾಗಿದ್ದರು.

ರಿಯಾ ಅದ್ಭುತ 'ಡ್ಯಾನ್ಸರ್'

ಮಾಡಲಿಂಗ್ ನಲ್ಲಿ ಒಳ್ಳೆ ಹೆಸರು ಮಾಡಿರುವ ಈಕೆಗೆ ಇದು ಮೊದಲ ಸಿನಿಮಾ. ಚಿತ್ರರಂಗದಲ್ಲಿ ಮಿಂಚುವ ಆಸೆ ಇರುವ ಈ ಬೆಡಗಿ ಸದ್ಯ ಭರತನಾಟ್ಯ ಮತ್ತು ಪಾಶ್ಚತ್ಯ ನೃತ್ಯವನ್ನ ಕಲಿತಿದ್ದಾರೆ.

'ಮೇ' ತಿಂಗಳಿನಿಂದ ಚಿತ್ರೀಕರಣ

ಸದ್ಯ, ಚಿತ್ರದ ನಾಯಕಿಯನ್ನ ಆಯ್ಕೆ ಮಾಡಿರುವ ಚಿತ್ರತಂಡ ಮೇ ತಿಂಗಳಿನಿಂದ ಚಿತ್ರೀಕರಣವನ್ನ ಶುರು ಮಾಡಲಿದೆ. ಈ ಚಿತ್ರವನ್ನ ಕುಮಾರಸ್ವಾಮಿ ನಿರ್ಮಾಣ ಮಾಡುತ್ತಿದ್ದು, ಹರಿಕೃಷ್ಣ ಸಂಗೀತ ಸಂಯೋಜನೆ ಮಾಡಲಿದ್ದಾರೆ.