KGF 2: 'ತೂಫಾನ್' ಹಾಡಿನ ಸಂಗೀತದ ಬಗ್ಗೆ ಅಪಸ್ವರ: ಎಡವಿದ್ರಾ 'ರವಿಬಸ್ರೂರು'?

ತೂಫಾನ್ ಹಾಡಿನ ಸಂಗೀತದ ಬಗ್ಗೆ ಜನರ ಅಭಿಪ್ರಾಯ ಇದು!

ರವಿ ಬಸ್ರೂರು ಸಂಗೀತದಲ್ಲಿ BGM ಎಲ್ಲರಿಗೂ ಇಷ್ಟ ಆಗುತ್ತೆ. ಬಸ್ರೂರು ಕೊಡುವ ಬಿಜಿಎಂಗೆ ಯಾರು ಸರಿ ಸಾಟಿ ಇಲ್ಲ ಅಂತಲೇ ಹೇಳಲಾಗುತ್ತದೆ. ಆದರೆ 'ತೂಫಾನ್' ಹಾಡಿನ ಒಟ್ಟಾರೆ ಸಂಗೀತ ಮಾತ್ರ ಅದೇ ಹಳೆಯ ಸ್ವರವನ್ನು ನೆನಪಿಸುತ್ತದೆ. ಹಾಗಾಗಿ ಈ ಹಾಡಿನ ಸಂಗೀತದ ಬಗ್ಗೆ ಪ್ರೇಕ್ಷಕರು ಅಪಸ್ವರ ಎತ್ತಿದ್ದಾರೆ. ರವಿ ಬಸ್ರೂರು ಯಾಕೆ ಅದೇ ಸೇಮ್ ಫೀಲ್ ಬರುವ ಹಾಗೆ ಸಂಗೀತ ಮಾಡುತ್ತಿದ್ದಾರೆ ಎನ್ನುವ ಬಗ್ಗೆ ಚರ್ಚೆ ಶುರುವಾಗಿದೆ.

ಧೀರ, ಧೀರ ಹಾಡು ನೆನಪಿಸುವ ತೂಫಾನ್!

'ಕೆಜಿಎಫ್ 2' ಚಿತ್ರದ ತೂಫಾನ್ ಮತ್ತು ಕೆಜಿಎಫ್ ಭಾಗ 1 ಚಿತ್ರದ ಧೀರ, ಧೀರ ಹಾಡು ಒಂದೇ ರೀತಿ ಎನಿಸುತ್ತದೆ. ಬಹುಶಃ ಆ ಹಾಡಿನಲ್ಲೂ ಕೂಡ ರಾಕಿ ಭಾಯ್ ಪಾತ್ರವನ್ನು ವರ್ಣಿಸುವಂತಹ ಸಾಲು ಇವೆ. ಈ ಹಾಡಿನಲ್ಲೂ ನಾಯಕನ ವರ್ಣನೆ ಮಾಡುವ ಸಾಲುಗಳಿವೆ. ಜೊತೆಗೆ ಅಷ್ಟೆ ಭರ್ಜರಿಯಾದ ಸಂಗೀತ ಇದೆ. ಹಾಗಾಗಿ ಎರಡೂ ಹಾಡುಗಳು ಒಂದೇ ಫೀಲ್ ಕೊಡುತ್ತಿವೆ.

ತೂಫಾನ್ ನೆಚ್ಚಿಕೊಂಡ ಹಲವು ಮಂದಿ!

ಕೆಜಿಎಫ್ ಭಾಗ ಒಂದರ ಮುಂದುವರೆದ ಭಾಗ ಕೆಜಿಎಫ್ 2. ಆದ ಕಾರಣ ಈ ಹಾಡಿನಲ್ಲೂ ಬೇಕು ಅಂತಲೇ ಚಿತ್ರತಂಡ ಆ ಫೀಲ್ ಕ್ಯಾರಿ ಮಾಡಿರಬಹುದು. ಏನೇ ಇದ್ದರೂ ಹಾಡೂ ಸೂಪರ್ ಎಂದು ಸಾಕಷ್ಟು ಮಂದಿ ಚಪ್ಪಾಳೆ ತಟ್ಟುತ್ತಿದ್ದಾರೆ. ಆದರೆ ಎಲ್ಲೋ ಕೆಲವೊಂದು ಅಪ್ವರಗಳು ಕೇಳಿ ಬರುತ್ತಿವೆ. ಆದರೆ ಬಹುತೇಕರಿಗೆ ತೂಫಾನ್ ನೆಚ್ಚಿನ ಹಾಡಾಗಿ ಬಿಟ್ಟಿದೆ.

ದಾಖಲೆ ಬರೆದ ತೂಫಾನ್ ಹಾಡು!

ತೂಫಾನ್ ಹಾಡು ರಿಲೀಸ್ ಆದ ಕೆಲವೇ ಗಂಟೆಗಳಲ್ಲಿ ದೊಡ್ಡ ಮಟ್ಟದ ವೀಕ್ಷಣೆ ಪಡೆದು ಘರ್ಜಿಸುತ್ತಿದೆ. ಈ ಹಿಂದೆ ತಮಿಳು ಚಿತ್ರ ಬೀಸ್ಟ್ ಹಾಡು ಮಾಡಿದ್ದ ರೆಕಾರ್ಡ್ ಮುರಿದು ಹಾಕಿದೆ 'ತೂಫಾನ್'. ರಿಲೀಸ್ ಆದ ಕೆಲವೇ ಗಂಟೆಗಳಲ್ಲಿ ಮಿಲಿಯನ್ ವೀಕ್ಷನೆ ಪಡೆದುಕೊಂಡಿದೆ. ಇದು ರಾಕಿ ಭಾಯ್ ಅವತಾರದ ಒಂದು ಸಣ್ಣ ಇಂಟ್ರೋ ಅಷ್ಟೆ. ಇನ್ನು ಸಿನಿಮಾ ಬಂದ ಮೇಲೆ ರಾಕಿ ಸಾಮ್ರಾಜ್ಯದ ಅಸಲಿ ದರ್ಶನ ಆಗಲಿದೆ.