ಕನ್ನಡದಲ್ಲಿ 'ಕೊರೊನಾ', ಪ್ರೇಕ್ಷಕರು ರೆಡಿನಾ?

ಎರಡು ಭಾಷೆಯಲ್ಲಿ ತಯಾರಾಗುತ್ತಿದೆ ಸಿನಿಮಾ

ಕನ್ನಡದಲ್ಲಿ 'ಕೊರೊನಾ' ಎಂದು ನಿರ್ಮಾಣವಾದರೆ ಹಿಂದಿಯಲ್ಲಿ 'ಡೆಡ್ಲಿ ಕೊರೊನಾ' ಹೆಸರಿನಲ್ಲಿ ಚಿತ್ರ ತೆರೆಗೆ ಬರಲಿದೆ. ಈ ಹಿಂದೆ 'ಬಿಸಿರಕ್ತ' ಸಿನಿಮಾ ನಿರ್ದೇಶಿಸಿದ್ದ ಶಿವಕುಮಾರ್ ಎಂಬುವರು ಈ ಚಿತ್ರವನ್ನು ನಿರ್ದೇಶಿಸಲಿದ್ದಾರೆ.

ತಾರಾಗಣ ಇನ್ನೂ ಅಂತಿಮವಾಗಿಲ್ಲ

ಚಿತ್ರದ ನಾಯಕ-ನಾಯಕಿ ಉಳಿಕೆ ತಾರಾಗಾಣ ಇನ್ನಷ್ಟೆ ಅಂತಿಮವಾಗಬೇಕಿದೆ. ಕತೆ ಸಹ ಇನ್ನೂ ಪ್ರಾರಂಭದ ಹಂತದಲ್ಲಿದೆ ಇವುಗಳ ನಂತರ ಸಿನಿಮಾ ಸೆಟ್ಟೇರಲಿದೆ. ಸಿನಿಮಾ ಬಿಡುಗಡೆಗೆ ಇನ್ನೂ ಸಾಕಷ್ಟು ಸಮಯವೇ ಹಿಡಿಯಲಿದೆ.

ಕೊರೊನಾ ಭೀತಿಯನ್ನು 'ಎನ್‌ಕ್ಯಾಶ್' ಮಾಡಿಕೊಳ್ಳುವುದು ಸರಿಯೇ?

ಕೊರೊನಾ ಭೀತಿ ಎಲ್ಲೆಡೆ ಆವರಿಸಿರುವ ಈ ಹೊತ್ತಿನಲ್ಲಿ ಜನರ ಭೀತಿಯನ್ನು ಎನ್‌ಕ್ಯಾಶ್ ಮಾಡಿಕೊಂಡು ಲಾಭದ ಉದ್ದೇಶದಿಂದ ಕೊರೊನಾ ಸಿನಿಮಾ ಮಾಡುತ್ತಿರುವುದು ನೈತಿಕವಾಗಿ ಸರಿಯಾ? ಎಂಬ ಪ್ರಶ್ನೆ ಮೂಡಿದೆ. ಅಷ್ಟೆ ಅಲ್ಲದೆ ಆ ರೀತಿಯ ಸಿನಿಮಾಗಳನ್ನು ಈ ಸಮಯದಲ್ಲಿ ಜನರು ಒಪ್ಪಿಕೊಳ್ಳುತ್ತಾರಾ ಎಂಬುದು ಸಹ ಕಾದು ನೋಡಬೇಕಾದ ವಿಷಯ.

ಕೇರಳದ ನಿಫಾ ಬಗ್ಗೆ ತಯಾರಾಗಿತ್ತು ಸಿನಿಮಾ

ಕೇರಳದಲ್ಲಿ ನಿಫಾ ವೈರಸ್ ಕಾಣಿಸಿಕೊಂಡು ಹತ್ತಾರು ಮಂದಿಯ ಸಾವಿಗೆ ಕಾರಣವಾಗಿತ್ತು. ಆಗ ಮಲೆಯಾಳಂ ನಲ್ಲಿ 'ವೈರಸ್' ಹೆಸರಿನ ಸಿನಿಮಾ ಬಂದು ಯಶಸ್ವಿಯಾಗಿತ್ತು, ಜೊತೆಗೆ ಹಲವು ಪ್ರಶಸ್ತಿಗಳನ್ನೂ ಬಾಚಿಕೊಂಡಿತ್ತು.