ಉಪೇಂದ್ರಗೆ 'H2O' ಕುಡಿಸಿದವರು ಮತ್ತೆ ಡೈರೆಕ್ಟರ್ ಕ್ಯಾಪ್ ತೊಟ್ಟರೆ.?

'H2O' ಸಿನಿಮಾ ನೆನಪಿದ್ಯಾ? ಅಷ್ಟಕ್ಕೂ, ಅದನ್ನ ಮರೆಯೋಕಾದರೂ ಹೇಗೆ ಸಾಧ್ಯ ಹೇಳಿ.?

ಕರ್ನಾಟಕ-ತಮಿಳುನಾಡು ನಡುವಿನ 'ಕಾವೇರಿ' ವಿವಾದಕ್ಕೆ, 'ಪ್ರೀತಿ-ಪ್ರೇಮ'ದ ರೂಪ ಕೊಟ್ಟು, ನೀರಿನ ಕಿತ್ತಾಟಕ್ಕೆ ಅಂತ್ಯ ಹಾಡಲು ತಮ್ಮದೇ ಶೈಲಿಯಲ್ಲಿ ಫಾರ್ಮುಲಾ ಸಿದ್ಧ ಪಡಿಸಿ, 'H2O' ಚಿತ್ರವನ್ನು ಬೆಳ್ಳಿ ಪರದೆ ಮೇಲೆ ತಂದವರು ರಿಯಲ್ ಸ್ಟಾರ್ ಉಪೇಂದ್ರ.

'H2O' ಚಿತ್ರಕ್ಕೆ ಕಥೆ-ಚಿತ್ರಕಥೆ ಬರೆದವರು ರಿಯಲ್ ಸ್ಟಾರ್ ಉಪೇಂದ್ರ ಆದರೂ, ಡೈರೆಕ್ಟರ್ ಕ್ಯಾಪ್ ತೊಟ್ಟವರು ಮಾತ್ರ ಇಬ್ಬರು. ಒಬ್ಬರು ರಾಜಾರಾಮ್ ಮತ್ತೊಬ್ಬರು ಎನ್.ಲೋಕನಾಥ್ ಅಂತ. ಇಬ್ಬರ ಪೈಕಿ ಎನ್.ಲೋಕನಾಥ್ (ಲೋಕಿ) ಉಪ್ಪಿಗೆ ಅತ್ಯಾಪ್ತ.

'H2O' ಚಿತ್ರದಲ್ಲಿ ಮೋಡಿ ಮಾಡಿದ್ದ ಉಪ್ಪಿ-ಲೋಕಿ ಜೋಡಿ, ಮತ್ತೊಮ್ಮೆ ಒಂದಾದ್ರೆ ಹೇಗೆ? ಈ ಆಲೋಚನೆ ಉಪ್ಪಿ ಹಾಗೂ ಲೋಕಿ ತಲೆಯಲ್ಲಿದೆ. ಮೂಲಗಳ ಪ್ರಕಾರ, ಎನ್.ಲೋಕನಾಥ್ ನಿರ್ದೇಶನದಲ್ಲಿ ಉಪೇಂದ್ರ ಬಣ್ಣ ಹಚ್ಚಲು ಮನಸ್ಸು ಮಾಡಿದ್ದಾರಂತೆ. [ಉಪ್ಪಿ ಮುಂದಿನ ಸಿನಿಮಾ ಟೈಟಲ್ ಏನು ಗೊತ್ತಾ?]

'H2O' ಚಿತ್ರದ ಮೂಲಕ ಎರಡು ರಾಜ್ಯಗಳನ್ನು ಅಲುಗಾಡಿಸಿದಂತೆ, ಈ ಬಾರಿ ಮತ್ತೊಮ್ಮೆ ಈ ಜೋಡಿ ಸೆನ್ಸೇಷನಲ್ ಟಾಪಿಕ್ ಆಯ್ದುಕೊಳ್ಳುತ್ತಾ ಎಂಬುದರ ಬಗ್ಗೆ ಹೆಚ್ಚಿನ ಮಾಹಿತಿ ಲಭ್ಯವಾಗಿಲ್ಲ. ಉಪೇಂದ್ರ ಸದ್ಯ 'ಕಲ್ಪನಾ-2' ಶೂಟಿಂಗ್ ನಲ್ಲಿ ಬಿಜಿಯಾಗಿದ್ದಾರೆ. ಅದು ಮುಗಿದ ಮೇಲೆ ಹೊಸ ಚಿತ್ರದ ಮಾತು. ['ಕಲ್ಪನಾ-2' ಶೂಟಿಂಗ್ ಸೆಟ್ ನಲ್ಲಿ ನಡೆದ್ದೇನು? ಉಪೇಂದ್ರಗೆ ಏನಾಯ್ತು?]

ಉಪ್ಪಿ-ಲೋಕಿ ಕಾಂಬಿನೇಷನ್ ನಲ್ಲಿ ಮೂಡಿ ಬರುವ ಹೊಸ ಚಿತ್ರದ ಬಗ್ಗೆ ಎಕ್ಸ್ ಕ್ಲೂಸಿವ್ ಮಾಹಿತಿಯನ್ನ ನಿಮ್ಮ ಮುಂದೆ ಇಟ್ಟಿದ್ದೀವಿ. ಹೆಚ್ಚಿನ ಅಪ್ ಡೇಟ್ಸ್ ಗಾಗಿ 'ಫಿಲ್ಮಿಬೀಟ್ ಕನ್ನಡ' ಓದುತ್ತಿರಿ...