ಪ್ರೇಮ್ ಮಾಡಿದ್ದ ಈ ಕೆಲಸದ ಮೇಲೆ ಶಿವಣ್ಣನಿಗೆ ಈಗಲೂ ಬೇಸರವಿದೆ!

ಪ್ರೇಮ್ ಮಾಡಿದ್ದ ಈ ಕೆಲಸದ ಬಗ್ಗೆ ಬೇಸರ

ಸಂದರ್ಶನದಲ್ಲಿ ಲುಕ್ ವಿಚಾರವಾಗಿ ಬಂದಾಗ ನಿರ್ದೇಶಕ ಹರ್ಷ ಹಾಗೂ ಪ್ರೇಮ್ ತನ್ನನ್ನು ವಿಭಿನ್ನ ಲುಕ್‌ನಲ್ಲಿ ತೋರಿಸಿದ ನಿರ್ದೇಶಕರು ಎಂದ ಶಿವ ರಾಜ್‌ಕುಮಾರ್ ಜೋಗಿ ಚಿತ್ರದಲ್ಲಿ ಹಾಗೂ ಜೋಗಯ್ಯ ಚಿತ್ರದಲ್ಲಿ ಪ್ರೇಮ್ ವಿಭಿನ್ನ ಲುಕ್ ನೀಡಿದ್ದರು, ಆದರೆ ವಿಲನ್ ಚಿತ್ರದಲ್ಲಿನ ನನ್ನ ಲುಕ್ ನನಗೆ ತುಂಬಾ ಬೇಸರ ಮೂಡಿಸಿತ್ತು ಎಂದರು. ಅಷ್ಟೇ ಅಲ್ಲದೇ ಆ ಲುಕ್ ಎಂದಾಗ ಕೆಲ ಗೆಳೆಯರ ಬಳಿ ಚೆನ್ನಾಗಿದೆಯಾ ಇಲ್ವಾ ಎಂಬುದನ್ನು ವಿಚಾರಿಸಲೂ ಸಹ ಹೇಳಿದ್ರಂತೆ ಶಿವಣ್ಣ.

ಕೆಲವರು ಎಲ್ಲದಕ್ಕೂ ಸರಿ ಎನ್ನುತ್ತಾರೆ

ಇನ್ನೂ ಮುಂದುವರಿದು ಮಾತನಾಡಿದ ಶಿವಣ್ಣ ಕೆಲ ಗೆಳೆಯರು ಇರುತ್ತಾರೆ, ನಾವು ಏನೇ ಕೇಳಿದರೂ ಹಾಗೂ ಏನೇ ಹೇಳಿದರೂ ಎಲ್ಲವನ್ನೂ ಸರಿ ಎಂದು ಹೇಳುತ್ತಾರೆ. ಆ ರೀತಿಯ ಗೆಳೆಯರನ್ನು ನಂಬಬಾರದು, ಏನೇ ಇದ್ದರೂ ನೇರವಾಗಿ ಸತ್ಯವನ್ನು ತಿಳಿಸುವ ಗೆಳೆಯರನ್ನು ಮಾತ್ರ ನಂಬಬೇಕು. ಅಂಥವರ ಬಳಿ ಈ ಲುಕ್ ಪ್ರಯತ್ನಿಸಬಹುದಾ ಎಂದು ಕೇಳಲು ಹೇಳಿದ್ದೆ, ಏಕೆಂದರೆ ಈ ರೀತಿಯ ಗೆಳೆಯರು ಮಾತ್ರ ನಿಜ ಹೇಳುತ್ತಾರೆ, ಉಳಿದವರ ಮಾತು ಕೇಳಿ ಚೆನ್ನಾಗಿರದ ಲುಕ್ ಅನ್ನು ಚೆನ್ನಾಗಿದೆ ಎಂದು ಪ್ರಯತ್ನಿಸಿದರೆ ಹಿನ್ನಡೆ ಆಗುವುದು ಖಚಿತ ಎಂದು ತಿಳಿಸಿದರು.

ಸತ್ಯ ಇನ್ ಲವ್ ಲುಕ್ ಇಷ್ಟವಿರಲಿಲ್ಲ

ಇನ್ನು ತಮ್ಮ ಸಿನಿ ಕೆರಿಯರ್‌ನಲ್ಲಿ ಅತ್ಯಂತ ನಿರಾಸೆ ಮೂಡಿಸಿದ ಹಾಗೂ ಇಷ್ಟವಾಗದ ಲುಕ್ ಯಾವುದು ಎಂಬ ಪ್ರಶ್ನೆಗೆ ಉತ್ತರಿಸಿದ ಶಿವ ರಾಜ್‌ಕುಮಾರ್ ಸತ್ಯ ಇನ್ ಲವ್ ಚಿತ್ರದ ಲುಕ್ ಎಂದು ತಿಳಿಸಿದರು. ಆ ಲುಕ್ ಇಷ್ಟವಿಲ್ಲದಿದ್ದರೂ ನಿರ್ದೇಶಕರು ಹೇಳಿದ ಕಾರಣಕ್ಕೆ ಒಪ್ಪಿಕೊಂಡೆ, ಏಕೆಂದರೆ ನಿರ್ದೇಶಕರು ಹೇಳಿದ ಹಾಗೆ ಕೇಳುವ ನಟ ನಾನು ಎಂದು ಶಿವಣ್ಣ ಹೇಳಿದರು.