ಅಮ್ಮನ ಪ್ರೀತಿಯನ್ನ ಸರಳ ರೀತಿಯಲ್ಲೇ ಜಗತ್ತಿಗೆ ತಿಳಿಸಿದ ಹಿತಾ

ವಿಶೇಷ ಎನ್ನಿಸುತ್ತಿದೆ ಮೆಲನ್ಕೋಲಿ (Melancholy)

ಮೆಲನ್ಕೋಲಿ (Melancholy) ತಾಯಂದಿರ ದಿನಾಚರಣೆಗಾಗಿ ಬಿಡುಗಡೆ ಆಗಿರುವ ಕಿರುಚಿತ್ರ. ಚಂದನವನದ ನಟಿ ಹಿತಾ ಚಂದ್ರಶೇಖರ್ ಹಾಗೂ ಅಪೂರ್ವ ಭಾರದ್ವಜ್ ಮುಖ್ಯಭೂಮಿಕೆಯಲ್ಲಿರುವ ಶಾರ್ಟ್ ಫಿಲ್ಮಂ. ತಾಯಂದಿರ ದಿನಾಚರಣೆಗೆ ವಿಶೇಷವಾಗಿರಲಿ ಎನ್ನುವ ಉದ್ದೇಶದಿಂದ ಕಿರುಚಿತ್ರವನ್ನ ನಿರ್ದೇಶನ ಮಾಡಿದ್ದಾರೆ ಅರುಣ್ ಮಂಡಲ.

ದೊಡ್ಡ ವಿಚಾರ ಸರಳ ನಿರೂಪಣೆ

ಸಲಿಂಗಕಾಮವನ್ನು ಸಮಾಜ ಹಾಗೂ ಜನರು ಇನ್ನು ಕೂಡ ಒಪ್ಪಿಕೊಳ್ಳಲು ತಯಾರಿಲ್ಲ. ಅಂತವರನ್ನ ಕಂಡರೆ ಸಾಕು ದೂರವಿಡುವ ಪ್ರಯತ್ನ ಮಾಡುತ್ತಾರೆ. ಅಂತಹ ಗಂಭೀರವಾದ ವಿಚಾರವನ್ನು ಸರಳವಾದ ರೀತಿಯಲ್ಲಿ ಮೆಲನ್ಕೋಲಿ (Melancholy) ಕಿರುಚಿತ್ರದಲ್ಲಿ ಹೇಳಲಾಗಿದೆ.

ಅದ್ಬುತ ನಟಿಯರ ಅಭಿನಯ

ಹಿತಾ ಚಂದ್ರಶೇಖರ್ ಹಾಗೂ ಅಪೂರ್ವ ಭಾರದ್ವಜ್, ಮೆಲನ್ಕೋಲಿ (Melancholy) ಕಿರುಚಿತ್ರದಲ್ಲಿ ಅಭಿನಯಿಸಿದ್ದು ಕೆಲವೇ ಕೆಲವು ನಿಮಿಷಗಳು ಇರುವ ಸೀನ್ ಗಳಲ್ಲಿ ಪ್ರೇಕ್ಷಕರನ್ನ ಮೋಡಿ ಮಾಡುತ್ತಾರೆ. ಇನ್ನು ವರ್ಜಿನಿಯಾ ರೊದ್ರಿಗಸ್ ತಾಯಿ ಪಾತ್ರಕ್ಕೆ ಜೀವ ತುಂಬಿದ್ದಾರೆ. ತೆರೆ ಮೇಲೆ ಕಲಾವಿದರನ್ನ ಸುಂದರವಾಗಿ ಕಾಣುವಂತೆ ಸೆರೆಹಿಡಿದಿದ್ದಾರೆ ಕ್ಯಾಮೆರಾ ಮ್ಯಾನ್ ರಾಕೇಶ್ ಬಿ ರಾಜ್

ಉತ್ತಮ ತಂತ್ರಜ್ಞರ ಕೈಚಳಕ

ಮೆಲನ್ಕೋಲಿ (Melancholy) ಕಿರುಚಿತ್ರದಲ್ಲಿ ಉತ್ತಮ ಸಂದೇಶದ ಜೊತೆಯಲ್ಲಿ ಅದ್ಬುತ ತಂತ್ರಜ್ಞರು ಕೆಲಸ ಮಾಡಿದ್ದಾರೆ. ಸಿನಿಮಾಗೆ ಸ್ಟುಡಿಯೊಸ್ ಅಡಿಯಲ್ಲಿ ನಿರ್ಮಾಣ ಆಗಿದ್ದು ಅರುಣ್ ಮಂಡಲ ಚಿತ್ರಕಥೆ ಮತ್ತು ನಿರ್ದೇಶನ ಮಾಡಿದ್ದಾರೆ. ಗಗನ್ ಬಡೇರಿಯಾ ಸಂಗೀತ ನಿರ್ದೇಶನ ಕಿರುಚಿತ್ರಕ್ಕಿದೆ.